Mateus 24:23 - Tradução Bíblica Pacaas Novos

^23-24 Ma' tatara wari' co tomi' mixein ca' xi' nana: Wata' co Cristo ta tatara. Ca' ac caca tara oro xucucun ma' quem: Wata' co profeta ta tatara pain ca tomi' mixein nucucun. Mixein xuxun oro wari' cwa' tatara, am ha' capari' pain ca mixein xuxun oro wari' co tora' ca Iri' Jam cwa' quem tatara, ara ara ac cacain tara oro ca om ara taxi' ne ca wari' wa ma', wa wa ac cocon tara oro wari'. Je ca tomi' xuhu' ca' ac caparut na. Mo ta tomi' ximama' ca' cucuhu' wari' ma': Noro je, mon cwa' Cristo cwa', mo ta tomi' ac i ma' cucuhu'. Mo ta tomi' ca' cucuhu' quem: Mon cwain Cristo cwain, mo ta tomi' ximama' ac i ma' cucuhu', ta howa huhun me ta.

Mateus 24:23 Iomraidhean Croise

Marcos 13:21

Ma' tatara wari' co tomi' mixein ca' xi' nana: Wata' co Cristo ta tatara. Ca' ac caca tara oro xucucun ma' quem: Wata' co profeta ta tatara pain ca tomi' mixein nucucun. Mixein xuxun oro wari' cwa' tatara, am ha' capari' pain ca mixein xuxun oro wari' co tora' ca Iri' Jam cwa' quem tatara, ara ara ac cacain tara oro ca om ara taxi' ne ca wari' wa ma', wa wa ac cocon tara oro wari'. Je ca tomi' xuhu' ca' ac tococwa na. Mo ta tomi' ximama' ca' cucuhu' wari' ma': Noro je, mon cwa' Cristo cwa', mo ta tomi' ac i ma' cucuhu'. Mo ta tomi' ca' cucuhu' quem: Noro je, mon cwain Cristo cwain, mo ta tomi' ximama' ac i ma' cucuhu', ta howa huhun me ta.

Lucas 21:8

Om na, ma' tara xumuhu' me ac tococwa na. Ta howa huhun oro wari' co mixein xim nunuhu' pain oro carawa ca maqui' ta' ma' me. Xi mija xi' ara caca oro wari' co wata' ta nana pain ca an hwet cacain wuxu ca'. Tomi' ca' tatara oro xucucun quem: Wixicam pin na oro xec pain ca pi' pin ta' ne macan' ta tatara. Ta howa huhun me ta ac tococwa na.

João 5:43

Hwet paxi' inuhu', xi om ne ca hwet roron ta ara capa' Te pahu'. Ane noc mahu' ne. Hwet iri nuhu' wari' pain ca param pan nucun ne, tomi' querec te ac hun na.

Atos 27:11

Ane om tomi' na ca taramaxicon nucucun oro soldado Júlio ma' ne. Om ca taraju wet con Paulo. Taraju wet pan non co joc wat nain mam' horoho wa ma', taraju wet pan non waximain ma' quem.