Mateus 21:9 - Tradução Bíblica Pacaas Novos

⁹ Merem ac caca na oro wari', wiricoco co o nonon ma', wiricoco co maqui' nana pa'ao' ma' quem, merem ca' nana: In ac xun Winacon Davi cwa'. Tomi' querec te xun co cwa' co mam' maqui' nain ca hwara' opa nucun Iri' Jam cwa'. In ac xun Iri' Jam co pe nain iri' pawin cwain ta. Ac i ma' na ca merem nucucun.

Mateus 21:9 Iomraidhean Croise

Mateus 21:10

Tan' mama' iri urut pain Jerusalém ne, teretem teretem xam' ac caca na oro wari' co to nanain i ma'. Cain' ca wari' ca co cwa' quem ac xucucun na.

Mateus 21:15

Oro taramaxicon nucucun oro sacerdote ma', cocon oro co ca' na taxipa' nanain ca xirao' nucun Moisés ma' iri nana ne, mana' tamana ac caca na pain ca querec cacain ca ara ca Jeju ma', pain ca quep xio pin cocon co caxi nana ma'. Mana' tamana nana pain ca taraju cocon oro hwijima' pain ca merem to cacain ca tao' caho' nein xiricon Iri' Jam ma' quem, pain ca in ac xun Winacon Davi ta caca ma'.

Mateus 23:39

Om ta querec mami' mahu' quem, tomi' iri'o' inuhu'. Ame hwe e', main maqui' tara xec nein ca tomi' ca' xim mahu': Tomi' querec te xun co ma' co mam' maqui' nain ca hwara' opa nucun Iri' Jam ta, ac i ma' tara ca tomi' xim mahu'. Je i ma' tara xec nein ca querec mami' xim mahu' ta na ca tomi' tococwa oro wari' nein Jerusalém pane.

Mateus 9:27

Mao ta' ta iri na Jeju ne, ja' ja' ac cocon na caram ma' co om tococon. Ma' 2 nana. Merem ac caca na: Xiram pa' xut ta Winacon Davi na ca merem nucucun ma'.

Lucas 13:35

Paca' pin turuhu' Iri' Jam ta, paca' pin tarain cote ne xiricon ca' pahu'. Om ta pe mami' cain. Om ta querec mami' mahu' quem, tomi' iri'o' inuhu'. Ame hwe e', main maqui' tara xec nein ca tomi' ca' xim mahu': Tomi' querec te xun co ma' co mam' maqui' nain ca hwara' opa nucun Iri' Jam ta, ac i ma' tara ca tomi' xim mahu'. Je i ma' tara xec nein ca querec mami' xim mahu' ta na ca tomi' tococwa oro wari' nein Jerusalém pane.

Lucas 2:14

Tomi' querec te tomi' querec te pi' pin nonon Iri' Jam oro co to nanain iri' pawin cain. Toron toron om pin tara ximicocon oro wari' co xiram pa' pan ca pain macan' ca' quem na ca tomi' caca ma'.