Mateus 21:11 - Tradução Bíblica Pacaas Novos

¹¹ Om na, wirico co cwa' Jeju cwa', wirico co cwa' profeta co maqui' nain Nazaré pain Galileia ta nana co ja' ja' nanaparut ma'.

Mateus 21:11 Iomraidhean Croise

Mateus 2:23

To pin ac cacamain na Nazaré cain, je i ma' wixinain cidade ca to pin cacama pane. Ma' ta hwet pin ne capija ca wara tomi' pe ta' pane, pain ca tomi' hwet rain ta toton oro profeta pane na Iri' Jam. Ca' na con pane: Maqui' tarain Nazaré wari' co wara tomi' pe ta' cwa'. Ac i ma' na ca tomi' pe nucun pane.

Mateus 21:10

Tan' mama' iri urut pain Jerusalém ne, teretem teretem xam' ac caca na oro wari' co to nanain i ma'. Cain' ca wari' ca co cwa' quem ac xucucun na.

Mateus 21:26

Mo ta mi' non pain wari' xun. Cain' cain' xixi' quem? Jin' ara xi' ururun oro wari' cwa'. Xi profeta na João profeta na João pi' pin ara caca ta nana pain ca tomi' xo' xucucun ma'.

Mateus 21:46

Je ca quep xun paxi' cocon ma'. Ane jin' cocon oro wari' ne, xi taxi' ara cocon oro wari' pain ca profeta na Jeju ta cocon ta.

Marcos 6:15

Om na, wirico co cwa' Elias cara pane ac caca na oro xucucun ma'. Oro xucucun ma' iri nana ne, om na, xucun profeta tara, win caca oro profeta cara pane ta nana.

Lucas 13:33

Ane na e' ne pain ca xut cara tain wanaji Jerusalém ne ta ac tococwa na. Om ta pain homa ne, wa' mao ac ta' tara. Xi hohot ne pain ca mi' pin pe cain oro xijein cidade profeta ta. Na e' na pain ca mi' pin pe ta' pain Jerusalém ta! Ac i ma' na ca tomi' tococwa ma'.

Lucas 24:19

Ma' carawa ca ara ne quem ac con na. Om na, tomi' xujuxut pain carawa ca ara non Jeju co maqui' nain Nazaré pane ac caca na. Profeta na Jeju pane, pijim' hwara' opa na pane. Ara nain carawa ca om ara taxi' ne ca wari' wa quem. Hohot non Iri' Jam, in ac in ac pi' pin nonon oro wari' quem.

Lucas 7:16

Jin' tamana ac caca na oro wari' ma', in ac nonon Iri' Jam pain ca awi na awi na cocon ma'. Pe ho' pin napari' profeta co hwara' opa cwa'! Hwet pin capari' Iri' Jam pain ca xiram pa' toton capari' pain ca wari' ne capari' ca' ira! Ac i ma' na ca tomi' caca ma'.

Lucas 7:39

Querec iri nain i ma' fariseu co cao' pe ho' ne non ma' ne, Simão ma'. Querec iri nam caxicam narima' pain ca ji'ao mi' con pain caji towaxi' caximacon Jeju ma' ne, coromicat pan ac xucun na: Cain' cain' xira co cwa' ne ta? Mo xi iri' profeta ca, querec pin' ac cam xira narima' co quep non ma', querec pin' xiram pain ca caxicam narima' cama ma' na ca coromicat nucun.

João 1:21

Tomi' querec mami' ac cocon na: Cain' ca wari' ma quem? Wum tara co profeta Elias cara pane? Wum tara co wara tomi' pe caca oro profeta pain ca main in qui' tarain macan' ta caca pane ra? Om na, om ca Elias ta' quem ac ca na. Wum co profeta co wara tomi' pe ca Iri' Jam ra? Om na quem ac ca na.

João 1:25

Tomi' querec ac cocon na João: Para ja' momon pain com oro wari' ma' quem? Win ne ca tomi' ma ma': Om ca wata' ne co Cristo ma', ac i ma' na ca tomi' ma ma'. Om ca Elias ta' ma, om ca profeta ta' ma quem, ac i ma' na ca tomi' nem ta nonon.

João 4:19

Querec pin' inem ta. Profeta ma ma' ira ac con na.

João 6:14

Querec iri nanain i ma' oro wari' ne, pain ca an hwet pe cain ca hwara' opa nucun ma', pain ca tomi' hwara' pin cain capam' con hwam ma', tomi' ac caca na: Wirico co cwa' xin profeta co xirao' pe caca pain cara pane, co main maqui' tarain macan' ca' caca pane. Wirico ma' ira nana.

João 7:40

Oro wari' co taraju nonon Jeju pain ca tomi' ca ma', ma' nana co tomi' ca' nana: Wirico co cwa' profeta co winim' iri' cwa' ira nana.

João 9:17

Tomi' querec mami' ac cocon na: To' querec pin' napa' pain tucu ta mon. Cain' ca coromicat mi' mon quem nonon. Profeta na ta ac ca na.

Atos 7:37

Wirico Moisés co tomi' nonon oro hwanana nexi' pain ca wari' nein Israel iri' quem. Tomi' ca' nonon pane: Main mi' turuhu' con profeta Iri' Jam ma'. An xiho' tarapa' pain ca profeta ta' ca'. Iri' win ma' nuhu' tara ta nonon.