Mateus 2:1 - Tradução Bíblica Pacaas Novos

¹ Pan' pe nain Belém Jeju, pain macarain Judeia ma'. Je ca pan' pe ca pane. Pain ca taramaxicon taramaxicon wet ca Herodes pane, je ca pan' qui' ca Jeju. Om om, maqui' ac caca na caram ma' co noro taxipa' nonon oro pijo'. Maqui' nanain pira pain ca maqui' ac ca xina. Xuruxut xuruxut hwet ac cacain na Jerusalém.

Mateus 2:1 Iomraidhean Croise

Mateus 1:25

An paxi' nam, ane om quep cam ne. Pain ca om pan' querec ca cawinacam ma', om ca quep cam. Om om, pan' qui' ho' na cawinacam. O' ma' ac con na, Jeju ac con na quem.

Mateus 2:16

Mixein nanapa' xin caram pacara ne ta ac ca na Herodes ma'. Mana' tamana ac ca na. Mama' jein Belém ta ac tococwa na oro soldado nucun. To' parapa' to parapa' pi' pin jujun ca tarama' nucucun oro hwijima', wiricoco co to nanain Belém, wiricoco co to nanain oro cidade ca to ja' pan nain quem, to' parapa' to' parapa' pi' pin jujun ta tata. Oro hwijima' co ma' 2 na cawaxi' nucucun, cocon oro hwijima' co om hwet querec nanain ca 2 ne cawaxi' nucucun ma' quem, to' parapa' to' parapa' pi' pin jujun ta na ca tomi' cocon ma'. Je ara xi' na ca tomi' nucucun caram pacara pane, pain ca tomi' querec wixite tococwa pane. Ma' 2 na cawaxi' pain ca xo' hwet pa' caparut pijo' pane nana pane.

Mateus 2:19

Mi' pin iri na Herodes ne, om om, tohwein' ac ca na José. Wirico jam co taramaja mi' non Iri' Jam co hwet non pain ca tohwein' nucun pain ca pe pe wet cain Egito pane.

Mateus 2:3

Taraju iri nain i ma' taramaxicon Herodes ma' ne, pain ca xo' pan' qui' ca xucun taramaxicon ma', toron tamana ac ne na ximicon. Teretem teretem pi' pin ac caca na oro wari' pain Jerusalém ma' quem.

Mateus 2:5

Pan' pe tarain Belém pain Judeia ta ac caca na. Je ca xirao' pe ca profeta pane nana. Ca' na ca xirao' pe nucun pane nana:

Mateus 2:7

Tomi' cut in ac tococwa na caram ma' co noro nonon pijo' ma' quem. Tomi' noc xa tata. Xica' to nana, wirico Herodes ma', wiricoco co noro nonon pijo' ma' quem. Tomi' querec ac tococwa na: Cain' ca hwet ca pijo' ma' quem? Pain cara pane ra? Xo' hwet na ra? Cain' cain' ca quem? Tomi' xine ta tata. Tomi' hwet ac cocon na.

Lucas 1:5

Pain oro xec nein ca taramaxicon pe ho' qui' cocon oro wari' nein Judeia Herodes cara pane, ma' ac ca na wari' co sacerdote. Zacarias na wixicon. Taramaja wi na cocon oro win sacerdote ca pain ca iri' hwanana ne cocon hwanana Abias cara pane. Je ca oro wari' nucun Abias tococwa pane. Hwanana ne non Arão manacon Zacarias quem. Isabel na wixicam.

Lucas 2:11

Pan' qui' na wari' co to' witan xim nuhu' ta. Xo' pan' nain xim ca'. Pan' pe nain Belém ca', ca pan' pe pan ne ca pije' nucun taramaxicon Davi cara pane. Pije' co xo' pan' cwa', wirico co Cristo ma', co iri' Taramaxicon ma'.

Lucas 2:15

In mama' iri nanain pawin oro jam co taramaja mi' nonon Iri' Jam ma' ne, tomi' xo' ac xucucun na caram ma', co querec wet nanain ovelha nucucun ma'. Maji pain Belém ta. Querec xun pije' co xo' pan' ma', co tomi' hwet ca Iri' Jam ta nana.

João 7:42

Xi xirao' pe ara ne capijacon Iri' Jam ta. Tomi' pe ca' na: Winacon Davi tara Cristo. Pan' pe tarain Belém ta, je iri' macaracon Davi ca pe pan ca pane na ca xirao' pe xine capijacon Iri' Jam ta nana.