Mateus 2:17 - Tradução Bíblica Pacaas Novos

¹⁷ Ac i ma' na ca hwet pin ne ca wara tomi' pe nucun Iri' Jam ma', pain ca tomi' hwet rain capija qui' con profeta Jeremias cara pane. Ca' na con pane:

Mateus 2:17 Iomraidhean Croise

Mateus 2:15

To ac cacamain na i cain. Mon to wet mon to wet, mi' pin iri na Herodes ma' ne, paca' ac cacamain na Egito, in mama' ac cacamain na macaracacam. Ac i ma' na ca hwet pin ne capijacon Iri' Jam ca wara tomi' pe ca con profeta pane, pain ca pe qui' cain Egito panxica pane. Ca' na ca wara tomi' pe ca con pane: Paca' rain Egito ta arain ac ton na panxita', paca' ac cain na quem. Ac i ma' na ca wara tomi' pe nucun pane.

Mateus 2:16

Mixein nanapa' xin caram pacara ne ta ac ca na Herodes ma'. Mana' tamana ac ca na. Mama' jein Belém ta ac tococwa na oro soldado nucun. To' parapa' to parapa' pi' pin jujun ca tarama' nucucun oro hwijima', wiricoco co to nanain Belém, wiricoco co to nanain oro cidade ca to ja' pan nain quem, to' parapa' to' parapa' pi' pin jujun ta tata. Oro hwijima' co ma' 2 na cawaxi' nucucun, cocon oro hwijima' co om hwet querec nanain ca 2 ne cawaxi' nucucun ma' quem, to' parapa' to' parapa' pi' pin jujun ta na ca tomi' cocon ma'. Je ara xi' na ca tomi' nucucun caram pacara pane, pain ca tomi' querec wixite tococwa pane. Ma' 2 na cawaxi' pain ca xo' hwet pa' caparut pijo' pane nana pane.

Mateus 2:18

Taraju ac tacacama na oro narima' co awaran to nanain Ramá ma'. Mija na ca awaran nequequem. Wiricacam waram jinacam Raquel co awaran nana ma'. Awaran nonon humaxicacam. Om ca am moin' je na cacama. Cono' pin ara xi' nana humaxicacam. Ac i ma' na ca tomi' pe ca profeta Jeremias pane.

Mateus 27:9

Ac i ma' na ca hwet pin ne ca xirao' pe nucun profeta Jeremias cara pane. Ca' na con pane: Cut in xo' nanain moeda nein prata ma', ca ma' 30 ma', ca mam' pagar xim con ta caca oro taramaxicon nucucun oro wari' nein Israel ma'.