Mateus 21:16 - Tradução Bíblica Pacaas Novos

¹⁶ Om ca taraju main ca tomi' caca hwijima' cwa' ra? Je xi tomi' in pin momon quem nonon Jeju pain ca mana' nucucun. Taraju toton ca' ira ac tococwa na. Om ca noro camain' hwein ca xirao' pe ca profeta pain capijacon Iri' Jam ra? Ca' na ca xirao' pe nein con: In ac nonon Iri' Jam oro hwijima'. Oro hwijima' co xoc xoc wet nana catat quem, in ac nonon Iri' Jam. Wirico Iri' Jam co mi' nonon pain ca in ac cocon ma'. Ac i ma' na ca tomi' tococwa ma'.

Mateus 21:16 Iomraidhean Croise

Mateus 11:25

Tomi' ac con na Iri' Jam Jeju: Tomi' querec te inem ta Te. Wum co Taramaxicon pe nain pawin je macan' ca'. Tomi' querec te inem pain ca tora' momon oro wari' co om xec xec nana cwa', co an xiho' nonon oro hwijima' pain ca om xec xec nucucun ca'. An hwet mi' momon pain oro ca joc xim ma cocon oro wari' co taxi' urut xi' ma nana ma'.

Mateus 12:3

Om na ta ac ca na Jeju. Om ca noro hwein capijacon Iri' Jam ra, pain ca pijim' xine ca ara ca taramaxicon Davi cara pane, pain ca pe' qui' ca Davi cocon oro win ma' ca pane?

Mateus 19:4

Om ca noro hwein capijacon Iri' Jam ra ac tococwa na. Ca' na ca xirao' pe xine con: Quep iri non wari' Iri' Jam pain cara pane ne, pain ca xo' quep qui' con wari' pane, quep ac con na tarama', quep ac cam na narima' quem.

Mateus 22:31

Pain ca e' mami' xi' caca co wara cono' nana ma' iri na ne, wara tomi' xo' nuhu' Iri' Jam ma'. Om ca noro hwein capijacon con Abraão con Isaque con Jacó cara pane ra? Wara pain paxi' na ca cono' caca pane, ane tomi' ca' con Moisés Iri' Jam pane ne:

Marcos 13:17

Oro narima' co nam' nana pain oro xec nein ca jein mama' xi' cacama ma', wiricacam co ma' nanam wixicacam hwijima' ma' quem, jain jain tamana tatara. I'ina tamana tataram pain ca jein mama' wa.

Marcos 2:25

Om na ta ac cocon na Jeju. Om ca noro hwein capijacon Iri' Jam ra pain ca pijim' xine ca ara ca taramaxicon Davi cara pane, pain ca pe' qui' caca pain ca om qui' cocon carawa ca cao' wa Davi cocon oro win ma' ca pane?

Lucas 21:23

Oro narima' co nam' nana pain oro xec pain ca jein mama' xi' cacama ma', wiricacam co ma' nanam wixicacam hwijima' ma' quem, jajain tamana tatara. I'ina tamana tataram pain ca jein mama' wa. Jajain jajain pi' pin tatara oro wari' co to nanain oro xijein cidade pain Judeia ma', pain ca wap toton cocon Iri' Jam.