Mateus 24:15 - Tradução Bíblica Pacaas Novos

¹⁵ Je ca tomi' xuhu' ca' ac caparut na. Main xat pe tarain cote ne xiricon Iri' Jam caji pacun ca Iri' Jam xi' ma ca. To' em' pin tarain cote ne xiricon Iri' Jam. Wara xirao' pe nain profeta Daniel cara pane. (Wahu' pain ca noro hwein ca xirao' ne ca', taraju pa' je ta.) Querec iri jein ne,

Mateus 24:15 Iomraidhean Croise

Mateus 24:16

jein ca' ac hwein tara. Wahu' pain ca to hwein oro cidade pain Judeia ma', jein mama' ac hwein tara oro pacun.

Marcos 13:14

Main xat pe tarain cote ne xiricon Iri' Jam caji pacun ca Iri' Jam xi' ma ca ta ac tococwa na. Om xi pe nein i cain ta. To' em' pin tarain cote ne xiricon Iri' Jam. (Wahu' pain ca noro hwein ca xirao' ne ca', taraju pa' je ta.) Querec iri jein ne, jein ca' ac hwein tara. Wahu' pain ca to hwein oro cidade pain Judeia ma', jein mama' ac hwein tara oro pacun.

Lucas 19:43

Ame hwe e', main maqui' tara oro xec pain ca hwet cucuhu' oro co noc nunuhu' ma'. Mam' tao' caho' ac cuhu' tara pain cote ne pana pain macan', coco' coco' mam' ac cucuhu' tara quem. Om ta jein mama' ac hwe cocon.

Lucas 21:20

Querec iri jujun oro tatirim pain ca coco' coco' mam' pin cacain Jerusalém ne, taxi' pin ac hwe tara pain ca wixicam pin ne xec pain ca to' pa horohot to' pa horohot pi' pin xin xine oro xirinain ac tococwa na.

João 11:48

Mo ta miri'om xun, howa howa xam' ac cocon tara oro wari', wum co taramaxicon ta ac cocon tara. Maqui' ac caca tara oro romano, to' pa horohot pin ac cacain tara cote ne xirim ca in ac to xun Iri' Jam. To' quiji' pin ac cacapari' tara, to' em' pin ac cacain tara macaraxi' ca' quem, ac i ma' xucucun.

Atos 21:28

Merem ac caca na: Quep xiho' xut ta oro ca nari nuxut pain ca wari' nein Israel hwe ma'! Quep xiho' xut con co cwa', co pijim' pan tem nonon oro wari' pain oro xijein macan'. Tomi' napat napari' pain ca judeu iri' ca', tomi' napat nain ca xirao' nucun Moisés, tomi' napat nain cote ne xiricon Iri' Jam ca' quem. Om ca xica' pe ne ca tomi' napat ca ma', o corom qui' tata pain ca tao' caho' nein cote ne xiricon Iri' Jam oro wari' co om judeu nana ma' quem. To' em' pin ac cain na iri' ca pe pan ca Iri' Jam ca' quem, ac i ma' na ca merem caca ma'.

Atos 6:13

Cut corom qui' ac tococwa co xina ximama' xi' nana cara ne. Tomi' ximama' ac caca na: Tama' tomi' napat a xira co cwa' ne ta. Tomi' napat nain cote ne xiricon Iri' Jam nexi' ca', tomi' napat nain ca xirao' nucun Moisés ma' quem.

Hebreus 2:1

Hwara' opa tamana pan na Taramaxicon nexi' Jeju Cristo. Je ca na e' ne pain ca taraju wet xin ca tomi' nucun ca taraju iri' ca'. Ma' ta om aram aram an pe pin xin quem.

Apocalipse 1:3

Iri' Jam ma', param mi' non pain ca awi wa wari' co noro nain ca xirao' ne ca', param mi' nonon pain ca awi wa oro wari' co taraju nanain pain ca noro xine ma', wiricoco co tomi' ha' nanain quem. Xi om ne ca wixicam pin ara ne oro xec nein ca maqui' ta' ne oro ca xirao' ne ta.

Apocalipse 3:22

Mo ta taraju pa' xixi' na hwe ma', je ta taraju wet qui' hwein ca tomi' nein Tamataracon Iri' Jam ca', pain ca tomi' cocon oro co cut in xucucun pain ca howa cacapa' ma'. Je ca xirao' mi' roron oro co howa to nanain Laodiceia ta capa' pane.