Mateus 22:12 - Tradução Bíblica Pacaas Novos

¹² Tomi' querec ac con na: Cain' cain' xima quem win ma' ne? Para corom ma pain ca om pe mon iri' wom ma' quem non. Hehe ac ca na.

Mateus 22:12 Iomraidhean Croise

Mateus 20:13

Tomi' ac ca na waximain xitot ma', tomi' non win ma' caca co mana' nana ma'. Tomi' xim inem win ma' ne. Om ca mixein xim. Tomi' xo' inem pain xo' xec cara ne, xin ne ac mapa' na pain ca mi' xica' pe xim pain denário pain ca taramaja nem pain xec ca' xim ne ira.

Mateus 26:50

Ara ho' rain ca ara ta' ma ma' win ma' ne ac con na Jeju. Xuruxut hwet hap ac cocon na, quep ac cocon na, pao' pe ac cocon na quem.

Mateus 5:20

Je ca tomi' xuhu' ca': Tomi' ha' jein oro ca tomi' nucun Iri' Jam. Coromicat ac i ca' paxi' hwe pain xocori ca': Tomi' ha' nana oro fariseu ma', tomi' ha' nana oro co ca' na taxipa' nanain ca xirao' nucun Moisés ma' quem, ac i ma' paxi' na ca coromicat nuhu' pain xocori ca'. Ane tomi' pan xuhu' pain i ca' ne: Mo ta om tomi' ha' tiquin' ca' huhun pain oro ca tomi' nucun Iri' Jam ma', om ta to ho' camain' huhun oro wari' co taramaxicon pe ho' ca Iri' Jam ta. Tomi' iri'o' inuhu' ta.

Romanos 3:19

Je ca tomi' xuhu' ca'. Oro ca tomi' nucun Iri' Jam cwa', pain ca xirao' nucun Moisés ma', tomi' tata oro judeu, tomi' tomi' pi' pin napari' quem. Ma' ta tomi' narain ho' tomi' narain ho' om pin xujuhu' pain ca pan teretem nuhu' ta napari', ma' ta hehe pin hwe ta napari'. Ma' ta querec pin' xujuhu' pain ca om hohot mahu' ma', pain ca wap xim xuhu' ca' napari' quem.

1 Coríntios 4:5

Je ca tomi' xuhu' ca': Ta tomi' em' hap huhun pain ca taramaja nucucun oro wari' me ta. Winim' jein xec nein ca in qui' ta ca Taramaxicon nexi'. Wirico tara co an hwet pin tain nain oro ca coromicat nucucun oro wari' ca joc xim caca ira. Para taramaja mi' cocon Cristo quem? Om na, wirico tara co to' querec pin' napari' pain oro ca coromicat nucucun pain ca taramaja mi' cocon ma'. Wirico tara co tomi' nonon oro wari' co taramaja xo' nana. Mo ta taramaja xo' caca pain ca e' e' wet nucucun pane, hohot ma ta ac cocon tara, taramaja xo' ma ma' ira ac cocon tara, tomi' tomi' xam' ac cocon tara ta.

Tito 3:11

Querec pin' ara xi' ta wari' co ac i ma' ta. Howa ni ca' nain capijacon Iri' Jam ca iri'o'. Taxi' paxi' xucun pain ca caracat taxipa' ca ma', ane caracat cara pan ca ne. Em' ma ta pan xucun pain ca coromicat nucun pain ximicon.