Mateus 23:8 - Tradução Bíblica Pacaas Novos

⁸ Wahu' iri na ne, pain ca taxipa' mahu' ma', om ca na ne pain ca in ac pan xujuhu' pain ca ca' na xujuhu' pain capijacon Iri' Jam. Xi ma' xica' pe ara ta' pain ca ca' na xuhu' ca'. In ac pan xine ta. An an ari xujuhu' pain ca xere xujuhu' quem.

Mateus 23:8 Iomraidhean Croise

Mateus 10:25

Carawa ca ara mi' tocwa co ca' na ma', ara mi' ac tocwa tara co ca' na wa ma' quem. Carawa ca ara mi' tocwa taramaxicon ma', ara mi' ac tocwa tara co taramaja mi' e' non ma' quem, je cwerein, hohot na ta je. Je ca tomi' xuhu' ca': Taramaxicon paxi' ina, ane tomi' noro cacapa' co noc nanapa' cwa' ne. Caxicon Jam ma ta nanapa'. Wahu' iri na pain ca wari' ne xuhu' ca' ne, tomi' xirac tamana tuturuhu' quem. Ac ca om tomi' xirac homa cacapa' na pain xocori ca'. Ame hwe e', tomi' xirac tamana pan tuturuhu' ta naparut.

Mateus 17:5

Tomi' tomi' wet na Pedro ma', hwet qui' ac ne na tajain nanawin ca toc meremem tamana. Tatep pa' ac tococwa na. Taraju ac cacain na ca tomi' wa ma', ca maqui' nain nanawin ma'. Mon cwa' panxita' co om noc camain' ta' cwa'. Hohot tamana napa' ta. Taraju wet jun ta na.

Mateus 23:10

Om ca na ne pain ca taramaxicon ne xine huhun oro wari' quem. Xi ma' xica' pe ara ta' pain ca taramaxicon ne mahu' ca', pain ca Cristo ta' ca'.

Mateus 23:7

Tomi' querec te xo' tatarapari' oro wari' co xao to to nanain ximijain cidade quem nana. In ac tatarapari' pain ca ca' na xuxun pain capijacon Iri' Jam ta nana quem.

Mateus 26:25

Tomi' querec ac con na Judas ma', co tomi' mi' ton non ma': Cain' cain' ma quem Taramaxicon co ca' na taxipa' capijacon Iri' Jam? Wum ta mapa' ra? Ac i ma' na ca tomi' con ma'. Wum ma' ira. Win ne ca tomi' pan ma ma' na ca tomi' con ma'.

Mateus 26:49

Xut hwet hap ac con na. Maqui' ina ta Taramaxicon co ca' na taxipa' capijacon Iri' Jam na ca tomi' con ma'. Xup ac con na.

Marcos 10:51

Ma' carawa ca ara mi' ne mapa' ma' quem ac con na Jeju. Om na, querec mami' xita' na ina ta Taramaxicon co ca' na taxipa' capijacon Iri' Jam ac con na.

Marcos 11:21

He ac ca na Pedro, mam' pe wet ac cain na ca tomi' noro cain Jeju pane. Noro rain panaji figo ca tomi' noro ma pane Taramaxicon co ca' na taxipa' capijacon Iri' Jam. Mi' pin na ta non.

Marcos 14:45

Xut hwet hap ac con na. Taramaxicon co ca' na taxipa' capijacon Iri' Jam na ca tomi' con ma'. Xup ac con na.

Marcos 9:5

Tomi' ac con na Jeju Pedro. Awi na pain ca to xin i ca' quem Taramaxicon co ca' na taxipa' capijacon Iri' Jam. Quep 3 xut pain wijimain xirim. Mene rain wirain. Mene tarain wirain Moisés ma'. Mene tarain wirain Elias ma' quem na ca tomi' con ma'.

Lucas 22:32

Ane tomi' mi' xim con Te quem ne Simão. Ma' ta om pan' ma con, ma' ta hwara' opa cara ma pain ca howa nem inon pum. Cwirin' pin iri rain ca caracat nem ne, to' hwara' opa ac momon tara pain ca howa nucucun xerem cwa' quem na ca tomi' con Simão Jeju ma'.

João 1:38

Noro in ac caparut na Jeju. Querec ac caparut na pain ca ja' ja' urut con. Cain' cain' xihwe quem ac caparut na. Om na, main ca pi'am pe ma quem Rabi ac urut con na. Pain ca Rabi urut con ma', je i ma' ca tomi' nuxut pain capijaxut pain ca judeu urut ca'. Co ca' na taxipa' capijacon Iri' Jam na ca tomi' mao nein quem.

João 1:49

Taramaxicon co ca' na taxipa' capijacon Iri' Jam ac ca na. Panxica Iri' Jam ma ma' ira. Taramaxicon nucucun oro wari' nein Israel ma ma' ira na ca tomi' con ma'.

João 11:8

Taramaxicon co ca' na taxipa' capijacon Iri' Jam ac urut con na. Om ca pain homa ne pain ca to' to' mi' pin xim pain pacun quequem oro taramaxicon pain Judeia cain. Para in mao tain i cain ma ma' quem urut con.

João 20:16

Maria ac cam na. Noro in ac cama na, Rabôni ac con na. Ac i ma' na ca tomi' cama pain capijaxut pain ca judeu urut ca', pain aramaico. Taramaxicon co ca' na taxipa' capijacon Iri' Jam ta na ca tomi' mao nein.

João 3:2

Hwet ton Jeju ta ac ca na, xut hwet towa ac con na. Tomi' xim inem Taramaxicon co pijim' mi' taxipa' nonon pain capijacon Iri' Jam ac con na. Taxi' urut pum pain ca maqui' mon Iri' Jam. Taxi' urut pum pain ca ca' na roron pain capija oro wari' quem pane. Xi an hwet pe taxi' ara main ca hwara' opa wa pain ca ara main oro ca om ara taxi' ne ca wari' wa ta. Mo xi om pe ho' quem Iri' Jam ma', om xi ara ac main oro ca ara ma ma' na ca tomi' con ma'.

João 3:26

Tomi' xun João ta ac caca na, xuruxut hwet ac cocon na. Tomi' xim urut pum taramaxicon co ca' na taxipa' capijacon Iri' Jam: Mam' pe wet mon win ma' ma cara pane, co pe ho' nem pain xijein cacarain Jordão pain cara pane quem? Tomi' hwet maparut con pane. Mija a xira wari' co hwet nonon pain xocori ca'. Ja' a xiroron pain com quem, ac i ma' na ca tomi' cocon ma'.

João 4:31

Pain ca in mao camain cidade nequem ma', tomi' ac urut con na Jeju. Cao' ra carawa ca' Taramaxicon co ca' na taxipa' capijacon Iri' Jam urut con.

João 6:25

Mam' pe ac cocon na pain xijein cacarain cain. Main ca pe ca xina pain ca maqui' nem quem taramaxicon co ca' na taxipa' capijacon Iri' Jam ac cocon na.

João 9:2

Tomi' querec ac urut con na pain ca taxipa' urut con ca': Cain' cain' ne con wari' cwa' quem Taramaxicon co ca' na taxipa' capijacon Iri' Jam ac urut con. Para wara om ne tocon pain ca xo' pan' nucun quem? Ca caracat nucun tara ron? Ca caracat nequem jicon con cote ca tara ra na ca tomi' querec urut con ma'.

2 Coríntios 1:24

Om ca cuc cuc urut pahu' pain ca howa xo' howa xo' je urut pahu'. Quep xiho' e' xim urut pahu'. Ma' ta tomi' querec te hwe urut pahu'. Xi wara hwara' opa ara hwe pain ca howa nuhu' ta.

2 Coríntios 4:5

Om ca pijim' urut pahu', ma' ta tomi' ha' maparut ta urut pahu', om na. Pijim' urut pahu', ma' ta tomi' ha' hun Jeju Cristo co Taramaxicon ne iri' cwa' urut pahu'. Warut iri na ne, taramaja mi' e' urut pahu' pain ca pijim' urut pahu' ca', xi ma' ara caparut Jeju co tomi' ha' urut ta.

Efésios 3:15

Te Te pi' pin urun pain ca to to wet xin macan' ca', te te pi' pin nonon oro co to pin nanain pawin ma' quem.

Filemom 1:16

Om ta pe ho' cara e' quem, pain ca taramaja mi' quem ma'. Pe ho' cara terem, xi om ne ca aji' pin ara quem con Cristo ta. Xa' pin mon quem, tomi' querec te tamana ac xujuhu' tara ta. Tomi' querec te tamana inon pain ca xa' pin ton ca'. Wum iri na ne, pain ca xa' pin mon pain ca howa wi hun Cristo ma', je ta tomi' querec te tamana mip qui' mon ta.

Tiago 3:1

Ta mija caca co jain jain nanain ca ca' na wa capijacon Iri' Jam pahu' ta xere. Ma' paric ca' e' tatara co param nanain pahu', xi om ne ca taxi' ara hun Iri' Jam ma', pain ca tomi' xo' xim capari' pain ca xuruxut nexi' pain ca ca' na xin capijacon ta. Om ta tomi' xo' mip tococwa pain ca xuruxut nucucun oro co om ca' na nanain capijacon. Wari' pain ca ca' na xin capijacon ca' iri tara ne, tomi' xo' mip pan tarapari' pain oro coximinain ca xuruxut nexi'.

1Pedro 5:3

Om ca na ne pain ca tomi' xec xec ca' huhun co querec wet hwe ma': Wata' co taramaxicon cwa', tomi' ha' e' xine, om ca na camain' ne pain ca tomi' ac i ma' huhun. Xuruxut xo' e' je cocon, ma' ta win caca ne cucuhu' ma'.

Apocalipse 1:9

João ina pain ca xirao' mi' xuhu' ca'. Xere xijexi' pain ca howa xun Jeju. Win ma' ne xijexi' pain ca jain jain wi iri' cocon oro wari' co quep em' nanapari', xi om ne ca taramaxicon ne ara xun Iri' Jam ta. Win ma' ne xijexi' pain ca quereme cara xin oro ca to' i'ina napari' pain ca howa xun Jeju quem. Pe inain xixi pan nein macan' Patmos. An mao nanapa' pain i cain pane, xi om ne ca pijim' ara tain capijacon Iri' Jam pane, xi om ne ca tomi' hwet ara toton con Jeju oro wari' pane quem.

Apocalipse 19:10

Pan' hwet ac ton na pain caximacon jam co taramaja mi' non Iri' Jam. Ma' ta pe torotop mi' querec te ton inon ira. Ane tomi' capa' ne: Ta pe torotop mi' querec te mapa' me ta. Xi ac wum ara ta' ta, taramaja mi' e' inon Iri' Jam. An xiho' inem, an xiho' inonon oro win howa ma ma', co win xumu cara nonon Jeju ma', pain ca om an to camain' cacain oro ca tomi' hwet xine con. Pe torotop mi' querec te pan ron Iri' Jam ta! Xi wirico pan ara ca Jeju co tomi' hwet iri' pain ca pijim' hwet xuxun con oro wari' ta. Ac i ma' na ca tomi' capa' jam co taramaja mi' non Iri' Jam.

Apocalipse 22:9

Ane tomi' capa' ne, ta pe torotop mi' querec te mapa' me ta. Ac wum ina, taramaja mi' e' inon Iri' Jam ta. An xiho' inem, an xiho' inonon co win howa ma ma', an xiho' inonon oro co tomi' hwet nanain capijacon Iri' Jam ma'. An xiho' inonon co tomi' ha' nanain oro ca xirao' pe xine pain tapari carawa ca joc top ca'. Pe torotop mi' querec te pan ron Iri' Jam ta! Ac i ma' na ca tomi' capa' ma'.