Mateus 21:26 - Tradução Bíblica Pacaas Novos

²⁶ Mo ta mi' non pain wari' xun. Cain' cain' xixi' quem? Jin' ara xi' ururun oro wari' cwa'. Xi profeta na João profeta na João pi' pin ara caca ta nana pain ca tomi' xo' xucucun ma'.

Mateus 21:26 Iomraidhean Croise

Mateus 11:9

Ma' co querec xi' hwe pane quem? Querec xun hun profeta ra? Iri'o' na, wirico profeta co querec hwe pane. Querec hun profeta co hwara' opa tamana. Hwara' opa tiquin' ca' nonon oro xucucun profeta. Tomi' iri'o' inuhu' ta.

Mateus 14:5

To' pa' pin ton paxi' na, ane jin' tococwa oro wari' ne. Mo ta to' pa' pin ton, mana' tatarapa' ta tata. Xi om ne ca profeta na ta ara cocon João pane.

Mateus 21:11

Om na, wirico co cwa' Jeju cwa', wirico co cwa' profeta co maqui' nain Nazaré pain Galileia ta nana co ja' ja' nanaparut ma'.

Mateus 21:27

Om ca taxi' urut ta ac cocon na. Je i ma' ira, om ta tomi' hwet tain wixicon co ara rain napa' pain oro ca ara ta' ca' quem na ca tomi' tococwa ma'.

Mateus 21:46

Je ca quep xun paxi' cocon ma'. Ane jin' cocon oro wari' ne, xi taxi' ara cocon oro wari' pain ca profeta na Jeju ta cocon ta.

Marcos 11:32

Mo ta mi' non pain wari' xun. Cain' cain' xixi' quem? Om ca tomi' ac xin i ma' ta nana. Jin' ara xi' nonon oro wari' oro taramaxicon ma', xi iri' profeta na João iri' profeta na João pi' pin ara caca ta.

Marcos 12:12

He, tomi' napari' ron ac caca na oro taramaxicon nuxut pain ca judeu urut ca', pain ca taraju cocon pain ca pijim' joc mam' mi' cocon cocon co to' pa' pin nonon panxica waximain totain uva ma'. Je ca quep xun paxi' cocon ma'. Ane jin' cocon oro wari' ne. Je ca om quep cocon ma'. Mama' ac caca na.

Marcos 6:20

Xi jin' ara con ta. Jin' non pain ca querec pin' con pain ca xut xo' nucun je pain ca taramaja mi' con Iri' Jam ma'. Je ca nain ho' con ma'. Taraju taxipa' non pain ca pijim' nucun quem. Taraju iri non ne, i'ina ac ne na ximicon. Ane hohot cara con ca taraju wa ne.

Lucas 20:19

He, tomi' napari' ron ac caca na oro co ca' na taxipa' nanain ca xirao' nucun Moisés ma', cocon oro taramaxicon nucucun oro sacerdote ma' quem, pain ca taraju cocon pain ca pijim' joc mam' mi' cocon cocon co to' pa' pin nonon panxica waximain totain uva ma'. Je ca quep xun paxi' cocon ma', ane jin' cocon oro wari' ne.

Lucas 20:6

Mo ta mi' non pain wari' xun. Cain' cain' xixi' quem? To' to' cono' pi' pin tatarapari' pain pacun oro wari' cwa'. Xi om ne ca iri' profeta na João ta ara caca ta nana.

Lucas 22:2

Oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés ma', tomi' xo' ac xucucun na. Cain' cain' xuxun Jeju quem? Cain' xi to' pa' pin ac xun quem, ac i ma' paxi' xucucun. Ane jin' tococwa oro wari' ne.

João 5:35

João cara pane, ac naran na. Ac ca toha ca na pain ca pijim' ca pane. Win ne ca toha ne naran ca tom ma', ac i ma' na ca toha mi' cuhu' pain xumuhu' pane. Tomi' querec te paxi' hwein ca pijim' nucun pain ca an xiho' cain naran pane quem tata.

João 9:22

Tomi' ac i ma' na cote ca cam jicon ma', xi om ne ca jin' ara cocon oro taramaxicon ta. Wara tomi' ara xi' nana: Wari' co Cristo na ta non Jeju ma', xin hwet pin ac xut con tara, om ta corom mami' cain xirim ca cut in to xijexi' pain ca judeu iri' ca' nana.

Atos 5:26

Maji cocon ta ac ca na taramaxicon ma', ja' ja' ac cocon na oro guarda. Cut qui' ac tococwa na oro apóstolo quem. Tomi' toto tata, om ca quep em' tococwa. Xi jin' ara tococwa oro wari' ta. To' to' cono' pin tatarapari' xi' pain pacun ma nana.