Mateus 24:11 - Tradução Bíblica Pacaas Novos

¹¹ Mija tatara oro wari' co profeta urut ximama' nana quem. Pijim' mixein ac caca tara, mija tatara wari' co pijim' mixein caca.

Mateus 24:11 Iomraidhean Croise

Mateus 24:12

Pan teretem tamana ac caca tara oro wari' pain oro xijein macan'. Mija tatara. Je ca tomi' querec te tomi' querec te om xun cocon oro win ma' caca ma'.

Mateus 24:5

Xi mija xi' ara caca oro wari' co wata' ta nana pain ca an hwet cacain wuxu ca'. Wata' co Cristo tatara, mixein ac tococwa tara oro wari'. Mija tatara wari' co howa nonon quem.

Mateus 7:15

Ma' tara xumuhu' me, ta taraju wet huhun oro wari' co profeta urut ta ximama' nunuhu' pain ca pijim' mixein nucucun ma' me ta ac tococwa na. An xiho' paxi' nanain ovelha ca awi pain ca om mana' nein ma', ac ca awi caca e' na pain curucucun. Ane om awi pan ne ximicocon ne. An xiho' e' nonon copacao' co om awi pain ca mana' nucun.

Atos 20:30

Ac i ma' tatara iri' win ma' nuhu' pain ca howa hun Jeju ma'. Main maqui' tara xec nein ca pijim' mixein xim cucuhu' ma'. Mixein tuturuhu', howa jein ca tomi' urut pahu' ca', ja' ja' xut ta tuturuhu', ja' ja' ac cocon tara co howa nonon Jeju.

1 Timóteo 4:1

Tomi' xo' ca' napari' Tamataracon Iri' Jam: Wixicam pin iri tara xec nein ca in qui' ta' nucun Cristo Jeju ma' ne, ma' ac caca tara oro wari' co an to pin nanain capijacon Iri' Jam ca pijim' iri' ca'. Howa howa om pin tatarain. Howa pin ac cacain tara ca pijim' nucucun oro wari' co taraju wet e' nonon oro caxicon jam co mixein nana ma'. Ac i ma' na ca tomi' capari' Tamataracon Iri' Jam. Tomi' xo' napari' pain.

2 Pedro 2:1

Om paxi' na ca maqui' nein ca coromicat nucun wari' oro ca tomi' nucucun oro profeta pane. Ane ma' taxipa' caca oro co profeta urut mixein nonon oro wari' nucun Iri' Jam pain cara pane ne. Ac i ma' tuturuhu' oro wari' co ca' na mixein xim nunuhu' pain xocori ca' quem. Iri'o' na ca ca' na urut pahu' ca' tuturuhu', to' em' to' em' ac tococwa tara co taraju wet xun nonon. Tomi' ha' urut con Jeju ta paxi' tatara, ane om tomi' ha' xun cocon ne. Om ta tomi' ha' mami' cocon Taramaxicon nexi' co to' witan nonon pane. Ame hwe e', ane ane wap xun ac tococwa tara, to' em' pan ac tococwa tara ta.

1João 2:18

Je ca tomi' xuhu' ca', pain ca ac ca mana panxita' xuhu' ne ca'. Wixicam pin na xec nein ca pi' pin ta' ne macan' ca'. Maqui' nain i ma' wari' co noc tamana non Cristo ma', co ari mip non ma'. Wara taraju hun pain ca maqui' ta' nucun. Wara mija pin nana oro win ma' ca co ari nonon Cristo pain ca noc cocon ma' quem. Je ca taxi' xin ca wixicam pin ne xec nein ca pi' pin ta' ne macan' ca'.

1João 2:26

Je ca xirao' mi' xuhu' ca'. Xirao' mi' inuhu' cocon caram ma' co pijim' mixein xim nunuhu' pain ca howa ni ca' jein capijacon Iri' Jam con Cristo ta nunuhu' ma'.

1João 4:1

Je ca tomi' xuhu' pain ca tomi' querec te xuhu' ca'. Ta howa ximama' huhun oro wari' co pijim' nunuhu' me ta. Taraju wet xo' jujun, tomi' querec jujun pain ca pijim' nucucun. Am maqui' con Iri' Jam ca coromicat nucucun ma', am maqui' pan nein ximicocon ca coromicat nucucun ma', tara cocon ta. Je ta coromicat xo' qui' hwe cocon, xi om ne ca mija ara caca co tomi' hwet mixein nonon pain capijacon Iri' Jam oro wari' pain oro xijein macan' ma'.

Apocalipse 19:20

Mixita xun paxi' totoron, ane quep pan tococwa ne. Quep ta co ma' co ac caji carawa co hwet qui' cain' ma', quep wi ta con co ma' co profeta mixein ma', co tomi' hwet taxipa' nain oro ca tomi' nucun ma'. Wirico co ma' co mi' ca pain ca hwara' opa nucun pain ca ara taxipa' cain oro ca om ara taxi' ne ca wari' wa ira. To' wa wa tamana nonon oro wari' pane ira. Oro ca ara ca ma', je i ma' ca mam' mixein cocon oro wari' co xirao' xirac wawa pain wixicon co ma' co ac caji carawa ma', co pe torotop mi' querec te nanain pacun ca ara an xiho' xine curucun ma'. Xin mi' ac tocwa na pain cote ne xe ma', ca ac xuterem' ma'. Co ma' co ac caji carawa co hwet qui' nain com ma', wirico win ma' nucun ma' quem, wixicao' mi' nunucun ac tococwa na pain cote ne xe ca wiran wi nain pacun ca weo tamana ma', ca enxofre caca oro wari' ma' quem.