Mateus 2:23 - Tradução Bíblica Pacaas Novos

²³ To pin ac cacamain na Nazaré cain, je i ma' wixinain cidade ca to pin cacama pane. Ma' ta hwet pin ne capija ca wara tomi' pe ta' pane, pain ca tomi' hwet rain ta toton oro profeta pane na Iri' Jam. Ca' na con pane: Maqui' tarain Nazaré wari' co wara tomi' pe ta' cwa'. Ac i ma' na ca tomi' pe nucun pane.

Mateus 2:23 Iomraidhean Croise

Mateus 1:22

Je Tamataracon Iri' Jam ca mi' nam pain ca nam' wa pane. Ma' ta hwet ne capija ca wara tomi' pe ta' pane, pain ca tomi' hwet rain ta ton profeta pane na Iri' Jam. Ca' na con:

Mateus 21:11

Om na, wirico co cwa' Jeju cwa', wirico co cwa' profeta co maqui' nain Nazaré pain Galileia ta nana co ja' ja' nanaparut ma'.

Mateus 26:71

Xut hwet ac cain na man ca corom ac xine ca tao' caho' nein xirim ma' quem. Querec ac con na xequem xojam' co taramaja pe nain i ma'. Tomi' ac cama na cam ma' quem, tomi' nonon oro wari' co to nanain i ma'. Co ma' ma', pe ho' non Jeju co maqui' nain Nazaré ta nonon.

Marcos 1:24

Cain' cain' xim maparut quem Jeju co maqui' nain Nazaré? To' om pin xim maparut ra? Querec pin' inem ta! Wum co Iri' Wari' co wara tora' ca Iri' Jam pane! Iri' Panxica ma ta! Ac i ma' na ca merem ca ma'.

Marcos 1:9

Pain oro xec nein ca ja' qui' cocon pain com oro wari' João pain cara pane, maqui' ac cain na Nazaré Jeju. Maqui' nain Nazaré ca pe nain macarain Galileia. Ja' ac tocwa na pain com. Wirico João co ja' non. Ja' pe non pain Jordão ma'.

Lucas 1:26

Ma' 6 pin iri na panawo' pain ca nam' cama Isabel ma' ne, tomi' ac con na Gabriel Iri' Jam: Mao rain cidade pain Nazaré cain, ca pe nain Galileia cain.

Lucas 18:37

Om na, maqui' na Jeju ma', co wari' nein Nazaré ma' ac cocon na.

Lucas 2:39

Ara ara pi' pin iri nanain oro ca ara je cacam Iri' Jam pain ca xirao' nucun Moisés ne, in mama' ac cacamain na cidade nequequem ma', pain Nazaré pain Galileia ma'.

João 18:5

Jeju co maqui' nain Nazaré ta ac caca na. Wata' cwa' ira ac ca na. Jao jao ma' nonon Judas ma', co quep xiho' ton nonon oro taramaxicon pain ca quep xun cocon ma'.

João 18:7

Tomi' querec mami' ac tococwa na: Ma' co pirao' hwe ma' quem? Jeju co maqui' nain Nazaré ta ac caca na quem.

João 19:19

Pilatos ma', wara tomi' xo' nonon oro soldado nucun ira: Xirao' pe jein wixicon pain pana ma', tatatain mi' ac hwein tara pain tamain panaxicon pain winacon quem. Ca' tara ca xirao' nein pahu': Jeju co maqui' nain Nazaré. Taramaxicon nucucun oro judeu ta tara ca xirao' nein pahu' ta nonon. Ara ac cacain na.

Atos 2:22

Taraju wet xine me oro win ma' ne pain ca wari' nein Israel iri' ca' ac cocon na oro wari' Pedro. Tomi' hwet xuhu' con Jeju cara pane, co maqui' nain Nazaré pane. Taxi' hun pain ca tora' iri'o' con Iri' Jam pane, xi mi' ara con pain ca ara cain carawa ca om ara taxi' ne ca wari' wa pane. Wa wa tamana hun quem. Xi querec ara hun pain ca ara cain ta. Querec pin' hun pain ca hwara' opa nucun quem.

Atos 24:5

Querec pin' urut con wari' cwa', Paulo cwa', querec pin' urut con pain ca iri' caxicon wari' ca ca'. Ja' teretem taxipa' nonon oro win judeu urut pain oro xijein macan'. Wirico co taramaxicon pe ho' nonon oro wari' co howa nonon co pacara pane, co maqui' nain Nazaré pane. Howa pan teretem ara xi' nana ta.