Biblia Todo Logo
Bìoball air-loidhne

- Sanasan -




Mateus 22:43 - Tradução Bíblica Pacaas Novos

43 Cain' cain' xira quem ac tococwa na. Davi cara pane, co wina non Cristo pane, Taramaxicon ne non quem. Je Tamataracon Iri' Jam ca mi' non pain ca tomi' nucun pane. Para Taramaxicon ne con pain ca xirao' pe nucun quem? Xi tomi' ac i ca' ara ca Davi pain ca tomi' mi' con Cristo pane:

Faic an caibideil Dèan lethbhreac




Mateus 22:43
10 Iomraidhean Croise  

Xi tomi' ac i ca' ara ca Davi pain ca xirao' pe nucun pane ta, pain ca tomi' mi' con Cristo pane. Je Tamataracon Iri' Jam ca mi' non pain ca tomi' nucun pane. Ca' na ca tomi' ca pane: Tomi' non Taramaxicon ne Iri' Jam co iri' Taramaxicon ma'. Xao pe ho' ne pain iri' cwere ca'. Aram aram maqui' pa' ac quem tara xec nein ca to' quiji' pin toton ta' co noc nenem ma'. Taramaxicon pe ho' cara ac momon tara ta. Ac i ma' na ca tomi' xucucun Iri' Jam con Cristo pane ta na ca xirao' pe nucun Davi pane.


Tomi' ac tococwa na: Tomi' xim inuhu' ta xere. Wara xirao' pe nain capijacon Iri' Jam taramaxicon Davi cara pane. Je Tamataracon Iri' Jam ca mi' non pain ca xirao' pe cain carawa ca ara ta' ca Judas cara pane. Na e' na pain ca hwet pin ne ca xirao' pe nucun con quem. Taxipa' paxi' naparut Judas pain ca taramaja wi caparut pane. Ane o mi' cocon con Jeju oro taramaxicon co quep xun nonon pane ne. Ac i ma' na ca tomi' tococwa ma'.


Je ca tomi' xuhu' ca', taraju pa' jein i ca': Wari' co tomi' noro non Jeju ma', om na Tamataracon Iri' Jam ca tomi' wi non ma', om na. Wari' co tomi' hwet nain ca Iri' Jam nucun Jeju ma' quem, pain ca Iri' Taramaxicon na Jeju ta ca ma', xica' pe na Tamataracon Iri' Jam ca tomi' wi non ma' quem.


Je ca tomi' xuhu' ca'. Ac i ca' na ca xirao' an pe xine ca tomi' nein Tamataracon Iri' Jam pain capijacon: Mo ta taraju hun Iri' Jam pain ca tomi' cuhu' pain xec ca',


Xi maqui' camain' nein ca coromicat nucun wari' oro ca tomi' nucucun oro profeta ta. Maqui' pan non Iri' Jam. Je Tamataracon Iri' Jam ca tomi' nonon pain ca tomi' nucucun, an xin tiquin' jein ca tomi' ne ta ac tococwa na oro wari' co tomi' hwet nanain ta.


Xec nein ca mam' pe wet xine ca e' mami' ca Taramaxicon nexi' pin iri na ne, pain domingo pain cara pane, pe ho' mip ac capa' na Tamataracon Iri' Jam. Taraju ac tain na ca tomi' wa ma', pain wara ma'. Tomi' mip na. Ac ca on xine caji taracom napa'.


Ane ane pe ho' mip ac capa' na Tamataracon Iri' Jam. Pe quima hwet ac capa' na ca mam' xao pe ca taramaxicon ma', pain pawin ma'. Querec inon co xao pe pe nain ma'.


Lean sinn:

Sanasan


Sanasan