Mateus 24:10 - Tradução Bíblica Pacaas Novos

¹⁰ Aram aram mija pin ac caca tara co an to pin nanapa'. Howa howa om pin tatarapa'. Noc ac xucucun tara, tomi' mi' caracan ac xucucun tara cocon oro taramaxicon.

Mateus 24:10 Iomraidhean Croise

Mateus 10:21

Ma' tara wari' co tomi' mi' ton non cocon oro taramaxicon cwaji' ca ma'. Mon cwa' aji' cwa', to' pa' pin jun ta totoron. Ac i ma' tara co wanxi' ma' quem. Mon cwa' panxita' cwa', to' pa' pin jun panxita' cwa' totoron. Ac i ma' tatara mana panxica wari' ma' quem, noc pin totoron cote caca cacam jicocon ma', to' parapa' pin ac tacacama tara quem.

Mateus 11:6

Tomi' jun pain i ca' quem: Wari' co howa cara napa' ma', co om tara con ta'a napa' ma', wirico tara co param mi' ca pain ca awi wa Iri' Jam ta, ac i ma' na ca tomi' xo' tococwa ma'.

Mateus 13:21

Ane om tomi' querec te cara cacain ne. Om ca corom mao nein ximicocon capijacon Iri' Jam ca taraju caca. Maqui' iri na carawa ca to' i'ina nonon ne, ja' tequi' quep em' iri tata oro wari' pain ca howa cacain capijacon Iri' Jam ma' ne, an to hap ac cacain na ca howa wa.

Mateus 13:57

Cain' cain' xira con ne nana, miri'om ac cocon na quem. Om ca howa camain' cocon. Ane tomi' pan cocon Jeju ne: Tomi' querec te paxi' ta profeta pain oro xijein cidade ma'. Pain iri' macaracon ma' iri na ne, om ca tomi' querec te tocwa. Iri' ca nari nucun ma', noc pan nonon ta na ca tomi' tococwa ma'.

Mateus 24:11

Mija tatara oro wari' co profeta urut ximama' nana quem. Pijim' mixein ac caca tara, mija tatara wari' co pijim' mixein caca.

Marcos 13:12

Ma' tara wari' co tomi' mi' ton non cocon oro taramaxicon cwaji' ca ma'. Mon cwa' aji' cwa', to' pa' pin jun ta totoron. Ac i ma' tara co wanxi' ma' quem. Mon cwa' panxita' cwa', to' pa' pin jun panxita' cwa' totoron. Ac i ma' tatara mana panxica wari' ma' quem, noc pin totoron cote caca cacam jicocon ma', to' parapa' pin ac tacacama tara quem.

Marcos 4:17

Ane om tomi' querec te cara cacain ne. Tomi' joc mam' mi' nanain pana ca om corom mip caximain pain macan' ma', om ca corom mao nein ximicocon capijacon Iri' Jam. Maqui' iri na carawa ca to' i'ina nonon ne, ja' tequi' quep em' iri nonon oro wari' pain ca howa cacain capijacon Iri' Jam ma' ne, an to hap ac cacain na ca howa wa.

Lucas 21:16

Ma' tatara wari' co quep xiho' toton nonon oro taramaxicon pain ca quep xun cucuhu' ma'. Mana cote hwe cocon xuruhu' cocon oro ca nari nuhu' cocon oro win ma' nuhu' tatara quem, cut mi' tuturuhu' cocon oro taramaxicon. Ma' tatara oro win ma' nuhu' co to' parapa' xi' wawa quem.

2 Timóteo 1:15

Taxi' mapa' pain ca an pe pin cacapa' oro xerexi' co maqui' nanain oro xijein cidade pain macarain Ásia ca'. Wirico Fígelo con Hermógenes quem, noc noc pi' pin nanapa'.

2 Timóteo 4:10

Xi paca' ara capa' Demas cara pane. Win xumu ara xi' nain oro caramaji macan', paca' ac capa' na, mao ac cain na Tessalônica. Mao nain Galácia Crescente, mao nain Dalmácia Tito quem.

2 Timóteo 4:16

Pain ca tomi' nain ho' xije pain ca tomi' em' cacapa' pane, pain ca xo' tomi' querec cacapa' oro taramaxicon pane, om na wari' co quep xiho' napa', om nana oro win ma' ne co tomi' in pin nonon pain ca tomi' em' cacapa' pane. Wara paca' paca' pi' pin nanapa'. Je i ma' ira, tomi' mi' inonon con Iri' Jam quem. Ta mana' momon pain me ta inon cocon.