Mateus 22:18 - Tradução Bíblica Pacaas Novos

¹⁸ Ane querec pin' cocon Jeju ne, querec pin' nonon pain ca mixein nucucun. Ac ca iri'o' xi' ca' tara me hwe ra ac cocon na. Para tomi' querec ximama' mahu' ma'? Param mahu' pain ca tomi' pan tem wa ra tata.

Mateus 22:18 Iomraidhean Croise

Mateus 12:15

Taxi' nonon oro fariseu Jeju quem. Taxi' nonon pain ca to' pa' pin xun cocon ma'. Je ca mao ni ca' tococwa ma'. Ja' ja' ac cocon na oro wari'. Mija nana co ja' ja' nonon. Quep xio quep xio xam' ac tococwa na quem.

Mateus 19:3

Ma' ac caca na oro fariseu co xuruxut hwet nonon ma'. Am tomi' xo' ca, am om tomi' xo' ca quem nonon. Je ca tomi' querec cocon ma'. Hohot na pain ca an pe ximao wa narima' ra? Om ca narain ho' capari' pain Iri' Jam ra? Ac i ma' na ca tomi' querec cocon Jeju.

Mateus 22:17

Je ca tomi' querec xim urut pum ca' ac cocon na. Cain' cain' ne ca coromicat nem quem, pain ca tomi' capari' Moisés quem? Hohot na pain ca pagar tocwa pain imposto taramaxicon nucucun oro romano ra? Om ca hohot ne ra? Ac i ma' na ca tomi' querec ximama' cocon Jeju ma'.

Mateus 22:19

Je i ma' ira, mi' xine pain moeda ca mam' pagar xine imposto ta ac tococwa na. An mi' ac cocon na pain denário.

Marcos 12:5

Hwet roron ta ac con na xucun ma'. Ane to' pa' pin cocon co ma' quem ne. Hwet jujun quem ac tococwa na oro xucucun ma' quem. Mija nana co hwet jujun ca ma'. Ane quep xirac quep xirac tococwa ne. Ma' nana co to' wawa ma', ma' ac caca na oro xucucun co to' parapa' pin wawa ma' quem.

Marcos 2:8

Taxi' nonon Jeju pain ca coromicat ac i ma' caca ma'. Taxi' ximao na ximicon. Para coromicat ac i ma' hwe pain xumuhu' ma' quem ac tococwa na.

Lucas 10:25

Om ca pain homa ne, maqui' ac ca na wari' co tomi' xo' taxi' nain oro ca xirao' nucun Moisés. Tomi' querec ton Jeju ta na. Am pijim' xo' ca, am om pijim' xo' ca, ac i ma' na ca coromicat nucun. Tomi' querec ac con na: Taramaxicon co ca' na taxipa' capijacon Iri' Jam ac con na. Cain' cain' xita' quem? Param inain ca e' cara pe ho' ton Iri' Jam ta non.

Lucas 20:23

Querec pin' tata pain ca mixein nucucun quem. Tomi' ac tococwa na:

Lucas 5:22

Taxi' nonon Jeju pain ca coromicat ac i ma' caca ma'. Taxi' ximao na ximicon. Para coromicat ac i ma' hwe ma' quem ac tococwa na.

Lucas 9:47

Jeju ma', taxi' nain ca coromicat nucucun ma'. Je ca hap ra con pije' co pe nain i ma'. Hap ra non, an xat ac con na pain quiricon.

João 2:25

Om ca ma' xirapa' na con wari' co tomi' hwet non pain ca coromicat nucucun oro wari' quem, om na. Taxi' pan tata, taxi' ximao nain ca coromicat nucucun oro wari' ta.

João 8:6

Wara tomi' xo' ca' xucucun con: Tomi' querec xun e'. Mo ta tomi' pan tem ca, na ac capari' tara pain ca em' na ta xun ta nana. Ac i ma' paxi' na ca wara tomi' xo' xucucun, ane miri'om tococwa ne. Wina quiji' na, xirao' ac cain na macan' pain micon.

Atos 5:9

Para tomi' xo' xujuhu' pain ca mixein querec xin hwein Tamataracon Taramaxicon nexi' quem ac cam na. Taraju ra e'. Maqui' pin nana co an corom pe nanain pain manain pacun curucun taxim cara ne. Wiricoco paca' ira. Hwet pin nanain manain xirim ca'. An mamam' mao teterem quem ac cam na.

Apocalipse 2:23

To' parapa' pin toton oro co an xiho' nanam ma', co ac humaxicam nana ma'. Querec pin' ac cacapa' tara oro co howa nana ma', pain ca cut in xucucun pain oro cidade ma', querec pin' tatarapa' pain ca taxi' tain oro ca coromicat nucucun oro wari' ma', je pain ca taxi' tain oro ca param nucucun ma' quem. Wahu' pain ca pan teretem hwe ma', wap wap xam' xuhu'. Win hwe pane xuhu', win ne ca ara ara hwe pane xuhu', ac i ma' tara ca wap xuhu' ta.