Mateus 21:19 - Tradução Bíblica Pacaas Novos

¹⁹ Querec ac cain na panaji figo ma'. Xat pe nain cacarain wana ma'. Xut hwet ac cain na, am ma' ne winain quem paxi' na. Ane om ne winain ne. Ma' e' na tenenein. Tomi' noro ac cain na panaji. Om ta wina mami' camain' ma ta nain pain ca tomi' noro cain ma'. Mi' pin hap ac ne na con.

Mateus 21:19 Iomraidhean Croise

Mateus 21:20

Querec iri urut pain i ma' ne, pain ca taxipa' urut con ca', wa wa tamana ac urut na. Mi' pin hap na panaji figo ra urut.

Marcos 11:14

Tomi' noro ac cain na panaji. Om ta xac mami' xine winam ta nain pain ca tomi' noro cain ma'. Taraju nonon pain ca tomi' cain i ma' co taxipa' ca ma' quem.

Marcos 11:20

Xec pin iri na ne, in mama' xin Jerusalém ta ac caca na, xuruxut xuruxut tiquin' ca' ac cacain na panaji figo cara pane. Querec ac cacain na pain ca cono' pin ne tenenein ma'. Mi' pin na caximain ma' quem.

Lucas 3:9

Wap ho' xim cuhu' Iri' Jam ma' ira. Noro jun wari' co wara an pin nain iriquixi quit ma', co ta' caracat pin tain nain oro pana pain iri' caximain ma'. Oro panaji memem ca om mi xo' winain ma', ta' caracat pin tain tara, wixicaracao' mi' ac ca pain xe tara quem. Ac i ma' xim turuhu' Iri' Jam pain ca wap xim cuhu' quem na ca tomi' tococwa ma'.

João 15:2

Wari' co querec wet nain panaji uva ma', ton tapiripit taxipa' nain taparain ca om wina. Taparain ca wina ma', wawac wijimain pin ac cain na. Ma' ta wina tamana ne nain.

João 15:6

Wari' co om win cwere napa' ma', ac taparain panaji uva ca om wina ma', ca xin pin wa ma', ca mi' pin ma'. Oro taparain panaji uva ca cono' ac i ma' ma', cut in ac xine na, wixicaracao' mi' ac xine na pain xe ma', wiran mao ac ne na quem.

2 Timóteo 3:5

Howa urut con Iri' Jam paxi' tatara pain ca ara xin urut pain carawa ca hohot non ta caca ma'. Ane om iri'o' xi' caca ne. Om ta ha' je na cacain Tamataracon Iri' Jam pain ca mam' to' xucun wari' ton cocon pain ca hwara' opa nein. Je ca tomi' xim ca': Miri'om pan roron oro wari' co ac i ma' nana ma'. Ta wixicam camain' momon me ta.

Tito 1:16

Taxi' urut con Iri' Jam paxi' nana, ane mixein caca ne. Querec pin' tata pain ca noc cocon ma', xi om ne oro ca ara nucucun pain ca pan teretem pan caca ta. Om ca querec awi cacapa' ta nonon Iri' Jam. Xi tomi' ha' caca ta. Om ca ara taxi' cacain ca awi wa quem.

Judas 1:12

Caram ma' co caracat nana pain ca miri'om cocon Iri' Jam ma', to' i'ina nunuhu' pain ca cao' querec te wi xijexi' pain ca xere xijexi' ca' hwe ma'. Win ne ca to' i'ina cuhu' oro pacun ca om hwet pe pain iri' cwerein com ma', pain ca to' mapi' irin, ac i ma' na ca to' i'ina cucuhu' pain ca cao' querec te wi xujuhu' ma'. Om ca wixipa' camain' caca pain ca xocomu caca pain ca wata' ta wata' ta caca pain ca warao' nucucun pain ca cao' xi' caca quem. Om ca quep xiho' camain' cucuhu', quep xiho' e' xucucun. Win ne tajain nanawin ca jitacat paxi' ma', pain ca pan' ta' paxi' ne xowi' ma'. Ane om pan' ne ne, xi om ne ca nuru om pin ara nein hotowa ta. Ac i ma' na ca om quep xiho' cucuhu' ma'. Win ne oro panaji memem ca om mi ma' quem. Wara maqui' paxi' na oro xec nein ca xac xin xine ma', ane om ne winain ne. Wara cono' na, wara horohot pin ta. Taparain, panaji, caximain, horohot pi' pin ta. Ac i ma' nana caram ma' quem, ac ca wara cono' pin caca na.

Apocalipse 22:11

Co pan teretem nana ma', pan teretem cara ma' tatara ne. Co to' em' xucucun pain ca caracat nucucun ma', to' em' cara ma' ac xucucun tara. Oro wari' co ara xo' taxipa' nana ma' iri na ne, ara xo' taxipa' cara ma' tatara ne. Co win xumu cara nonon Iri' Jam ma', win xumu cara ma' totoron ne. Ac i ma' na ca tomi' capa' jam co taramaja mi' non Iri' Jam.