Mateus 24:19 - Tradução Bíblica Pacaas Novos

¹⁹ Oro narima' co nam' nana pain oro xec nein ca jein mama' xi' cacama ma', wiricacam co ma' nanam wixicacam hwijima' ma' quem, jain jain tamana tatara. I'ina tamana tataram pain ca jein mama' wa.

Mateus 24:19 Iomraidhean Croise

Mateus 21:16

Om ca taraju main ca tomi' caca hwijima' cwa' ra? Je xi tomi' in pin momon quem nonon Jeju pain ca mana' nucucun. Taraju toton ca' ira ac tococwa na. Om ca noro camain' hwein ca xirao' pe ca profeta pain capijacon Iri' Jam ra? Ca' na ca xirao' pe nein con: In ac nonon Iri' Jam oro hwijima'. Oro hwijima' co xoc xoc wet nana catat quem, in ac nonon Iri' Jam. Wirico Iri' Jam co mi' nonon pain ca in ac cocon ma'. Ac i ma' na ca tomi' tococwa ma'.

Mateus 24:18

Wari' co pe nain totacon ma' quem, om ta na ne pain ca in mao cain xiricon pain ca cut ton con oro womicon. Mo mao hap e' tara ta.

Mateus 24:20

Mija tara ca jain jain caca oro wari' pain oro xec nein ca jein mama' xi' caca. Om ca wara querec camain' xine ca jain jain wa ca an xiho' nain pane, pain ca xo' ma' ten qui' ne macan' con Iri' Jam pane, je win jain jain tamana xi' caca oro wari'. Om ta jain jain ac i ma' mami' caca quem. Je ca tomi' xuhu' ca': Tomi' mi' xujuhu' con Iri' Jam ta, tomi' ca' jun: Xiram pa' xut ta Iri' Jam. Mi' xut pain ca awi ne xec pain ca jein mama' xi' urut quem. Om tara pain oro xec ca xio tamana ta, om tara pain sábado quem, ac i ma' tara ca tomi' mi' xujuhu' con Iri' Jam.

Lucas 21:23

Oro narima' co nam' nana pain oro xec pain ca jein mama' xi' cacama ma', wiricacam co ma' nanam wixicacam hwijima' ma' quem, jajain tamana tatara. I'ina tamana tataram pain ca jein mama' wa. Jajain jajain pi' pin tatara oro wari' co to nanain oro xijein cidade pain Judeia ma', pain ca wap toton cocon Iri' Jam.