Mateus 18:4 - Tradução Bíblica Pacaas Novos

⁴ Wari' co an xiho' non wixicon pije' cwa', pain ca om xec xec taxi' nucun ca', hwara' opa tiquin' pan ca' totoron oro xucucun wari' co taramaxicon pe ho' ca Iri' Jam ta.

Mateus 18:4 Iomraidhean Croise

Mateus 18:1

Om ca pain homa ne, xuruxut hwet ac urut con na Jeju ma'. Warut pain ca taxipa' urut con ca', tomi' querec ac urut con na: Ma' co hwara' opa tiquin' ca' nonon oro xucucun wari' co taramaxicon pe ho' ca Iri' Jam quem na ca tomi' querec urut con.

Mateus 18:3

Tomi' ac caparut na: Coromicat ni je. An xiho' jejem oro wixicacam hwijima' pain ca coromicat nequequem. Mo ta om an xiho' hwehwem pain ca om xec xec taxi' nequequem ca', om ta hwet camain' hun Iri' Jam pain ca taramaxicon pe ca pain pawin cain, tomi' iri'o' inuhu'.

Mateus 18:5

Noro jun pije' cwa', co om hwara' opa cwa' ac caparut na. Wari' co tomi' querec te non pain ca om hwara' opa nucun ca', coromicat ca' iri na ne: Tomi' querec te inem, xi om ne ca howa ara ton Jeju ma', mo ta coromicat ac i ma' ca pain ca tomi' querec te inem con ma', ac ca tomi' querec te capa' na quem.

Marcos 10:43

Ane om na ne pain ca an xiho' huhun ne. Jimama' je. Mo ta param hwein ca taramaxicon wa ma', om ta xec xec hwe, taramaja mi' pan jujun oro win ma' hwe ma'.

Marcos 9:34

Hehe ac caca na. Wixipa' nana, xi tomi' caracan ara xucucun ta. Wata' co hwara' opa tiquin' ca' nuhu' ta xucucun. Om na, wata' ta, hwara' opa tiquin' ca' inuhu' ta ac ca na xucun. Wata' pan ta ac ca na xucun ma' quem.

Lucas 14:11

Je ca tomi' xuhu' ca' ac tococwa na. Oro wari' co xec xec nana ma', pain ca hwara' opa na xi' ma caca ma', to' wixipa' to' wixipa' pi' pin ac tococwa tara. Wari' co om xec xec ma' iri na ne, pain ca om ca hwara' opa ta' pan xucun ma', to' hwara' opa pin ac tocwa tara quem na ca tomi' tococwa ma'.

Lucas 9:48

Noro jun pije' cwa', co om hwara' opa cwa' ac tococwa na co taxipa' ca ma'. Wari' co tomi' querec te non pain ca om hwara' opa nucun ca', coromicat ca' iri na ne: Tomi' querec te inem, xi om ne ca howa ara ton Jeju ma', mo ta coromicat ac i ma' ca pain ca tomi' querec te inem con ma', ac ca tomi' querec te capa' na. Tomi' querec te iri napa' ne, tomi' querec te non co cwain co hwet roron oro wari' napa' ma' quem na ca tomi' tococwa ma'. Je ca tomi' xuhu' ca' ac tococwa na. Wari' co om xec xec ma' pahu', co om hwara' opa pan ina ta pahu', wirico tara co hwara' opa pan pahu' ta na ca tomi' tococwa ma'.

Tiago 4:10

Querec pin' xujuhu' pain ca ximin nuhu' pain ca om querec awi cuhu' Taramaxicon Iri' Jam. An tequi' to ac cuhu' tara, mi' ac cuhu' tara pain ca querec awi cuhu' quem.

1Pedro 5:5

Tomi' mip inuhu' pain ca xo' horon hwe ma' quem. Tomi' ha' jujun oro co wara tiquin' mama' cawaxi' nucucun ma'. Tomi' tomi' pi' pin inuhu', an hwet mi' xujuhu' pain ca om xec xec nuhu' ta, xi xirao' pe ara xine pain capijacon Iri' Jam ta. Ca' na ca xirao' pe nein: Ari nonon oro co xec xec nana Iri' Jam ta. Oro co om xec xec nana ma' iri nana ne, xiram pa' tata, quep xiho' tata quem. Ac i ma' na ca xirao' pe xine pain capijacon Iri' Jam.