Mateus 21:44 - Tradução Bíblica Pacaas Novos

⁴⁴ Wari' co noc pin nain pacun ca aram aram to' teren nain xirim ca', ac ca pan' hwet cain tara. To' caracat pin ac tocwa tara. Ac ca pan' hwet tocwa tara quem. Xao niri pin ac tocwa tara ta na ca tomi' tococwa ma'.

Mateus 21:44 Iomraidhean Croise

Mateus 21:43

Je ca tomi' xuhu' ca' ac tococwa na. Iri' Jam ma', wari' ne paxi' nuhu' pain ca taramaxicon pe ho' toton cuhu' ira. Ane noc pin mahu' ne. Je ca maho' pin xim cuhu' pain ca judeu hwe ma'. Wari' ne wari' ne om pin xim nuhu' Iri' Jam. Wari' ne pin totoron oro xucucun wari' co tomi' ha' xun nonon ma'.

Mateus 21:45

Oro taramaxicon nucucun oro sacerdote cocon oro fariseu ma', taraju nanain oro ca pijim' nucun Jeju ma', pain ca pijim' joc mam' mi' cain oro carawa. Tomi' mi' napari' ron ac caca na.

Mateus 26:24

Mi' pin ta' ina pain ca Iri' Wari' ta' ca'. Win ne ca xirao' pe cacapa' oro profeta pane. Mi' pin ta' paxi' ina. Ane ximin pan ta' ca co ma' co tomi' mi' xim napa' cocon co noc nanapa' ma' ne, co quep xim nanapa' ma'. Ximin tara. Hohot xira pain ca om pan' ne ca pije' nucun cam jicon ta na ca tomi' caparut ma'.

Mateus 27:25

Je i ma' ira ac caca na oro wari', merem merem xam' nana. Warut pan co em' cwa' ira, warut, wiricoco mana panturut cwa' quem, wap ma' taraparut Iri' Jam ne nana pain ca merem ximama' nucucun.

Lucas 2:34

Tomi' ac tacacama na: Param inon Iri' Jam pain ca ara mi' cuhu' pain oro ca awi wa ta tata. Taraju wet ne e' ac cam na Maria ma', jicon Jeju ma': Ma' na ca coromicat an pe xo' nucun Iri' Jam con cawinam cwa', cocon oro win ma' nexi' pain ca wari' nein Israel iri' ca'. Wirico cawinam tara co to' quiji' mija toton nonon co om howa nonon ma', to' witan mija totoron co howa nonon ma' quem, ac i ma' na ca coromicat an pe xo' nucun Iri' Jam con. Wirico Iri' Jam co mi' napari' con. Ma' ta querec pin' hwein wana ca hwet ac mahu' ta paxi' napari'. Ane ma' mija caca oro win ma' nexi' co tomi' in pin xun nonon ne. Noc urut pum ta totoron.

Lucas 20:18

Je ca tomi' xuhu' ca' ac tococwa na. Oro wari' co noc pin nanain pacun ca aram aram to' teren nain xirim ca', ac ca camara' hwet cacain tara. To' caracat pin ac tococwa tara. Ac ca camara' hwet tococwa tara quem. Xao niri pin ac tococwa tara ta na ca tomi' tococwa ma'.

João 19:11

Mo xi om mi' quem pain ca taramaxicon wa Te Iri' Jam ma', om xi na camain' quem pain ca ara mi' mapa' pain ca param nem ta ac con na. Je ca tomi' xim ca' taramaxicon ac con na. Co ma' co o mi' jun con Pilatos napa' pum, wirico co caracat tamana pan. Caracat tiquin' ca' nem ta non.

Romanos 9:33

Win ne ca xirao' pe xine pain capijacon Iri' Jam pane. Ca' na con pane: Taraju wet je e'. An pe inain pacun pain Sião. Xut tao' pan' non wari' ma'. Wari' co howa nain, om ta xat ne ximicon, ac i ma' na ca xirao' pe nein.

1 Tessalonicenses 2:16

To' i'ina nanaparut pain ca pijim' mi' urut cocon pain capijacon Iri' Jam oro wari' co om judeu nana ma', pain ca to' witan xim nuhu' Iri' Jam ta urut cocon ma'. Je curucucun. Mija pin na ca caracat nucucun. Cote ne pin na cocon. Mana' tamana pin nonon Iri' Jam. Mama' jein cote ne xe ta toton nonon quem.

1Pedro 2:8

Ma' na xijein capijacon Iri' Jam ca xirao' pe xine quem: Co ma' co an xiho' nain pacun ca noc caca ma', an xiho' nain pacun ca xut tao' pan' non wari' ma' quem. Ac i ma' na ca xirao' pe nein ma'. Je ca tomi' xuhu' ca': Xuruxut tao' pan' camara' tata co om howa nana ma', xi tomi' ha' cacain capijacon Iri' Jam ca pijim' hwet tococwa ma'. Wara coromicat an pe xo' mi' ara xi' nonon pain ca camara' wa Iri' Jam ta.