Mateus 24:16 - Tradução Bíblica Pacaas Novos

¹⁶ jein ca' ac hwein tara. Wahu' pain ca to hwein oro cidade pain Judeia ma', jein mama' ac hwein tara oro pacun.

Mateus 24:16 Iomraidhean Croise

Mateus 2:1

Pan' pe nain Belém Jeju, pain macarain Judeia ma'. Je ca pan' pe ca pane. Pain ca taramaxicon taramaxicon wet ca Herodes pane, je ca pan' qui' ca Jeju. Om om, maqui' ac caca na caram ma' co noro taxipa' nonon oro pijo'. Maqui' nanain pira pain ca maqui' ac ca xina. Xuruxut xuruxut hwet ac cacain na Jerusalém.

Mateus 24:15

Je ca tomi' xuhu' ca' ac caparut na. Main xat pe tarain cote ne xiricon Iri' Jam caji pacun ca Iri' Jam xi' ma ca. To' em' pin tarain cote ne xiricon Iri' Jam. Wara xirao' pe nain profeta Daniel cara pane. (Wahu' pain ca noro hwein ca xirao' ne ca', taraju pa' je ta.) Querec iri jein ne,

Mateus 24:17

Wari' co hwet pe ca' nain xiricon ma', mo mao hap ac ca tara. Om ta na ne pain ca corom in mao cain xiricon pain ca cut tain cain caramaxicon. Mo mao hap e' tara ta.

Hebreus 11:7

Howa non Iri' Jam Noé cara pane. Tomi' hwet iri ta pain carawa ca om hwet pa' querec nonon ne, tomi' ha' ac con na. Quep ac cain na mam' horoho wa, ma' ta witan pin ta' cocon oro ca nari ne cwa' ta na pane. Howa pan iri na Noé ne, querec pin' ac tococwa na oro win ma' caca pain ca om howa nucucun ma', wap pin ac tococwa na quem. To' hohot pin inem, xi howa ara mapa' ta pan ac con na Iri' Jam quem.