Mateus 22:5 - Tradução Bíblica Pacaas Novos

⁵ Mama' ac caca na. Tomi' mami' paxi' tata, ane om ha' caca ne. Miri'om nonon, mama' ni ca' nonon. Mao nain totacon xucun. Mao ac cain na ca vender pe wa carawa xucun ma' quem.

Mateus 22:5 Iomraidhean Croise

Mateus 13:22

Oro xucucun ma' iri nana ne, co tomi' joc mam' mi' nanain macan' ca ma' pi ma', taraju paxi' nanain capijacon Iri' Jam. Aram aram coromicat ni ca' ac cacain na. Toron ximama' ac ne na ximicocon pain oro ca to' i'ina nonon, caramaju xixi' na nana quem. Mo xi quep xiho' cocon oro caramaji macan' ca', ane om quep xiho' cocon ne, mixein e' nonon. Ac ca mo' nein pi na capijacon Iri' Jam pain ximicocon. Ac ca om wina ne na, xi to' xucun wari' tococwa pain ta.

Mateus 22:4

Tomi' ac tococwa na oro xucucun wari' co taramaja mi' e' nonon ma'. Mo tomi' mami' jujun oro wari' co wara tomi' ta' pane. Awori pi' pin na oro carawa ca cao' querec te wi xi' iri' ta. Wara to' parapa' pin urut pain boi nuxut je oro wijimain boi nuxut ca homa tamana quem. Awori pi' pin na. Harahap je, cao' querec te wi xijexi' con panxita' co an ta' narima' ta jujun ta na ca tomi' tococwa ma'.

Mateus 22:6

Oro xucucun ma' iri nana ne, quep ac cocon na oro wari' nucun taramaxicon, to' to' ac cocon na, to' parapa' pin ac cocon na quem.

João 2:16

Tomi' ac tococwa na co vender nonon xucu' ma': Cut hwerehwet pi' pin jun. Waraju maho' jein xiricon Te ta. Xi xirinain vender vender pe wa carawa ne ta tata.

Atos 2:13

Ane ma' caca oro xucucun co tatam' e' nonon ne. Tomi' xirac nonon. Toc tamanain to ara xi' nanain ca mana' nein comi uva ta nonon.

Atos 24:25

Ca pijim' tacacama ma', ca pijim' tacacama ma', tomi' xo' ac tacacama na pain ca xut xo' wa pain ca ara xine oro ca param nucun Iri' Jam. Tomi' xo' tata pain ca om ara e' xine ca param pan nexi', tomi' xo' tata pain ca main tomi' querec xun tococwa oro wari' pain oro carawa ca ara caca pain ca e' e' wet nucucun quem. Pijim' ac i ma' iri nanam Paulo ma' ne, jin' pin ac ca na Félix ma'. Je i ma' ta, in mao cain' ra ta ac con na. Mo ta na capa', mo ta om to' i'ina capa' ca taramaja ne ca', hap ra jun ta mami' toton pum ta non.

Romanos 2:4

Wa inem me. Ac ca coromicat ca' ma na: Xiram pa' tamana napa' Iri' Jam ta. Winim' cara napa'. Om ta wap hap capa', ac i ma' tara ca coromicat pan tem nem ra? Cain' cain' xima quem? Winim' cara paxi' nem. Je xi querec pin' mon pain ca awi nucun pain ca om wap hap quem ma' quem? Xiram pa' e' nem. Ma' ta cwirin' pin ma ta nem.

Romanos 8:6

Oro wari' co win xumu nanain oro ca param nucucun ma', cono' ac caca tara. Oro wari' co win xumu nanain oro ca param ne Tamataracon Iri' Jam ma' iri nana ne, ma' ac cocon tara ca om pi' ra ha' ne ca e' wa, om ac ne tara ca toron ne ximicocon quem.

2 Timóteo 3:4

Mixein totoron oro win ma' caca co taxipa' paxi' caca. Tamanain to tatara pain ca om coromicat xo' nucucun. Mija tara ca xin to caca pain ca wata' co awi ta caca. Noc totoron Iri' Jam, param e' tatarain ca waraju wa.

Hebreus 2:3

Je ca tomi' xuhu' ca'. Mo ta miri'om xun Jeju pain ca to' witan pin xim capari', ma' tara ca witan ac iri' ra? Wirico Taramaxicon nexi' pan ara xi' na co pijim' hwet cain' nonon pain oro wari' ca to' witan pin xun wawa pane, tomi' hwet ac cacapari' pain na oro co taraju nonon. Iri'o' na ca tomi' nucun ta nanapari'.

2 Pedro 2:3

Pain ca ca' na mixein xim cucuhu' ma', mixein ac cucuhu' tara, pijim' ximama' e' ac cucuhu' tara, xi jain jain ara cacain oro caramajuhu' ta, param e' nanain. Ane wap ho' xun tococwa ne. Wara awori xo' na Iri' Jam, wara coromicat an pe xo' nain ca wap xun tococwa pain cara pane. Querec na, om ca pi'am ca' cocon, wap ho' toton ta na.