Mateus 19:9 - Tradução Bíblica Pacaas Novos

⁹ Je ca tomi' xuhu' ca' ac tococwa na. Wari' co an pe pin nam manacon ma', pain ca om caracat cama ma', pain ca om quep cam xucun tarama' ma', mo ta an pe ximao cam, mo ta an pin cam xequem narima' ma' quem, caracat ac ca tara. Ac i ma' na ca tomi' xo' tococwa ma'.

Mateus 19:9 Iomraidhean Croise

Mateus 19:10

Wa ina me ac urut na pain ca taxipa' urut con ca'. Mo ta om na ne pain ca an pe pin tacama narima' ma', awi na pain ca om an tacama ta urut.

Mateus 19:8

Xi opain ara ne xumuhu' ta ac tococwa na. Je ca xirao' cain i ma' Moisés pane. Ane om wara coromicat ac i ma' ca Iri' Jam pain cara pane ne, pain ca xo' quep qui' con wari' pane.

Mateus 5:32

Ane tomi' pan xuhu' pain i ca' ne: Wari' co an pe pin nam manacon ma', pain ca om caracat cama ma', pain ca om quep cam xucun tarama' ma', mo ta an pe ximao cam, em' pan ac ca tara. Caracat mi' nam manacon, xi om ne ca tarama' nequem tarama' nequem wet ara ca ta non Iri' Jam. Mo ta an mami' con xucun tarama', caracat ac cama tara. Tarama' co an nam narima' co an pe pin ca tarama' nequem ma' quem, caracat ac ca tara quem. Ac i ma' na ca tomi' tococwa ma'.

Lucas 16:18

Je ca om na ne pain ca an ca xequem narima' wari' co an pe pin nam manacon ma'. Mo ta an cam xequem narima' ma', caracat ac ca tara. Wari' co an nam narima' co an pe pin nam quem, caracat ac ca tara quem na ca tomi' tococwa ma'.

1 Coríntios 5:1

Tomi' xim inuhu' pain i ca' quem: Taraju inonon oro wari' co tomi' hwet nanapa' con win ma' nuhu' ma'. Tomi' ca' nanapa' con: Ma' na win ma' caca co quep ximao ta na ca tomi' hwet cacapa' con. Iri' caracat na ta nonon. Om ca awi camain' ne ca caracat nucun ta nonon. An pin nam manacon cote ca na ca tomi' hwet cacapa' con. Xi hohot na ta cacain i ma' co om howa nonon Iri' Jam ta. Noc nanain ta.

1 Coríntios 7:39

Narima' co ma' nam tarama' ma', pe ho' cara toron pain ca e' e' wet nucun. Mo ta mi' ca' cam taxicam ma', hohot na pain ca an cama xucun tarama' co param cama ma', co howa non Taramaxicon nexi'. An e' toron wari' co howa non Taramaxicon nexi' ta.

1 Coríntios 7:4

Narima' ma', om ca mene camain cwerequem. Mene nain taxicam. Ac i ma' na tarama' ma' quem. Om ca mene cain curucun. Mene nain manacon.