Mateus 2:2 - Tradução Bíblica Pacaas Novos

² Tomi' querec ac caca na: Mon taramaxicon co xo' pan' qui' ma', co taramaxicon pe ho' toton nuhu' pain ca judeu hwe ca' quem? Querec ara xi' urut con pijo' nucun pain macaraxut pane, pain ca maqui' ac ca xina ma'. Je ca maqui' urut ca'. Ma' ta pe torotop mi' querec te xun urut con ta na ca tomi' querec caca ma'.

Mateus 2:2 Iomraidhean Croise

Mateus 2:3

Taraju iri nain i ma' taramaxicon Herodes ma' ne, pain ca xo' pan' qui' ca xucun taramaxicon ma', toron tamana ac ne na ximicon. Teretem teretem pi' pin ac caca na oro wari' pain Jerusalém ma' quem.

Mateus 21:5

Tomi' jujun oro wari' co to nanain Jerusalém ma'. Taraju wet je! Hwet nuhu' taramaxicon nuhu' ta! Om ca xec xec ca. Xao pe pe nain xonein wijimain burro. Ac i ma' na ca tomi' pe ca profeta pane.

Mateus 27:11

An mi' iri nonon con Pilatos Jeju ne, tomi' querec pan ac con na Pilatos: Wum co iri' taramaxicon nucucun oro judeu cwa' ra non. Wata' cwa' ira. Win ne ca tomi' ma ma' ta ac ca na Jeju.

Lucas 19:38

Merem ca' nana: Tomi' querec te xun taramaxicon cwa', co mam' maqui' nain ca hwara' opa nucun Iri' Jam cwa'. Mana' mana' om pin napari' Iri' Jam. Tomi' querec te tomi' querec te pi' pin nonon Iri' Jam oro co to nanain iri' pawin cain quem na ca merem caca oro wari' ma'.

Lucas 2:11

Pan' qui' na wari' co to' witan xim nuhu' ta. Xo' pan' nain xim ca'. Pan' pe nain Belém ca', ca pan' pe pan ne ca pije' nucun taramaxicon Davi cara pane. Pije' co xo' pan' cwa', wirico co Cristo ma', co iri' Taramaxicon ma'.

Lucas 23:3

Tomi' querec ac con na Jeju Pilatos. Wum co iri' taramaxicon nucucun oro judeu cwa' ra non. Wata' cwa' ira. Win ne ca tomi' ma ma' ta ac ca na.

Lucas 23:38

Ma' na pana ca tatatain mi' caca pain tamain panaxicon pain tamacon ma'. Xirao' pe ta i ca', pain: Wirico co cwa' co taramaxicon nucucun oro judeu ta na ca xirao' nein.

João 1:49

Taramaxicon co ca' na taxipa' capijacon Iri' Jam ac ca na. Panxica Iri' Jam ma ma' ira. Taramaxicon nucucun oro wari' nein Israel ma ma' ira na ca tomi' con ma'.

João 12:13

Ton cut qui' ac cacain na tahot, xuruxut cam' ac cocon na, merem ac caca na: In ac xun Iri' Jam ta. Tomi' querec te xun co cwa' co mam' maqui' nain ca hwara' opa nucun Iri' Jam cwa' nana. Tomi' querec te xun co cwa' co taramaxicon pe ho' napari' pain ca wari' nein Israel iri' cwa' na ca merem nucucun.

João 18:37

Je ca tomi' xim ca', taramaxicon ma ma' ira ac con na. Wum co tomi' pan nain i ma' ira, pain ca taramaxicon ma mapa' ma' ac con na. Je ca pan' ne ca pije' ne pane, je ca maqui' tain macan' pane. Tomi' hwet toton pain oro ca iri'o' wa oro wari' ta ina pane. Taraju wet nanapa' oro wari' co param nanain ca iri'o' wa quem na ca tomi' ca Jeju.

João 19:19

Pilatos ma', wara tomi' xo' nonon oro soldado nucun ira: Xirao' pe jein wixicon pain pana ma', tatatain mi' ac hwein tara pain tamain panaxicon pain winacon quem. Ca' tara ca xirao' nein pahu': Jeju co maqui' nain Nazaré. Taramaxicon nucucun oro judeu ta tara ca xirao' nein pahu' ta nonon. Ara ac cacain na.

João 20:28

Taramaxicon ne! Iri' Jam ne! Ac i ma' na ca tomi' con ma'.

João 5:23

Ma' ta in ac in ac pi' pin quequem oro wari' ta arain napa'. Win ne ca in ac cacapa' ca' napa'. Oro wari' co om in ac nanapa' pain ca Panxica Iri' Jam ta' ca', om ca in ac cocon Te co hwet roron oro wari' ta napa' quem.

João 9:38

Howa inem ta Taramaxicon ne ac ca na, pe torotop mi' querec te ac con na.

Hebreus 1:6

Maqui' pin iri na xec pain ca hwet roron oro wari' pain macan' ta con Panxica ne, tomi' ac ca na: Na e' na pain ca in ac in ac xam' cocon Panxita' oro jam co taramaja mi' nanapa' ta. Ac i ma' na ca tomi' tococwa oro jam co taramaja mi' nonon pane.

Apocalipse 22:16

Wata' pain ca Jeju ta' ca', mam' inuhu' con jam co taramaja mi' napa' ma'. Tomi' hwet roron pain oro carawa ca maqui' pa' toton nonon pain ca cut in taxipa' xucucun pain ca howa cacapa' ta inon pahu'. Wata' co iri' winacon taramaxicon Davi co tomi' pe ca Iri' Jam pain cara pane. An xiho' inon pijo' co toc meremem mip ma', co hwet na pain xo' xec. Ac i ma' na ca tomi' ca Jeju.