Mateus 2:10 - Tradução Bíblica Pacaas Novos

¹⁰ Tomi' querec te tamana nana pain ca querec cocon pijo' ma'. Mija na ca tomi' querec te caca.

Mateus 2:10 Iomraidhean Croise

Mateus 2:11

Xuruxut xuruxut, wara ca' na xirim ma', corom mama' ac caca na. Querec ac cocon na pije' cam jicon ma', Maria na. Pe torotop mi' querec te ac cocon na. Pa ac cacain na panaxicocon ca cut to cacain carawa nucucun ca awi tamana ma'. An hwet mi' ac cocon na pain carawa ca mi' querec te xun cocon ma'. Je ouro, je incenso, je mirra ma' quem, ac i ma' na oro carawa ca mi' querec te cocon Jeju pane.

Mateus 2:9

Taraju iri nanain ca tomi' nucun taramaxicon ma' ne, maji ta ac caca na. Xuruxut xuruxut, querec ac cocon na pijo' co wara querec qui' caca pain i cain. Ac ca o tococwa na. O o, wara ca' na ca pe ca pije' ma', xat ac ca na.

Lucas 2:10

Ta jin' mahu' me ta ac tococwa na. Taraju wet xine. Tomi' hwet xim inuhu' pain ca awi wa ca xo' hwet pa' nuhu' ma'. Ja' tomi' querec te tamana turuhu'. Ja' tomi' querec te ja' tomi' querec te pi' pin totoron oro wari' quem.

Lucas 2:20

In mama' ac caca na caram ma' co querec wet nanain ovelha nucucun. Awi ma awi ma nonon Iri' Jam pain ca in ac cocon ma'. Tomi' querec te urut pum pain oro ca taraju urut pum, je pain oro ca querec urut pain ca hwet urut con pije' ma' quem. Iri'o' na ca tomi' nucun jam co taramaja mi' nem ta, ac pain ca tomi' hwet caparut na ta nonon pain ca tomi' querec te cocon ma'.