Mateus 21:1 - Tradução Bíblica Pacaas Novos

¹ Wixicam pin iri urut pain Jerusalém ne, hwet ac urut pain na Betfagé ma', ca pe ja' pan nain Pacun Nein Oliveira ma'. Tomi' ac tococwa na win ma' nuxut pain ca taxipa' urut con ca'. Ma' 2 nana co tomi' ca.

Mateus 21:1 Iomraidhean Croise

Mateus 20:34

Xiram pa' ac cocon na Jeju. Quep ac cain na tococon, querec mami' hap ac caca na. Ja' ja' ac cocon na Jeju.

Mateus 21:2

Mama' jein ca paric to ne xirim ma', ca querec hwe ma'. Hwet pin iri jein ne, mam' ac hwein tara aramanain burro ca ma' wijimain ma', ca tucu pan wa ma'. Tacom' horohot jein, cut qui' ac hwein tara ta.

Mateus 24:3

Mama' ac urut na pain Pacun Nein Oliveira ma'. Xao pe ac ca na Jeju. Xuruxut hwet ac urut con na. Xica' to urut, wirico Jeju, warut pain ca taxipa' urut con ca' quem. Tomi' querec ac urut con na: Ma' xec ca hwet pin ta' ne oro ca tomi' ma ca' ne? Cain' xi querec pin' ac urut pain ca wixicam pin ne xec nein ca in qui' ta' nem je pain ca pi' pin ta' ne macan' ca' quem na ca tomi' querec urut con ma'.

Mateus 26:30

Com iri urut pain tamara' pain ca in ac urut con Iri' Jam ne, hwerehwet mama' ac urut na, mama' ac urut pain na Pacun Nein Oliveira ma'.

Marcos 13:3

Mama' ac cacain na Pacun Nein Oliveira ma'. Xao pe ac ca na Jeju. Querec pira nanain cote ne xiricon Iri' Jam pain xijein cacarain taparain com ma'. Tomi' querec pan ac con na Pedro con Tiago con João con André. Xica' to nana, om nana xucucun. Tomi' querec ac cocon na:

Marcos 14:26

Com iri nanain tamara' pain ca in ac cocon Iri' Jam ne, hwerehwet mama' ac caca na, mama' ac cacain na Pacun Nein Oliveira ma'.

Lucas 21:37

Jeju ma', pijim' pe taxipa' nain ca tao' caho' nein cote ne xiricon Iri' Jam pain oro xijein xec pane. Je ca ca' na to taxipa' tococwa pain capijacon Iri' Jam oro wari' pane. Irawin pin iri na ne, maji ta ac tococwa na co taxipa' ca ma', mama' ac cacain na pacun ma', Pacun Nein Oliveira ma'. Je ca pi'am to taxipa' caca ma'.

Lucas 22:39

Paca' ac cain na Jerusalém Jeju, mao ac cain na Pacun Nein Oliveira. Je curucun pane. Ja' ja' nonon co taxipa' ca quem.

João 8:1

Jeju ma' iri na ne, maji ta ac caparut na, mama' ac urut pain na Pacun Nein Oliveira ma'.

Atos 1:12

Quiji' ca' ac cacain na Pacun Nein Oliveira ma'. In mama' xin Jerusalém ta ac caca na, xuruxut mama' ac caca na. Om ca pira ne Jerusalém ma'. Ac ca xica' pe ne na quilômetro nein.