Mateus 19:21 - Tradução Bíblica Pacaas Novos

²¹ Tomi' ac ca na: Mo ta iri' wari' xita' na ma ma', mo ta an xiho' ton Iri' Jam ma pain ca om noc cocon oro wari' ma' quem, mo vender vender pi' pin ac main tara oro caramajum. Cut iri rain dinheiro nein ne, cut mi' ac momon pain tara co om nonon carawa. Caramaju pe ac main tara pawin cain. Cut mi' cut mi' pi' pin iri roron pain dinheiro nem ne, in hwet ac mapa' tara, ja' ja' ac mapa' tara ta non.

Mateus 19:21 Iomraidhean Croise

Mateus 16:24

Tomi' ac caparut na pain ca taxipa' urut con ca'. Wari' co ja' ja' xim napa' ma', miri'om ac cain tara ca param nucun. Om ta xiram pa' camain' cain curucun pain ca jin' cain ca mi' pin wa. Ac ca an tiquin' pan cain tara panaxicon ca mam' tatatain mi' xun tocwa ma'. Ja' ja' ac capa' tara ta.

Mateus 19:20

Om na, tama' tomi' ha' tomi' ha' pi' pin inain i ma' ta. Ma' tara xijein carawa ca ara ra mapa' quem ac con na.

Mateus 19:22

Taraju iri nain i ma' ne, in ca' ac con na Jeju, tomi' xaxa' mao ac ca na quem, xi caramaju tamana ara ca ta.

Mateus 19:28

Ame hwe e' ac caparut na. Maqui' cain' tara xec nein ca quep xocori pin tain cain oro carawa pain macan' ta na Iri' Jam ca'. Xao pe ho' pin ac tain tara ca mam' xao pe ne pain ca taramaxicon pin ta' ta' ca'. Wata' pain ca Iri' Wari' ta' ca', taramaxicon hwara' opa pin ac ta' tara ta. Awi tamana tara ca taramaxicon ne. Taramaxicon wi ac mahu' tara quem. Wahu' pain ca taxipa' mahu' ma', xao to xao to xam' ac hwein tara ca mam' xao pe nucun taramaxicon. Ma' 12 tara ca mam' xao to nuhu' pain ca taramaxicon wi mahu'. Taramaxicon to ho' ac huhun tara waram winacocon mana panxica Israel cara pane, co ma' 12 nana cara pane. Tomi' iri'o' inuhu'.

Mateus 4:19

Tomi' ac tococwa na: Harahap je, ja' ja' xine. Ca' na ac xuhu' tara pain ca cut in wa wari'. Win ne ca cut in taxipa' hun hwam cwa', ac i ma' jujun oro wari' quem. Ma' ta howa cacapa' pahu' ta inuhu' na ca tomi' tococwa ma'.

Mateus 5:48

Je ca tomi' xuhu' ca': Iri' wari' je. Win ca Cotere' co pe pawin cwain ta.

Mateus 8:22

Om na ta ac con na Jeju. Ja' ja' ho' ne pain xocori ca'. Oro win ma' ma co om howa nanapa' ma', co an xiho' nonon co cono' nana ma', wiricoco pan tatara co cut corom to pan nonon co cono' nana ta na ca tomi' con ma'.

Mateus 9:9

Mao ta' ta ac ca na Jeju, xut mao ac ca na. Xut xut, querec ac capa' na pain ca Mateus ta' ca'. Xao pe pe inain ca taramaja pe ta' ma', pain ca cut in tain oro imposto nucucun oro wari' ma'. Ja' ja' ne e' ac capa' na. Tequi' pe ac ta' na, ja' ja' ac ton na quem.

Marcos 10:21

Noro ac con na Jeju. Xiram pa' non. Ma' xica' pe na carawa ca om ara querec ma ma' ac con na. Mo vender vender pi' pin rain oro caramajum. Cut iri rain dinheiro nein ne, cut mi' ac momon pain tara co om nonon carawa. Caramaju pe ac main tara pawin cain. Cut mi' pi' pin iri roron pain dinheiro nem ne, in hwet ac mapa' tara, ja' ja' ac mapa' tara ta non.

Marcos 2:14

Xut xut tiquin' ac ca na, querec ac con na Levi ma', panxica Alfeu ma'. Xao pe pe nain ca taramaja pe ca ma', pain ca cut in cain oro imposto nucucun oro wari' ma'. Ja' ja' ne e' ac con na Jeju. Tequi' pe ac ca na, ja' ja' pin ac con na quem.

Marcos 8:34

Harahap je, tomi' xo' xuhu' ta ac tococwa na oro wari' cocon co taxipa' ca ma'. Wari' co ja' ja' xim napa' ma', miri'om ac cain tara ca param nucun. Om ta xiram pa' camain' cain curucun pain ca jin' cain ca mi' pin wa. Ac ca an tiquin' pan cain tara panaxicon ca mam' tatatain mi' xun tocwa ma'. Ja' ja' ac capa' tara ta.

Lucas 12:33

Je ca tomi' xuhu' ca': Vender jein caramajuhu' ma'. Cut iri jein dinheiro nein ne, mi' mi' ac huhun pain tara oro wari' co om nonon carawa. Ma' ac cuhu' tara oro carawa ca om pi' ra ha' ma'. Ac ca cut in xo' tamana hwein tara carawa pain pawin cain. To wet cara ac ne tara quem. Om ara xi' nain i cain wari' co cut noc xa tain nain oro caramajixi', om nain i cain oro caxicon tohoro' co cao' nain quem.

Lucas 14:33

Je ca tomi' xuhu' ca', tomi' tomi' xam' inuhu' ta ac tococwa na. Mo ta taxipa' xim mahu', na e' na pain ca noro cain' hwein oro carawa ca to' i'ina xim nuhu' pain. Mo ta om an to pin hwein oro carawa ca win xumu hwe ma', om ca ha' ne pain ca taxipa' mahu' ta na ca tomi' tococwa ma'.

Lucas 16:9

Je ca tomi' xuhu' ca' ac tococwa na. Xiram pa' jujun oro wari', mam' xiram pa' jujun pain oro carawa ca cut hwe pain macan' ca'. Om pin iri turuhu' oro carawa ne, pain ca cono' pin xi' hwe ma', tomi' querec te pan ac cucuhu' tara pain ca aram aram to pin xin hwein pawin cain ta na ca tomi' tococwa ma'.

Lucas 18:22

Taraju iri non Jeju ne, pain ca tomi' ac i ma' ca ma', tomi' ac con na: Ma' ma' wet na carawa ca om ara querec ma ma' non. Vender vender pi' pin rain oro caramajum. Cut iri rain dinheiro nein ne, cut mi' ac momon pain tara co om nonon carawa. Caramaju pe ac main tara pawin cain. Cut mi' cut mi' pi' pin iri roron pain dinheiro nem ne, in hwet ac mapa' tara, ja' ja' ac mapa' tara ta na ca tomi' con ma'.

Lucas 5:27

Jeju ma', quep xio pin iri non wari' co carama pe ne, hwet mao ac ca na, querec ac con na wari' co cut in taxipa' nain oro imposto. Xao pe pe nain ca taramaja pe ca ma', pain ca cut in cain oro imposto nucucun oro wari' ma'. Ja' ja' ne e' ac con na Jeju.

Lucas 6:40

Noro jun wari' co ca' na wa pain oro ca taxi' wa ma' quem. Om ca taxi' tiquin' ca' con co ca' na pan non ma'. Mo ta taxi' taxi' pi' pin cain oro ca ca' na tocwa ma', an xiho' ac con tara co ca' na pan non ma', ac i ma' na ca pijim' tococwa ma'.

Lucas 9:23

Tomi' tomi' pi' pin ac tococwa na oro wari'. Wari' co ja' ja' xim napa' ma', miri'om ac cain tara ca param nucun. Miri'om tarain ca param nucun pain oro xijein xec. Om ta xiram pa' camain' cain curucun pain ca jin' cain ca mi' pin wa. Ac ca an tiquin' pan cain tara panaxicon ca mam' tatatain mi' xun tocwa ma'. Ja' ja' ac capa' tara ta.

João 10:27

Win ne oro ovelha ca taraju wet nain ca tomi' nucun co querec wet nain ma', ac i ma' na ca taraju wet cacain ca tomi' ne oro wari' ne ma' quem. Querec pin' inonon, ja' ja' ac cacapa' na quem.

João 12:26

Wari' co taramaja mi' xim napa' ma', na e' na pain ca ja' ja' cara capa'. Oro ca mao ne ca', je tara ca mao ca quem, pe ho' tarapa' quem. Wari' co taramaja mi' napa' ma', tomi' querec te ac tocwa tara, hohot ma ta ac tocwa tara. Wirico Te tara co hohot ma pan ton non ta na ca tomi' tococwa ma'.

Atos 2:45

Ma' iri nana oro win ma' caca co ximin nana ma' ne, vender vender ac cacain na macaracocon je oro caramaxicocon. Ma' ta xiram pa' xiram pa' xam' xuxun co ximin nana cwa' nana.

Hebreus 10:34

Xiram pa' tamana huhun oro co tao' to wawa pain xirinain ca tao' to tao' to to wa ma'. Cut ca' iri xihwe pain oro caramajuhu' ne, tomi' querec te cara ac hwe na quem. Je i ma' ira, ma' ma' wet ara xi' napari' iri' carawa ca om pi' ra ha' cain, ca to pawin cain. Awi tiquin' ca' nain caramajixi' ca pe macan' ca' quem ac hwe na pane quem.