Mateus 2:11 - Tradução Bíblica Pacaas Novos

¹¹ Xuruxut xuruxut, wara ca' na xirim ma', corom mama' ac caca na. Querec ac cocon na pije' cam jicon ma', Maria na. Pe torotop mi' querec te ac cocon na. Pa ac cacain na panaxicocon ca cut to cacain carawa nucucun ca awi tamana ma'. An hwet mi' ac cocon na pain carawa ca mi' querec te xun cocon ma'. Je ouro, je incenso, je mirra ma' quem, ac i ma' na oro carawa ca mi' querec te cocon Jeju pane.

Mateus 2:11 Iomraidhean Croise

Mateus 1:18

Ca' na ca pan' qui' nucun Jeju Cristo pane. Jicon ma', Maria ma', an tam na José ira. Om ca an querec xequequem, tomi' xo' e' xequequem, nam' ac cama na. Je Tamataracon Iri' Jam ca mi' nam pain ca nam' nequem ma'.

Mateus 12:46

Tomi' tomi' wet iri nonon oro wari' Jeju ne, maqui' ac cama na jicon cocon xurucun. Hwet to nana. Tomi' xun Jeju ta ac cacama na.

Mateus 14:33

In ac ac cocon na, pe torotop mi' ac cocon na. Panxica Iri' Jam ma ma' ira ac cocon na quem.

Mateus 2:10

Tomi' querec te tamana nana pain ca querec cocon pijo' ma'. Mija na ca tomi' querec te caca.

Mateus 2:2

Tomi' querec ac caca na: Mon taramaxicon co xo' pan' qui' ma', co taramaxicon pe ho' toton nuhu' pain ca judeu hwe ca' quem? Querec ara xi' urut con pijo' nucun pain macaraxut pane, pain ca maqui' ac ca xina ma'. Je ca maqui' urut ca'. Ma' ta pe torotop mi' querec te xun urut con ta na ca tomi' querec caca ma'.

Lucas 2:16

Jein mama' ac cacain na Belém. Mam' nanam Maria con José, mam' nonon pije' ma' quem, co terem' pe nain pana ca cao' to ne oro carawa ma'.

Lucas 2:38

Pain ca tomi' tomi' wet ca Simeão ma', je win maqui' cama Ana ma'. Xut hwet ac cacam na. Tomi' querec te inem con pije' cwa' ta Te Iri' Jam ac cama na. Tomi' hwet ac tococwa na oro wari' con pije' ma'. Tomi' hwet tomi' hwet xam' tata con co winim' nanain xec nein ca to' witan toton cocon oro wari' nein Jerusalém Iri' Jam.

João 19:39

Nicodemos ma', co hwet towa non Jeju pain cara pane, ja' ja' non José. Cut nain waraqui pana ca hu xain tamana ma', je aloés pain mirra ma'. Mija na con. Xite na. Ac ca 34 ne na quilo nein.

Apocalipse 19:10

Pan' hwet ac ton na pain caximacon jam co taramaja mi' non Iri' Jam. Ma' ta pe torotop mi' querec te ton inon ira. Ane tomi' capa' ne: Ta pe torotop mi' querec te mapa' me ta. Xi ac wum ara ta' ta, taramaja mi' e' inon Iri' Jam. An xiho' inem, an xiho' inonon oro win howa ma ma', co win xumu cara nonon Jeju ma', pain ca om an to camain' cacain oro ca tomi' hwet xine con. Pe torotop mi' querec te pan ron Iri' Jam ta! Xi wirico pan ara ca Jeju co tomi' hwet iri' pain ca pijim' hwet xuxun con oro wari' ta. Ac i ma' na ca tomi' capa' jam co taramaja mi' non Iri' Jam.

Apocalipse 5:8

An ca' iri non pain ne, pe torotop mi' pan ac cocon na caram ma' co e' nana ma', co ac jam paxi' nana ma', co ma' 4 nana ma'. Pe torotop mi' nonon caram ma' co ma' 24 nana ma' quem. Ma' ma' xam' nonon ca mam' tao' wa, ac violão paxi' na cocon. Ma' ma' xam' nonon too ca mam' quep xine pain ouro ma', ca moin' to pain incenso ma', ca tomi' joc mam' mi' nain ca tomi' nucucun oro wari' nucun Iri' Jam ma', pain ca tomi' cocon ma' quem.