Mateus 2:15 - Tradução Bíblica Pacaas Novos

¹⁵ To ac cacamain na i cain. Mon to wet mon to wet, mi' pin iri na Herodes ma' ne, paca' ac cacamain na Egito, in mama' ac cacamain na macaracacam. Ac i ma' na ca hwet pin ne capijacon Iri' Jam ca wara tomi' pe ca con profeta pane, pain ca pe qui' cain Egito panxica pane. Ca' na ca wara tomi' pe ca con pane: Paca' rain Egito ta arain ac ton na panxita', paca' ac cain na quem. Ac i ma' na ca wara tomi' pe nucun pane.

Mateus 2:15 Iomraidhean Croise

Mateus 1:22

Je Tamataracon Iri' Jam ca mi' nam pain ca nam' wa pane. Ma' ta hwet ne capija ca wara tomi' pe ta' pane, pain ca tomi' hwet rain ta ton profeta pane na Iri' Jam. Ca' na con:

Mateus 2:14

Tequi' pe ac ca na. Maji ta, mama' towa ac cacama na, mama' ac cacamain na Egito.

Mateus 2:17

Ac i ma' na ca hwet pin ne ca wara tomi' pe nucun Iri' Jam ma', pain ca tomi' hwet rain capija qui' con profeta Jeremias cara pane. Ca' na con pane:

Mateus 2:19

Mi' pin iri na Herodes ne, om om, tohwein' ac ca na José. Wirico jam co taramaja mi' non Iri' Jam co hwet non pain ca tohwein' nucun pain ca pe pe wet cain Egito pane.

Mateus 2:23

To pin ac cacamain na Nazaré cain, je i ma' wixinain cidade ca to pin cacama pane. Ma' ta hwet pin ne capija ca wara tomi' pe ta' pane, pain ca tomi' hwet rain ta toton oro profeta pane na Iri' Jam. Ca' na con pane: Maqui' tarain Nazaré wari' co wara tomi' pe ta' cwa'. Ac i ma' na ca tomi' pe nucun pane.

Mateus 21:4

Cut qui' jein burro ta tata co taxipa' ca ma', ma' ta hwet pin ne ca wara tomi' pe ca profeta pane tata. Ca' na ca wara tomi' pe ca con pane:

Mateus 26:54

Ane om na capa' pain ca quep xiho' ne ton ne. Mo xi quep xiho' ne ton, pan' am ac ne xira ca xirao' to caca oro profeta co wara tomi' pe nanain carawa ca ara xim napa' ta na ca tomi' con win ma' nuxut ma'.

Mateus 26:56

Je i ma' pahu' ta ac tococwa na. Oro ca ara napa' ca', ca xirao' to caca oro profeta pain capijacon Iri' Jam pane, na e' na pain ca hwerehwet pin ne pain xocori ca', ac i ma' na ca tomi' tococwa ma'. Paca' ac urut con na Jeju pain ca taxipa' urut con ca'. Jein mama' jein mama' pi' pin urut.

Mateus 27:35

Tatatain mi' iri nonon pain pana ne, tomi' ac xucucun na oro soldado. An an xam' xun womicon cwa' ta ac xucucun na. Ma' xi an non co cwa' ne, ma' xi an non co cwa' ne xucucun, ara ac cacain na ca ara taxipa' caca ma', ma' ta taxi' xun wom co an xi' iri' cwa' xucucun.

Mateus 8:17

Quep xio pin iri tata ne, hwet pin ac ne na ca wara tomi' pe ca profeta Isaías cara pane. Ca' na ca tomi' pe nucun: Cut ca' napari' pain ca caxi nexi'. Quep xio napari' ta. Ac i ma' na ca wara tomi' pe ca Isaías pane.

Lucas 24:44

Je ca tomi' xuhu' pain ca pe ho' pe ho' wet xuhu' pane ac tococwa na. Na e' na pain ca hwet pin ne oro capijacon Iri' Jam pata'. Oro ca xirao' nucun Moisés cocon oro profeta, je pain Oro Tamara' quem, na e' na pain ca hwet hwet pi' pin ne pata' ac tococwa na.

João 19:28

Taxi' pin ac xucun na Jeju pain ca ara awori pi' pin cain ca ara ra con Cote ca pane. Ma' xica' pe na ca xirao' pe xine capijacon Iri' Jam ca om hwet querec con. Je ca tomi' ca' ca: Toc xita' com na ina me na.

João 19:36

Om ca to' caracat xine aracon Jeju. Xica' pe na ca xucun' tape e' tocwa pain quiricon. Ma' ta hwet pin ne ca xirao' pe xine capijacon Iri' Jam pane. Ca' na ca xirao' pe nein con: Om ca to' caracat camain' xine aracon. Ac i ma' na ca xirao' pe nein con.

Atos 1:16

Tomi' ac tococwa na: Tomi' xim inuhu' ta xere. Wara xirao' pe nain capijacon Iri' Jam taramaxicon Davi cara pane. Je Tamataracon Iri' Jam ca mi' non pain ca xirao' pe cain carawa ca ara ta' ca Judas cara pane. Na e' na pain ca hwet pin ne ca xirao' pe nucun con quem. Taxipa' paxi' naparut Judas pain ca taramaja wi caparut pane. Ane o mi' cocon con Jeju oro taramaxicon co quep xun nonon pane ne. Ac i ma' na ca tomi' tococwa ma'.