Mateus 23:11 - Tradução Bíblica Pacaas Novos

¹¹ Je ca tomi' xuhu' ca': Wari' co taramaxicon ina ta ma' pahu', wirico tara co taramaja mi' nuhu' ta.

Mateus 23:11 Iomraidhean Croise

Mateus 23:10

Om ca na ne pain ca taramaxicon ne xine huhun oro wari' quem. Xi ma' xica' pe ara ta' pain ca taramaxicon ne mahu' ca', pain ca Cristo ta' ca'.

Marcos 9:35

Xao pe ac ca na Jeju. Harahap je, xao to ho' xine ta ac tococwa na co taxipa' ca ma', co ma' 12 nana ma'. Tomi' ac tococwa na: Wari' co taramaxicon ta' ma', om ta xec xec ca. Taramaja mi' e' totoron oro win ma' ca ma' na ca tomi' tococwa ma'.

1 Coríntios 9:19

Om paxi' na xucun wari' co quep xat napa' pain ca taramaja mi' ne ta capa'. Ane taramaja mi' e' toton oro wari' ne, maqui' nain xumu ca', taramaja mi' e' toton ta ina. Ma' ta mija caca co howa nonon Cristo pata' ina.

2 Coríntios 11:23

Om ca taramaja mi' urut con Cristo ta caca ra? Wata' co taramaja mi' pan non Cristo ta. Ac ca tamanain ta' a xira pain ca tomi' ac i ma' ta' ta. Taramaja tamana nana ra? Taramaja tiquin' ca' inonon quem. Tao' to tata pain xirinain ca tao' to tao' to to wa ra? Wata' pan co tao' pe ho' tao' pe ho' wa pain xirinain ca tao' to tao' to to wa ta. Wap tata ra? Wata' pan co wap mip ho' wap mip ho' wa ta. Mija na ca mi' pin ho' mi' pin ho' ta' quem.

2 Coríntios 4:5

Om ca pijim' urut pahu', ma' ta tomi' ha' maparut ta urut pahu', om na. Pijim' urut pahu', ma' ta tomi' ha' hun Jeju Cristo co Taramaxicon ne iri' cwa' urut pahu'. Warut iri na ne, taramaja mi' e' urut pahu' pain ca pijim' urut pahu' ca', xi ma' ara caparut Jeju co tomi' ha' urut ta.

Gálatas 5:13

Je ca tomi' xuhu' ca' xere. Howa xine nuhu' Iri' Jam. Ma' ta witan ca' hwein ca tomi' ha' cara wa ca xirao' nucun Moisés pain ca witan xi' wa ta nuhu'. Ane om ha' ne pain ca coromicat ca' hwe ne: Ara ximama' xin oro ca param nexi' ca', xi om ne ca witan ca' ara xin ca tomi' ha' cara wa ca xirao' nucun Moisés ma', ta coromicat ac i ma' camain' hwe me ta. Quep xiho' caracan e' xujuhu' pain ca om noc cara xujuhu' ta.