Mateus 19:6 - Tradução Bíblica Pacaas Novos

⁶ Je ca tomi' xuhu' ca' ac tococwa na. An pin iri nam narima' tarama' ma' ne, xica' pe pin ac ne na cwerequequem. Om ca tocwan mami' ne cwerequequem. Je ca om na camain' ne pain ca to ni ca' xequequem ta. Xi wirico ara ca Iri' Jam co mi' nanam pain ca an xequequem ta na ca tomi' tococwa oro fariseu ma'.

Mateus 19:6 Iomraidhean Croise

Mateus 19:5

Je ca xirao' pe xine pain i ca' quem: Tarama' ma', pe ho' pe ho' om pin toron cote ca cam jicon. Pe ho' pin ac cam tara manacon. Ac ca xica' pe pin ne tara cwerequequem ta na ca xirao' pe nucun pane.

Mateus 19:7

Tomi' querec mami' ac cocon na: Je xi narain ho' capari' pain ca an pe pin wa narima' Moisés pane quem? Hohot na ta ara xi' nain pane. Mo ta an pe pin tam cam narima' tarama' ma', na e' na pain ca xirao' mi' cam pain documento. An pe pin inem ta tara ca xirao' nucun pain documento. Mi' xo' iri taram pain ne, hohot ac ne tara pain ca an pe pin cam ta na ca xirao' nucun Moisés pane ta nonon.

Marcos 10:9

Je ca om na camain' ne pain ca to ni ca' xequequem tarama' cam manacon ta. Xi wirico ara ca Iri' Jam co mi' nanam pain ca an xequequem ta na ca tomi' tococwa oro fariseu ma'.

Romanos 7:2

Win cama narima' co ma' nam tarama'. Pe ho' cara ron taxim ta ac cam na ca xirao' nucun Moisés. Pain ca e' e' wet nucun taxicam ma', om ca an pe ac con. Win cwere nam, ac ca tucu pan cam na. Mo ta mi' pin ca taxicam, ac ca tacom' hot pin tacama na. Xi pe ho' cara ron mami' cam ca xirao' nucun Moisés ta.

Efésios 5:28

Je ca tomi' xuhu' pain ca tarama' nuhu' ca': Ta noc hwehwem oro manahu' ta. Ac ca om noc hwein curuhu' ma' tara pain ca om noc hwehwem ma'. Wari' co om noc nam manacon ma', om ca noc pan xucun.

Hebreus 13:4

Na e' na pain ca coromicat ca' hwe ma', pain ca awi tamana ne ca an wa narima' ma', je pain ca awi tamana ne ca an wa tarama' ma' quem. Om ca na camain' ne pain ca an wa xequem narima', om ca na camain' ne pain ca an wa xucun tarama' ma' quem. Wari' co quep ximao ma', co an nam xequem narima' ma', wap ac con tara Iri' Jam. Narima' co quep ximao ma' quem, co an non xucun tarama' ma' quem, wap ac cam tara Iri' Jam quem.