Mateus 19:14 - Tradução Bíblica Pacaas Novos

¹⁴ Tomi' in pin ac caparut na Jeju. Ta narain ho' hwehwem pain ca hwet cacapa' hwijima' cwa' me. Ta tomi' in pin hwehwem me ta. Oro wari' co an xiho' nanam pain ca om xec xec nequequem ma', pain ca howa cacapa' ma', wiricoco tatara co taramaxicon pe ho' ca Iri' Jam ta naparut.

Mateus 19:14 Iomraidhean Croise

Mateus 11:25

Tomi' ac con na Iri' Jam Jeju: Tomi' querec te inem ta Te. Wum co Taramaxicon pe nain pawin je macan' ca'. Tomi' querec te inem pain ca tora' momon oro wari' co om xec xec nana cwa', co an xiho' nonon oro hwijima' pain ca om xec xec nucucun ca'. An hwet mi' momon pain oro ca joc xim ma cocon oro wari' co taxi' urut xi' ma nana ma'.

Mateus 18:3

Tomi' ac caparut na: Coromicat ni je. An xiho' jejem oro wixicacam hwijima' pain ca coromicat nequequem. Mo ta om an xiho' hwehwem pain ca om xec xec taxi' nequequem ca', om ta hwet camain' hun Iri' Jam pain ca taramaxicon pe ca pain pawin cain, tomi' iri'o' inuhu'.

Mateus 19:15

Quep ac tacacama na pain winacacam. Param inon Iri' Jam pain ca ara mi' cuhu' pain oro ca awi wa ta hwijima' tata. Mao ac ca na quem.

Mateus 5:10

Param mi' tata pain ca awi wa oro wari' co ja' tequi' quep em' wawa pain ca ara cacain ca param nucun Iri' Jam ma'. Wiricoco ara xi' nana co wari' ne ca Iri' Jam pain ca taramaxicon pe ho' cocon ta.

Mateus 5:3

Param mi' tata pain ca awi wa oro wari' co ximin nana ma', xi wari' ne ara tococwa pain ca taramaxicon pe ho' xun tococwa ma'.

Marcos 10:14

Querec iri nonon co taxipa' ca Jeju ne, pain ca tomi' in pin cacam ma', om ca hohot con. Mana' ac tococwa na. Ta narain ho' hwehwem pain ca hwet cacapa' hwijima' cwa' me ta. Ta tomi' in pin hwehwem me ta. Oro wari' co an xiho' nanam pain ca om xec xec nequequem ma', pain ca howa cacapa' ma', wiricoco tatara co taramaxicon pe ho' ca Iri' Jam ta.

Marcos 10:15

Je ca tomi' xuhu' ca', tomi' iri'o' inuhu': Mo ta om an xiho' hwehwem hwijima' pain ca tomi' querec te cocon Iri' Jam pain ca taramaxicon pe ho' xuhu' ta cocon ma', om ta hwet camain' hun pain ca taramaxicon pe ca pain pawin cain ta na ca tomi' tococwa ma'.

1 Coríntios 14:20

Taraju pa' je ta xere. Ta ximicon pije' mami' hwe pain ca om taraju pa' nuhu' pain ca mi' capari' pain oro ca taramaja taxi' wa Tamataracon Iri' Jam ta. Ximicon hwanana je pain ca coromicat xo' nuhu'. An xiho' e' jujun oro pije' pain ca om coromicat pan teretem nucucun.