Mateus 20:4 - Tradução Bíblica Pacaas Novos

⁴ Wahu' quem ac tococwa na. Taramaja mama' jein totain uva ne ta. Pagar xo' xuhu' quem ac tococwa na.

Mateus 20:4 Iomraidhean Croise

Mateus 20:3

Om ca pawin homa ca xina, in hwet ac cain na ca xao to to caca oro wari' pain cidade ma'. Querec ac tococwa na caram ma' co to ximama' e' nana ma'.

Mateus 20:5

Mama' ac cacain na totacon. Tocon xina pin iri na ne, mo tomi' mami' toton wari' e' ac ca na, tomi' xo' mami' ac tococwa na oro xucucun. Piquirim pin iri na xina ne, mo tomi' toton xucucun ta ac ca na, tomi' xo' ac tococwa na quem.

Mateus 9:9

Mao ta' ta ac ca na Jeju, xut mao ac ca na. Xut xut, querec ac capa' na pain ca Mateus ta' ca'. Xao pe pe inain ca taramaja pe ta' ma', pain ca cut in tain oro imposto nucucun oro wari' ma'. Ja' ja' ne e' ac capa' na. Tequi' pe ac ta' na, ja' ja' ac ton na quem.

1 Coríntios 6:11

Ma' paxi' nana win ma' nuhu' co ac i ma' nana pain cara pane. Ane hohoc pin cuhu' pain ca caracat nuhu' Iri' Jam ne. Iri' wari' ne pin inuhu' ta nuhu'. To' hohot pin nuhu'. Xi om ca Taramaxicon nexi' Jeju Cristo pain Tamataracon pahu'.

Colossenses 4:1

Tomi' inuhu' pain ca taramaxicon hwe ma' quem. Querec wet xo' jujun co taramaja mi' e' nunuhu' ma'. Ara xo' je cocon, ta tomi' querec te paxica' huhun me ta. Xi om ne ca taxi' ara hwein i ca' quem, pain ca ma' pan cuhu' iri' Taramaxicon co pe nain pawin cain.

Tito 3:8

Iri'o' na ca tomi' xim ca'. Je ca tomi' xim ca'. Param inem pain ca tama' pijim' mi' momon pain ca tomi' ne oro wari' co howa nonon Iri' Jam ma'. Iri'o' na ta roron. Ma' ta tama' ara cacain ca awi wa, ma' ta win xumu cacain quem. Hohot tamana na ca pijim' ac i ma' momon ma'. Quep xiho' nonon oro wari' quem.

1Pedro 1:13

Je ca tomi' xuhu' ca'. Coromicat xo' je. Wara awori xo' je pain ca ara xin hwein ca param nucun Iri' Jam. Ma' tara xumuhu'. Howa mip jun Iri' Jam pain ca xiram pa' xim cuhu' ma', pain ca to' witan e' xim cuhu' pain ca in qui' ta' nucun Jeju Cristo ta.