Mateus 22:8 - Tradução Bíblica Pacaas Novos

⁸ Tomi' ac tococwa na oro wari' nucun co taramaja mi' e' nonon ma'. Awori pin paxi' na oro carawa ca mam' tomi' querec te wi xi' iri' con panxita' co an ta' narima' cwa' quem. Ane miri'om cacapa' co harahap je paxi' ta' ne. Om ca hohot ne pain ca maqui' caca quem, xi tomi' ha' pan caca ta.

Mateus 22:8 Iomraidhean Croise

Mateus 22:7

Mana' tamana ac ca na taramaxicon. To' parapa' pin jujun ta ac tococwa na oro soldado nucun. To' parapa' pin jujun caram cwain co to' parapa' pin nonon oro wari' ne cara ne. Tom pin jein cidade nucucun quem ta na ca tomi' tococwa ma'.

Mateus 22:9

Je ca tomi' xuhu' ca' ac tococwa na. Mama' jein oro wana cain. Tomi' tomi' xam' jujun oro wari' co mam' to hwe pain wana cain ta tata.

Mateus 9:15

Om na, noro jujun oro wari' co tomi' querec te xucucun pain ca an tam narima' ca win ma' nucucun ma' ac tococwa na. Ma' tara ca tomi' xaxa' ac caca pain ca pe ho' pe ho' wet cocon win ma' nucucun co an tam nam narima' ra? Om ca an to ac cacain, xi tomi' querec te ara caca ta. Ame hwe e', main maqui' tara oro xec nein ca an ca' tococwa con, an to pin ac cacain tara ca cao' wa con ac i ma' na ca tomi' tococwa ma'.

Lucas 20:35

Ane om ac i ma' ne pain ca aram aram e' mami' xi' caca co wara cono' nana ne. Oro wari' co querec hohot ca Iri' Jam ma', pain ca hohot na pain ca to ho' mahu' pain pawin ca' ca ma', om ta cut caca narima'. Ca narima' nequequem ma', om ta cut cacama tarama' quem.

Lucas 21:36

Je ca tomi' xuhu' ca' ac tococwa na. Ma' tara xumuhu' me. Tama' tomi' jun Iri' Jam quem. Ma' ta na cuhu' pain ca witan ca' hwein oro ca om awi ca maqui' ta' ma' quem. Ma' ta om wixipa' hwe pain ca aram aram coco' quima hwet xim mahu' pain ca Iri' Wari' ta' ca' quem na ca tomi' tococwa ma'.

Atos 13:46

Tomi' mip pan ac cocon na Paulo con Barnabé ma'. Om ca tomi' jin' camain' caca, tomi' ca' tata: Na e' na pain ca pijim' cain' xihwe pain ca judeu hwe ma'. Je ca pijim' urut pahu' ca', pijim' urut pahu' pain capijacon Iri' Jam con Jeju. Ane noc hwein ne. Je ca querec pin' xihwe pain ca om na ne pain ca mi' xihwe pain ca e' cara wa ta. Je ca in ca' xim urut pahu' ca'. An to pin xut pahu'. Pijim' e' xut cocon co om judeu nana cwa'.

2 Tessalonicenses 1:5

Oro ca ara nuhu' ma', je ca to' querec pin' cuhu' con Iri' Jam ma', pain ca hohot hohot pi' pin ne oro ca ara nucun ma', pain ca mi' toton cocon pain oro ca taramaja mi' caca oro wari' ma'. To' querec pin' nuhu' pain ca param nucun ma' quem, pain ca to' hohot inuhu', param inuhu' pain ca to ho' mahu' pain ca taramaxicon pe ta' ca' toton cuhu' ma' quem. Je ca jain jain hwe cocon oro wari' co quep em' nunuhu' pain ca pijim' mi' huhun con Iri' Jam co taramaxicon ma' quem.

Apocalipse 22:14

Param mi' tata pain ca awi wa oro wari' co hohoc nonon womicocon ma'. Om ta narain ho' tococwa pain ca xac wa winain panaji memem ca mi' nain ca e' cara wa. Ha' nonon pain ca corom mama' cacain cidade pain oro manain ca mam' corom ac xine quem.

Apocalipse 3:4

Ac i ma' paxi' hwe, ane ma' paric ca' e' caca oro win ma' nuhu' co om ara em' xucucun pain Sardes ma' ne. Om ca ara mixem pin cocon womicocon. Ame hwe e', main to totoron wom co towo', xuruxut wi ac cacapa' tara. Xi querec pin' ara tococwa pain ca hohot cacapa' ta.