Mateus 21:22 - Tradução Bíblica Pacaas Novos

²² Oro ca mi' ne hun Iri' Jam ma', pain ca tomi' hun ma', mo ta howa hun pain ca ara mi' xim cuhu' pain ca mi' ne hun ma', ara mi' ac cuhu' pain tara quem na ca tomi' caparut.

Mateus 21:22 Iomraidhean Croise

Mateus 18:19

Tomi' iri'o' inuhu' pain i ca' quem: Wahu' pain ca tomi' xun Iri' Jam hwe pain macan' ca', am 2 e' paxi' hwe. Mo ta ac je ac je ari ne ca coromicat nuhu' pain ca tomi' xun hun ma', ha' ac cuhu' tara Te co pe pawin cain.

Mateus 7:11

Je ca tomi' xuhu' ca' ac tococwa na. Wahu' pain ca wari' hwe ma', caracat paxi' hwe, ane ma' ne xumuhu' ne. Xiram pa' taxi' huhun mana panxihwe pain ca mi' e' huhun pain carawa ca awi. Cain' cain' ca Cotere' co pe pawin cain quem? Om ta xiram pa' tamana pan ca quem? Om ta mi' cocon pain carawa ca awi oro wari' co mi' ne nonon pain ra? Mi' pan totoron pain ta.

Mateus 7:7

Tama' mi' ne jun pain oro ca param nuhu' Iri' Jam ta ac tococwa na. Mi' ac cuhu' pain tara. Tama' pirao' jein carawa ca param hwe con. Mam' ac hwein con tara. Tama' tomi' jun pain ca quep xiho' xut ta hun ma' quem. Ac ca tataca hwein tara pana ca mam' tao' pa' nein manain xiricon ma', ac ca pa xat mi' cuhu' pain tara quem. Quep xiho' ac cuhu' tara quem.

Marcos 11:24

Je ca tomi' xuhu' ca' ac tococwa na. Oro ca mi' ne hun Iri' Jam ma', pain ca tomi' hun ma', na e' na pain ca howa hun pain ca ara mi' xuhu' pain cuhu' ma'. Ac ca wara ara mi' cuhu' pain tara pain ca howa hun ma'. Ara mi' ac cuhu' pain tara quem.

João 14:13

Oro carawa ca mi' xut pain hun Te ma', pain ca an hwet mi' hun pain wuxu pain ca mi' naparut pain ca tomi' urut pum ca' hun pata', ara mi' ac xuhu' pain tara. Ma' ta an hwet mi' xuhu' pain ca hwara' opa nucun Te pain ca awi tamana nucun ta inuhu'.

João 15:7

Mo ta win cwere cara mahu', mo ta to ho' cara cuhu' oro ca tomi' ne quem, na ac cuhu' tara pain ca tomi' hun Te ma', pain ca mi' xut hun pain oro carawa ca param hwe ma'. Mi' mi' pi' pin ac cuhu' pain tara quem.

João 16:24

Om ca an hwet mi' querec hun pain wuxu pain ca mi' xut hun pain ca param nuhu' ma'. Pain xocori ca' iri na ne, tomi' jun. Mi' xut pain ca param nuxut ca' jun. Mi' ac cuhu' pain tara. Ma' ta tomi' querec te tamana hwe ta turuhu' ta na ca tomi' caparut ma'.

Tiago 5:16

Je ca tomi' xuhu' ca'. Tomi' hwet mi' xujuhu' pain ca caracat nuhu' ma'. Tomi' mi' xujuhu' con Iri' Jam quem. Ma' ta xio pin hwe. Wari' co xut xo' ma', tomi' mi' iri non con Iri' Jam win ma' ca ne, hwara' opa tamana na ca tomi' nucun. Mi' pan non pain ca tomi' nucun Iri' Jam ta.

1João 3:22

Mi' mi' pi' pin ac capari' tara pain oro ca mi' ne xun quem. Xi om ne ca tomi' ha' taxipa' ara xun pain oro ca ara je capari' ta. Xi om ne ca ara taxipa' e' ara xin oro ca hohot non quem.