Mateus 20:16 - Tradução Bíblica Pacaas Novos

¹⁶ Je ca tomi' xuhu' ca' ac caparut na. Co om hwara' opa nana pain xocori ca', ame hwe e', main hwara' opa pin tatara. Co hwara' opa nana pain xocori ca' iri nana ne, ame hwe e'. Main hwara' opa hwara' opa om pin tatara quem na ca tomi' caparut.

Mateus 20:16 Iomraidhean Croise

Mateus 19:30

Je ca tomi' xuhu' ca': Oro co hwara' opa nana pain xocori ca', ame hwe e'. Mija ac caca tara co hwara' opa hwara' opa om pin xi' nana. Oro co om hwara' opa nana pain xocori ca' iri na ne, ame hwe e'. Mija ac caca tara co hwara' opa pin xi' nana quem na ca tomi' xo' caparut pain ca taxipa' urut con ca'.

Mateus 21:31

Tomi' querec ac tococwa na: Ma' co tomi' ha' pan non cote ca quem tata. Wirico co pan' cain' ta nonon. Je ca tomi' xuhu' ca', tomi' iri'o' inuhu' ta ac tococwa na. Oro caracat ma', cocon oro caxicon wari' cacam oro caxicam narima' ma' quem, hohot nonon Iri' Jam, om ca i'ina cacam pain ca xin ne cocon Iri' Jam pain ca taramaxicon pe ho' tatam cacam ta. Wahu' iri na ne, om ca hohot hun Iri' Jam. I'ina tamana nuhu' pain ca xin ne hun pain ca taramaxicon pe ho' xim cuhu' ma'.

Mateus 22:14

Je ca tomi' xuhu' ca' ac tococwa na. Ma' mija paxi' nana co tomi' ca Iri' Jam ma'. Ane ma' paric ca' e' caca co tora' ca ne na ca tomi' tococwa ma'.

Mateus 7:13

Ma' 2 na wana ta ac tococwa na. Wanaji cote ne xe ma', hwara' na quimain. Xut hohot na. Mija nana wari' co xuruxut nanain quem. Wana ca mao nain ca e' cara to wa ma' iri na ne, om ca hwara' ne quimain. Om paxi' na ca xut ac xine. Ma' paric ca' e' nana co mam' nanain quem. Je ca tomi' xuhu' ca': Xuruxut mama' jein wijimain wana ca mao nain ca e' cara to wa ta. Ac i ma' na ca tomi' tococwa ma'.

Marcos 10:31

Je ca tomi' xuhu' ca': Oro co hwara' opa nana pain xocori ca', ame hwe e'. Mija ac caca tara co hwara' opa hwara' opa om pin nana. Oro co om hwara' opa nana pain xocori ca' iri na ne, ame hwe e'. Hwara' opa pin ac caca tara quem na ca tomi' xo' tococwa co taxipa' ca ma'.

Lucas 14:24

Je ca tomi' xuhu' ca' ac tococwa na co wara corom nana ma'. Oro wari' co wara tomi' ta' pane, pain ca harahap je, cao' querec te wi xijexi' ta ta' pane, om ta cao' camain' cacain carawa nein ca tomi' querec te nexi' ca'. Om ta ma' xica' pe camain' ca co cao' tain nain ta na taramaxicon na ca tomi' ca Jeju pain ca pijim' cocon oro wari' ma'.

Lucas 15:7

Je ca tomi' xuhu' ca' ac tococwa na. Ac i ma' tara Iri' Jam cocon oro jam co taramaja mi' nonon pain pawin cain, tomi' querec te tamana tatara con wari' co cwirin' pin nain ca caracat nucun ta. Xica' pe paxi' tara, tomi' querec te tiquin' ca' totoron cocon ca 99 nucucun co wara xuruxut xo' nana ma', co wara cwirin' pin nanain ca caracat nucucun ta na ca tomi' tococwa ma'.

Lucas 7:47

Je ca tomi' xim ca' ac con na. Mija paxi' na ca caracat nequem cam cwa'. Ane xic am pin xine ne. Je ca tomi' querec te tamana capa' ca'. Wari' co xic am pin xine pain wijimain ca caracat nucun ma' iri na ne, tomi' querec te wijimain e' napa' quem na ca tomi' con Simão.

Romanos 5:20

An hwet pe pin paxi' nain ca xirao' nucun Moisés Iri' Jam pane. Ma' ta querec pin' cacain ca pan teretem tamana nucucun oro wari' ta na. Ane tiquin' mao ne ca xiram pa' e' nucun Iri' Jam ne. Pan teretem tamana iri nana oro wari' ma' ne, je i ma' ca tiquin' mao ne ca xiram pa' e' nucun Iri' Jam ta.

Romanos 8:30

Pain ca wara tora' capari' ca', wari' ne napari'. Pain ca wari' ne capari' ca', to' hohot pin napari'. Pain ca to' hohot pin capari' ca', mi' napari' pain ca jao jao ma' xun pain ca awi nucun pain ca hwara' opa nucun ta.

Romanos 9:30

Je ca tomi' xuhu' ca': Oro win ma' nuhu' pain ca om judeu hwe ma', om paxi' na ca win xumu cacain ca awi wa pain ca to' hohot pin tococwa ma'. Ane to' hohot pin pan cocon Iri' Jam ne, xi om ne ca howa ara cocon Jeju ta.

1 Tessalonicenses 2:13

Pijim' mi' iri urut pahu' pain capijacon Iri' Jam pane ne, querec pin' ac hwein na pain ca om maqui' nein ca coromicat nuxut. Om ca capijacon wari' ne hwein. Capijacon Iri' Jam ma' ira hwein. Je ca tama' tomi' querec te urut con pahu'. Iri'o' na quem, maqui' non Iri' Jam co meo cara nain xumuhu' pain ca howa hwein capijacon ma'.