Mateus 2:8 - Tradução Bíblica Pacaas Novos

⁸ Mama' jein Belém ta ac tococwa na. Mo querec je. Pirao' xo' jun pije' ma'. Mam' iri jun ne, tomi' ac mahu' tara. Ma' ta hwet ton, ma' ta pe torotop mi' querec te ton quem, ac i ma' na ca tomi' mixein tococwa ma'.

Mateus 2:8 Iomraidhean Croise

Mateus 2:1

Pan' pe nain Belém Jeju, pain macarain Judeia ma'. Je ca pan' pe ca pane. Pain ca taramaxicon taramaxicon wet ca Herodes pane, je ca pan' qui' ca Jeju. Om om, maqui' ac caca na caram ma' co noro taxipa' nonon oro pijo'. Maqui' nanain pira pain ca maqui' ac ca xina. Xuruxut xuruxut hwet ac cacain na Jerusalém.

Mateus 2:7

Tomi' cut in ac tococwa na caram ma' co noro nonon pijo' ma' quem. Tomi' noc xa tata. Xica' to nana, wirico Herodes ma', wiricoco co noro nonon pijo' ma' quem. Tomi' querec ac tococwa na: Cain' ca hwet ca pijo' ma' quem? Pain cara pane ra? Xo' hwet na ra? Cain' cain' ca quem? Tomi' xine ta tata. Tomi' hwet ac cocon na.

Mateus 2:9

Taraju iri nanain ca tomi' nucun taramaxicon ma' ne, maji ta ac caca na. Xuruxut xuruxut, querec ac cocon na pijo' co wara querec qui' caca pain i cain. Ac ca o tococwa na. O o, wara ca' na ca pe ca pije' ma', xat ac ca na.