Mateus 23:9 - Tradução Bíblica Pacaas Novos

⁹ Om ca na ne pain ca te ximao hun wari' pain ca in ac ximao hun quem. Xi ma' xica' pe ara ca Cote hwe ta, Cotere' co pe pawin cwain. In ac pan jun ta.

Mateus 23:9 Iomraidhean Croise

Mateus 23:10

Om ca na ne pain ca taramaxicon ne xine huhun oro wari' quem. Xi ma' xica' pe ara ta' pain ca taramaxicon ne mahu' ca', pain ca Cristo ta' ca'.

Mateus 6:32

Xi ac i ma' ara caca oro wari' co om howa nonon Iri' Jam ta. Tama' win xumu e' nanain carawa ca cao' wa, je carawa ca toc wa, wirico wom co to wa quem. Ane taxi' pan cuhu' Cotere' co pe pawin cwain ne, taxi' nuhu' pain ca om cuhu' carawa ca cao' wa. Taxi' nuhu' pain ca om cuhu' carawa ca toc wa. Taxi' nuhu' pain ca om cuhu' wom quem. Taxi' nuhu' pain ca ma' xirapari' na hwein quem.

Mateus 7:11

Je ca tomi' xuhu' ca' ac tococwa na. Wahu' pain ca wari' hwe ma', caracat paxi' hwe, ane ma' ne xumuhu' ne. Xiram pa' taxi' huhun mana panxihwe pain ca mi' e' huhun pain carawa ca awi. Cain' cain' ca Cotere' co pe pawin cain quem? Om ta xiram pa' tamana pan ca quem? Om ta mi' cocon pain carawa ca awi oro wari' co mi' ne nonon pain ra? Mi' pan totoron pain ta.

Atos 22:1

Taraju wet xine me xere cocon waram te ac ca na Paulo. Taraju wet jein ca tomi' xo' xuhu' ca', pain ca tomi' caho' xije pain ca tomi' em' mahu' ca' tata.

1 Coríntios 4:15

Mija paxi' tatara oro co ca' na nunuhu' ma', pain ca howa hun Cristo ma'. Ma' 10.000 paxi' tatara, ane om mija caca co te hwe ma' ne. Xica' pe ina. Ac ca te mahu' na, xi wata' ara ne co pijim' mi' cain' nuhu' pain capijacon Iri' Jam con Jeju pain ca to' witan xim cuhu' pane. Howa ac hun na Cristo Jeju.

2 Coríntios 6:18

Xirao' pe ca' na quem: Te ac mahu' tara, mana panxita' ac xuhu' tara pain ca tarama' nuhu' ma', je pain ca narima' hwe ma' quem. Je ca tomi' xuhu' pain ca Taramaxicon Iri' Jam ta' ca', pain ca hwara' opa pan ta' ca'. Ac i ma' na ca xirao' pe xine pain capijacon.

Hebreus 12:9

Noro jujun mana cotere' pain macan' ca' quem. Hu xo' nanapari', tomi' xo' nanapari' pain ca tomi' cacain tarajixi'. Tomi' ha' ac ururun na quem. Je ca tomi' xuhu' ca'. Na e' na pain ca tomi' ha' xun Cotere' co pe pawin cain. E' cara ac iri' tara quem.

1João 3:1

Taraju pa' xin i ca' e': Om ca noc camain' capari' Cotere' Iri' Jam ta, xi mana panxita' inuhu' ara capari' ta. Te urun ma' ira! Oro wari' co om howa nonon ma', om ca querec pin' cacapari' pain ca mana panxica Iri' Jam iri' ca', xi querec pin' pan cocon quem.