Mateus 22:11 - Tradução Bíblica Pacaas Novos

¹¹ Mo querec toton oro wari' co maqui' nana ne ac ca na taramaxicon ma', corom ac ca na, querec ac con na wari' co om pe non iri' wom nein ca mam' tomi' querec te wa ma'.

Mateus 22:11 Iomraidhean Croise

Mateus 13:30

Miri'om jein, horon wi ma' tara ne jein. Maqui' pan tara xec nein ca caracat xine e'. Maqui' iri tara xec nein ne, tomi' ac toton tara co caracat jein ta ta' ma'. Horohot cain' jein caji tononoin ma'. Tucu jein arain, ma' ta tom pin xine ta ac toton tara. Caracat ac hwein tara trigo, an toco' xo' ac hwein tara pain xirinain ta ac toton tara quem. Ac i ma' na ca pijim' joc mam' mi' tococwa con wari' co wixicaracao' mi' nain tocwi caji tononoin pain totain trigo pane.

Mateus 22:10

Mama' ac cacain na oro wana. Cut in cut in pi' pin ac tococwa na oro wari' co mam' caca ma'. Cut in ac tococwa na co awi nana, cut in ac tococwa na co om awi nana quem. Mija nana wari' co maqui' nana, xao xao tamana xucucun pain xirinain ca cao' querec te to xi' caca ma'.

Mateus 3:12

An to ni ca' toton nonon oro co tomi' ha' nonon cocon oro co om tomi' ha' nonon quem. Win ca wari' co an pe ni ca' tain nain ca xao pe xine tocwi trigo pain tocoxi ma' quem. An nain ca mam' pahop nucun, pahop ac cain na tocoxi, an pe ni ac cain na iri' tocwi pain xirinain, wixicaracao' mi' ac cain na tocoxi pain xe ca om jo' ra ha' ma' quem na ca tomi' cocon oro wari' João pane.

Romanos 13:14

An xiho' xun Taramaxicon nexi' Jeju Cristo. Win cwere xun, ac ca to xun tara. Win ne ca to xun wom cwa', ac ca to xun tara pain ca an xiho' xun pain oro ca ara nucun, je pain oro ca coromicat nucun. Maho' xin ca coromicat an to xo' wa oro ca param ximao wa ta.

Romanos 3:22

Wata' tara co to' hohot pin nuhu' ta napari' Iri' Jam. Xi om ne ca howa ara hun Jeju Cristo ta napari'. Tomi' ca' napari': Wari' co howa non panxita' Jeju Cristo cwa', to' hohot pin ton ta napari'. Oro wari' co howa nonon Jeju Cristo cwa', to' hohot to' hohot pi' pin toton ta napari'. Xi jimama' ca' xujuhu' ta napari'. Ac wiricoco pi' pin mahu' ta napari' Iri' Jam.

1 Coríntios 4:5

Je ca tomi' xuhu' ca': Ta tomi' em' hap huhun pain ca taramaja nucucun oro wari' me ta. Winim' jein xec nein ca in qui' ta ca Taramaxicon nexi'. Wirico tara co an hwet pin tain nain oro ca coromicat nucucun oro wari' ca joc xim caca ira. Para taramaja mi' cocon Cristo quem? Om na, wirico tara co to' querec pin' napari' pain oro ca coromicat nucucun pain ca taramaja mi' cocon ma'. Wirico tara co tomi' nonon oro wari' co taramaja xo' nana. Mo ta taramaja xo' caca pain ca e' e' wet nucucun pane, hohot ma ta ac cocon tara, taramaja xo' ma ma' ira ac cocon tara, tomi' tomi' xam' ac cocon tara ta.

2 Coríntios 5:3

Mi' iri tarapari' pain xocori cwerexi' ne, om ta hwet pe e' ne tamataraxi'.

Gálatas 3:27

Xi win cwere pin ara hun Cristo pain ca an hwet hwein ca howa nuhu' pain ca ja' xihwe pain com pane ta. Ac ca to hun na, win ne ca to xun xocoricon wom cwa', ac i ma' hun Cristo pain ca win cwere pin hun.

Efésios 4:24

Tomi' ca' urut pahu' pane quem: Param jein ca xocoricon wari' wa. Ac ca to hun xocoricon wom ma' tara pain ca param hwein ma'. Wirico Iri' Jam na co ara mi' nuhu' pain. An xiho' xun pain ca om caracat camain' nucun pain ca iri'o' nucun ma' quem.

Apocalipse 16:15

Je ca tomi' capari' ca': Taraju wet xine me. Ane ane maqui' pa' xuhu'. Win ne ca ane ane maqui' ca wari' co an noc xa ta' ma', ac i ma' tara ca ane ane maqui' pa' xuhu'. Iri' Jam ma', param mi' totoron pain ca awi wa oro wari' co winim' xo' cara nanapa' ma', pain ca wara an pe xo' cocon womicocon ma', pain ca om an xiho' cocon wari' co pi'am ca' nonon co an noc xa ta' ma'. Om ta wixipa' caca pain ca ane ane maqui' pa' toton pain ca ac ca hwet pe ne ne curucucun pain ca om winim' xo' cacapa' pain ca maqui' ta' ne ta. Ac i ma' na ca tomi' capari' ca'.

Apocalipse 19:8

Wara mi' nam con iri' wom co awi tamana Iri' Jam. Toc meremem na, om ca em' camain' ca quem. Ac i ma' na ca merem caca ma'. Ma' na ca tomi' joc mam' mi' ca wom co pe cama ma', co awi tamana ma'. Tomi' joc mam' mi' nain oro carawa ca awi ca ara caca oro wari' nucun Iri' Jam.

Apocalipse 2:23

To' parapa' pin toton oro co an xiho' nanam ma', co ac humaxicam nana ma'. Querec pin' ac cacapa' tara oro co howa nana ma', pain ca cut in xucucun pain oro cidade ma', querec pin' tatarapa' pain ca taxi' tain oro ca coromicat nucucun oro wari' ma', je pain ca taxi' tain oro ca param nucucun ma' quem. Wahu' pain ca pan teretem hwe ma', wap wap xam' xuhu'. Win hwe pane xuhu', win ne ca ara ara hwe pane xuhu', ac i ma' tara ca wap xuhu' ta.

Apocalipse 3:18

Hu ca' inuhu': Cut xine pain ouro ne ca om em' camain' ca', ma' ta caramaju iri'o' pin hwe ta inuhu'. Cut jun wom co towo' cwa' quem, ma' ta to hun, ma' ta wixipa' wixipa' om pin hwe pain ca om cuhu' wom ma', pain ca hwet pe e' ne curuhu' ma' inuhu'. Cut jein aramao aramao toc ma', ma' ta aramao xio pin hwein tucuhu' ma', ma' ta querec iri'o' hwe ta inuhu'.