Mateus 19:22 - Tradução Bíblica Pacaas Novos

²² Taraju iri nain i ma' ne, in ca' ac con na Jeju, tomi' xaxa' mao ac ca na quem, xi caramaju tamana ara ca ta.

Mateus 19:22 Iomraidhean Croise

Mateus 13:22

Oro xucucun ma' iri nana ne, co tomi' joc mam' mi' nanain macan' ca ma' pi ma', taraju paxi' nanain capijacon Iri' Jam. Aram aram coromicat ni ca' ac cacain na. Toron ximama' ac ne na ximicocon pain oro ca to' i'ina nonon, caramaju xixi' na nana quem. Mo xi quep xiho' cocon oro caramaji macan' ca', ane om quep xiho' cocon ne, mixein e' nonon. Ac ca mo' nein pi na capijacon Iri' Jam pain ximicocon. Ac ca om wina ne na, xi to' xucun wari' tococwa pain ta.

Mateus 14:9

Cain' cain' xira pata' ne ta ac ca na Herodes. Om xi tomi' an pe mi' tam pain ca tomi' ne cara ne ta ca' xucun. Ane na e' ne pain ca tomi' ha' cam ne, xi om ne ca tomi' an pe mi' ara cam pain ca tomi' nucun ta. Wixipa' tata oro win ma' ca co taraju nonon pain ca tomi' nucun quem. Je ca tomi' tococwa oro wari' co taramaja mi' e' nonon ma'. Tomi' ha' jein ca tomi' nequem ta tata.

Mateus 16:26

Je ca tomi' xuhu' ca' ac caparut na. Mo ta ma' ma' xam' capari' oro carawa pain macan' ca'. Mo ta miri'om xin ca e' cara wa pain pawin cain, mo ta mama' xin cote ne xe quem. Ma' na ca quep xiho' ac capari' oro caramaji macan' ca cut iri' pain ca e' e' wet nexi' ra? Om ca quep xiho' capari' ta! Xi ma' ne caramaji macan' ca mam' an in ac xin ca e' cara nexi' ta.

Mateus 19:21

Tomi' ac ca na: Mo ta iri' wari' xita' na ma ma', mo ta an xiho' ton Iri' Jam ma pain ca om noc cocon oro wari' ma' quem, mo vender vender pi' pin ac main tara oro caramajum. Cut iri rain dinheiro nein ne, cut mi' ac momon pain tara co om nonon carawa. Caramaju pe ac main tara pawin cain. Cut mi' cut mi' pi' pin iri roron pain dinheiro nem ne, in hwet ac mapa' tara, ja' ja' ac mapa' tara ta non.

Mateus 19:23

Tomi' ac caparut na Jeju, tomi' naparut pain ca taxipa' urut con ca'. Je ca tomi' xuhu' ca', tomi' iri'o' inuhu': Wari' co caramaju ma', i'ina tamana non pain ca xin ne con Iri' Jam pain ca taramaxicon pe ho' xim ta con ma'.

Mateus 6:24

Om ca taramaja mi' 2 ac tococwa oro taramaxicon. Mo ta param tocwa xucun, noc ac tocwa tara xucun. Mo ta win xumu tocwa xucun, tomi' napat ac tocwa tara xucun. Je ca tomi' xuhu' ca': Om ca taramaja mi' ac hun Iri' Jam pain ca taramaja mi' taramaja mi' wet hwein dinheiro ta.

Marcos 10:22

Hehe ac ca na. Om ca taraju hohot con ca tomi' nucun Jeju. In ca' ac con na, tomi' xaxa' mao ac ca na, xi caramaju tamana ara ca ta.

Marcos 6:26

Cain' cain' xira pata' ne ta ac ca na Herodes. Om xi tomi' an pe mi' tam pain ca tomi' ne cara ne ta ca' xucun. Ane na e' ne pain ca tomi' ha' cam ne, xi om ne ca tomi' an pe mi' ara cam pain ca tomi' nucun ta. Wixipa' tata oro win ma' ca co taraju nonon pain ca tomi' nucun quem. Je ca om an in cain ca tomi' nucun.

Lucas 18:23

Taraju iri nain i ma' ne, tomi' xaxa' ac ca na, xi caramaju tamana ara ca ta.

João 16:20

Je ca tomi' xuhu' ca', tomi' iri'o' inuhu' ta ac caparut na. To' pa' pin iri tatarapa' ne, awaran tamana ac hwe tara pain ca tomi' xaxa' nuhu'. Oro wari' co om howa nanapa' ma' iri tatara ne, tomi' querec te pan tatara. Jain jain paxi' pan je pain ca tomi' xaxa' nuhu'. Ame hwe e', main tomi' xaxa' tomi' xaxa' om je, tomi' querec te ac hwe tara ta.

Efésios 5:5

Taxi' jein i ca' quem: Ximin tara wari' co quep nam xequem narima', ximin tara narima' co quep ne non xucun tarama' ma' quem. Ximin tara co coromicat ximao nain quem. Ximin tara wari' co param ximao nain oro carawa ca om awi ma'. Param ximao iri nain oro caramaji macan' wari' ma' ne, ac ca howa cain na, ac Iri' Jam non carawa ca param ximao ca ma'. Wari' co ac i ma' ma', om ta mao camain' cain ca taramaxicon pe ca Cristo con Iri' Jam ta.

Colossenses 3:5

Je ca tomi' xuhu' ca'. To' om pin jein oro ca param pan teretem ne wara curuhu' ma', ac ca to' parapa' pin hwein tara. Ta quep hwem xequem narima' me. Wahu' quem, pain ca narima' hwe ma', quep e' turuhu' taxuhu' ma'. Ta mam' pe wet hwein oro ca quep ximama' wa me. Ta jain jain hwein oro ca om awi wa me. Ta param hwein ca pan teretem wa me. Ta param ximama' hwein oro carawa me. Wari' co param ximama' nanain oro carawa ma', ac ca Iri' Jam ne cacain na.