Mateus 20:6 - Tradução Bíblica Pacaas Novos

⁶ Irawin pin ta' iri na ne, in mao mami' ac cain na ca cut in to xucucun ma'. Mam' ac tococwa na oro xucucun co to to wet nanain i ma'. Cain' cain' xira pahu' quem ac tococwa na. Pain iri' xo' xec cara ne ca to ximama' e' hwe ma'. Je xi taramaja hwe quem ac tococwa na.

Mateus 20:6 Iomraidhean Croise

Mateus 20:5

Mama' ac cacain na totacon. Tocon xina pin iri na ne, mo tomi' mami' toton wari' e' ac ca na, tomi' xo' mami' ac tococwa na oro xucucun. Piquirim pin iri na xina ne, mo tomi' toton xucucun ta ac ca na, tomi' xo' ac tococwa na quem.

Mateus 20:7

Xi ma' ca wari' co taramaja je naparut ta ac cocon na. Je xi mo taramaja mama' hwein tota cain quem ac tococwa na. Mama' ac caca na quem.

Mateus 20:9

Caram ma' co xo' taramaja nanain irawin ma', an xica' an xica' xam' ac cacain na denário.

João 9:4

Pain ca toha toha wet ca xina cwa', na e' na pain ca ara xin ca ara je capari' Iri' Jam co hwet roron oro wari' ta napa' ma'. Xim pin ta' iri na quem. Xim pin iri na ne, om ta taramaja mami' ac iri'.

Atos 17:21

Je curucucun oro wari' nein Atenas cocon oro tatirim co to ho' nonon pane. Taraju pin iri nanain oro xocori ca pijim' wa ne, tomi' hwet ac xucucun pain na. Taraju toto nonon oro xocori ca pijim' wa, tomi' hwet toto nonon quem, je curucucun pane.

Hebreus 6:12

Ma' ta om jam' ne curuhu'. Param inuhu' pain ca an xiho' huhun oro co howa nonon Iri' Jam ma', co winim' cara nonon ma', co cut xin nanain oro ca wara tomi' pe mi' tococwa pain ca howa nucucun je pain ca winim' cara nucucun ta.