Mateus 2:4 - Tradução Bíblica Pacaas Novos

⁴ Tomi' cut in tomi' cut in pi' pin ac tococwa na oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés. Tomi' querec ac tococwa na: Main ca pan' pe ta' ca Cristo quem? Cain' ca xirao' pe cacain oro profeta pane, ac i ma' na ca tomi' tococwa ma'.

Mateus 2:4 Iomraidhean Croise

Mateus 13:52

Je ca tomi' xuhu' ca' ac caparut na. Taxi' pin hwein ca ca' na wa capijacon Iri' Jam. Xi ca' na xo' ara xuhu' ta. Ha' nuhu' pain ca ca' na huhun pain capijacon Iri' Jam, ha' nuhu' pain ca ca' na huhun pain xocori capija ca' quem, pain ca ca' na xuhu' pain ca taramaxicon pin nucun Iri' Jam quem. Ca' na iri hwein capijacon Iri' Jam je xocori capija ca' ne, an xiho' ac hun na waximain xirim co an hwet qui' nain oro xocori caramaxicon je oro wara caramaxicon ma' quem. Mi' tiquin' ac tococwa na pain oro win ma' ca ma'. Ac i ma' na ca tomi' caparut ma'.

Mateus 2:3

Taraju iri nain i ma' taramaxicon Herodes ma' ne, pain ca xo' pan' qui' ca xucun taramaxicon ma', toron tamana ac ne na ximicon. Teretem teretem pi' pin ac caca na oro wari' pain Jerusalém ma' quem.

Mateus 2:5

Pan' pe tarain Belém pain Judeia ta ac caca na. Je ca xirao' pe ca profeta pane nana. Ca' na ca xirao' pe nucun pane nana:

Mateus 21:15

Oro taramaxicon nucucun oro sacerdote ma', cocon oro co ca' na taxipa' nanain ca xirao' nucun Moisés ma' iri nana ne, mana' tamana ac caca na pain ca querec cacain ca ara ca Jeju ma', pain ca quep xio pin cocon co caxi nana ma'. Mana' tamana nana pain ca taraju cocon oro hwijima' pain ca merem to cacain ca tao' caho' nein xiricon Iri' Jam ma' quem, pain ca in ac xun Winacon Davi ta caca ma'.

Mateus 21:23

Corom mao ac cain na ca tao' caho' nein cote ne xiricon Iri' Jam Jeju ma', ca' na ac tococwa na pain capijacon Iri' Jam oro wari'. Ca' na ca' na wet iri tata pain ne, xuruxut hwet ac cocon na oro taramaxicon nucucun oro sacerdote cocon oro taramaxicon nuxut pain ca judeu urut ca'. Tomi' querec ac cocon na: Ma' co mi' nem pain ca ara main oro ca ara ma ma' quem? Ma' co ara rain nem pain quem na ca tomi' querec cocon ma'.

Mateus 26:3

Cut in ac xucucun na oro sacerdote co taramaxicon nana ma', cocon oro taramaxicon nuxut pain ca judeu urut ma' quem. Cut in xucucun pain cote ne xiricon sacerdote co iri' taramaxicon ma'. Caifás na wixicon.

Mateus 26:47

Tomi' tomi' wet na Jeju, maqui' ac ca na Judas ma', co to' 12 naparut pain ca taxipa' urut con Jeju cwa'. Mija nana wari' co ja' ja' nonon. Om ca paric camain' caca, mija nana. Wiricoco oro taramaxicon co hwet jun nonon. Mo nana: Oro taramaxicon nucucun oro sacerdote ma', oro taramaxicon nuxut pain ca judeu urut ca' quem, wiricoco co hwet jun nonon. Cut nana cote ne quit je pana ca mam' wap wa quem.

Mateus 27:1

Xec pin iri na ne, pain iri' xo' xec ma', tomi' xo' tomi' xo' pi' pin ac xucucun na oro taramaxicon nucucun oro sacerdote ma', cocon oro xucucun taramaxicon nuxut pain ca judeu urut ca' quem. Ca' tara ca ara xun Jeju cwa', ma' ta to' pa' pin cocon oro romano ta na ca tomi' xo' pan xucucun.

Mateus 7:29

Xi an hwet pan ara cain ca hwara' opa nucun pain ca ca' na cain capijacon Iri' Jam ta. Om ca an xiho' tococwa oro co tomi' capijacocon e' nana pain ca ca' na taxipa' nanain ca xirao' nucun Moisés ma'.

Marcos 8:31

Tomi' xo' ac tococwa na: Na e' na pain ca jain jain tamana ta' ta' ca'. Wata' pain ca Iri' Wari' ta' ca', jain jain tamana ta'. Noc tatarapa' oro taramaxicon nexi' pain ca judeu iri' ca'. Noc tatarapa' oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés ma' quem. To' pa' pin tatarapa' quem. Ma' 3 pin iri tarapa' xec pain ca mi' pin ne ne, e' mami' ac ta' tara ta na ca tomi' tococwa ma'.

Lucas 20:19

He, tomi' napari' ron ac caca na oro co ca' na taxipa' nanain ca xirao' nucun Moisés ma', cocon oro taramaxicon nucucun oro sacerdote ma' quem, pain ca taraju cocon pain ca pijim' joc mam' mi' cocon cocon co to' pa' pin nonon panxica waximain totain uva ma'. Je ca quep xun paxi' cocon ma', ane jin' cocon oro wari' ne.

Lucas 23:10

Oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés ma', co coco' to nanain i ma', tomi' mana' nana pain ca tomi' em' cocon Jeju.

João 18:3

Je ca mao cain totain oliva Judas. O qui' nonon oro soldado cocon oro guarda ma', wiricoco oro taramaxicon nucucun oro sacerdote cocon oro fariseu co hwet jun nonon ma'. Cut nanain naran nucucun je mam' mixita xi' caca quem.

João 3:10

Om ca taraju pa' ma ra ac con na Jeju. Win ne ca ca' na taxipa' momon pain capijacon Iri' Jam oro win ma' ma pain Israel ma' non.

João 7:32

Oro fariseu ma', taraju nonon oro wari' pain ca tomi' hohomu xucucun con Jeju. Tomi' xuxun oro guarda ma' ac cocon na oro taramaxicon nucucun oro sacerdote ma'. Quep totoron Jeju ta nana.

João 8:3

Maqui' ac caca na oro fariseu cocon oro co ca' na taxipa' nanain ca xirao' nucun Moisés ma'. An qui' nanam caxicam narima'. Wara querec nanam pain ca quep cam xucun tarama' ira. An mi' iri nonon cam Jeju ne, xat pe rain ximijacocon oro wari' cwa' ta ac cacam na.

Atos 23:9

Mija na ca teretem caca pain ca tomi' caracan xucucun. Ca teretem caca ma', ca teretem caca ma', tequi' to ac caca na co ca' na taxipa' nanain ca xirao' nucun Moisés. Fariseu nana. Tomi' mip ac caca na: Om ca mam' camain' urut pain ca pan tem wa con co cwa' ta! Am iri'o' ne ca tomi' nucun, am tomi' con jam, am jam co taramaja mi' non Iri' Jam ca con, am wirico co tomi' non pane, ac i ma' na ca tomi' caca ma'.

Atos 4:5

Xec pin iri na ne, cut in ac xucucun na oro taramaxicon. Oro taramaxicon nucucun oro judeu ma', cocon oro co ca' na taxipa' nanain ca xirao' nucun Moisés ma' quem, cut in to ac xucucun na pain Jerusalém.

Atos 6:12

Ac i ma' na ca ja' teretem tococwa oro wari' cocon oro taramaxicon nucucun oro judeu cocon oro co ca' na taxipa' nanain ca xirao' nucun Moisés ma'. Maji quep xun Estêvão ta ac caca na, mo hwet ac cocon na, quep ac cocon na, an mi' ac cocon na con oro taramaxicon pain ca cut in to nucucun pain ca Sinédrio caca ma'.