Mateus 22:21 - Tradução Bíblica Pacaas Novos

²¹ Jamicon taramaxicon nucucun oro romano ta. Wixicon quem nonon. Je ca tomi' xuhu' ca' ac tococwa na. Carawa ca mene ca taramaxicon nucucun oro romano ma', mi' ac hun pain tara. Carawa ca mene ca Iri' Jam ma' iri na ne, mi' ac hun pain tara quem na ca tomi' tococwa ma'.

Mateus 22:21 Iomraidhean Croise

Mateus 22:20

Tomi' querec ac tococwa na: Ma' jamicon co cwa', pain moeda ca'? Ma' wixicon co cwa' ca xirao' pe xine pain quem na ca tomi' querec tococwa ma'.

Mateus 22:37

Tomi' ac ca na Jeju. Main ca' con: Ta noc hun Iri' Jam co Taramaxicon ne hwe me ta. Na e' na pain ca tomi' querec te mip hun pain iri' xumuhu'. Jain jain jun pain ca tomi' querec te mip hun ta. Ta coromicat ni ca' hun me ta. Ac i ma' napari'.

Mateus 4:10

In ca' ne ta Caxicon Jam ac con na Jeju. Xi xirao' pe ara xine pain capijacon Iri' Jam ta: Pe torotop mi' querec te e' ron Taramaxicon co Iri' Jam ne ma ta. Xica' pe tara co ma' co tomi' ha' wa pain ca taramaja mi' tocwa ta na ca xirao' nein con ta. Ac i ma' na ca tomi' in pin con Caxicon Jam Jeju.

Marcos 12:17

Je ca tomi' xuhu' ca' ac tococwa na. Carawa ca mene ca taramaxicon nucucun oro romano ma', mi' ac hun pain tara. Carawa ca mene ca Iri' Jam ma' iri na ne, mi' ac hun pain tara quem na ca tomi' tococwa ma'. Wa wa ac cocon na quem.

Lucas 20:25

Jamicon taramaxicon nucucun oro romano ta. Wixicon quem nonon. Je ca tomi' xuhu' ca' ac tococwa na. Carawa ca mene ca taramaxicon nucucun oro romano ma', mi' ac hun pain tara. Carawa ca mene ca Iri' Jam ma' iri na ne, mi' ac hun pain tara quem na ca tomi' tococwa ma'.

Lucas 23:2

Tomi' em' ac cocon na: Tomi' querec urut con wari' cwa'. Taxi' pin urut con pain ca ja' teretem cocon oro win ma' nuxut cwa' quem. Ta tomi' ha' hun taramaxicon nucucun oro romano me, ta pagar hun pain oro imposto me ta nonon. Wata' co Cristo ta, iri' taramaxicon ina ta nonon, ac i ma' na ca tomi' em' cocon ma'.

Atos 4:19

Ane tomi' pan caca ne: Cain' cain' xuxut quem? Tomi' in pin xut con Iri' Jam pain ca tomi' ha' xut pahu' ra? Hohot toron Iri' Jam pain ca tomi' in pin xut con ra? Cain' cain' xuxut quem? Tomi' xut e'.

Atos 5:29

Cain' cain' xuxut quem ac ca na Pedro cocon oro win apóstolo ca ma'. Hohot xiraparut pain ca tomi' in pin urut con Iri' Jam pain ca tomi' ha' pan urut pahu' pain ca wari' nuhu' ra? Om na ta! Na e' na pain ca tomi' ha' pan urut con Iri' Jam ta.

Romanos 13:7

Je ca tomi' xuhu' ca': Mi' mi' pi' pin jujun pain ca dever huhun ma'. Pagar jujun pain oro imposto ca pagar je cucuhu' ma'. Ara xite ara xite xam' jujun ta. Tomi' xo' tomi' xo' xam' jujun quem.