Mateus 18:16 - Tradução Bíblica Pacaas Novos

¹⁶ Mo ta om ha' quem pain ca xica' to nuhu' ma', tomi' ac mon tara xucun co win howa ma ma'. Am 2 caca co tomi' ma ma'. Maji con e', tomi' xo' mami' ton pain ca em' nucun ta. Win ne ca tomi' capari' capijacon Iri' Jam ca', pain ca na e' na pain ca ma' tocwan caca co taraju nunuhu' pain ca tomi' xo' hun wari' pain ca caracat nucun capari'.

Mateus 18:16 Iomraidhean Croise

João 8:17

Je ca xirao' pe ca hwanana nexi' Moisés cara pane, pain ca tomi' ha' jein ta capari' pane. Je ca tomi' ha' urut hwe ma' quem. Ca' na ca xirao' pe ca Moisés pane: Mo ta ma' 2 caca wari' co tomi' hwet xin nanain carawa ca querec caca ma', mo ta an an ari ne ca tomi' nucucun ma', hohot ac ne na pain ca howa tococwa. Iri'o' na ca tomi' nucucun ta na ca xirao' pe nucun Moisés pane.

2 Coríntios 13:1

Hwet xim inuhu', je win 3 pin ta' ne ca hwet xim xuhu' ca'. Je i ca' ca xirao' pe xine pain capijacon Iri' Jam: Mo ta coromicat mi' tocwa pain ca caracat wa wari' ma', mo ta caracat na co ma' ta tocwa ma'. Na e' na pain ca tocwan caca co querec urut con pain ca caracat nucun ta nana ma'. Am ma' 2 caca, am ma' 3 caca, taxi' urut con pain ca caracat ca ma' tatara.

1 Timóteo 5:19

Mo ta tomi' em' tocwa pain ca caracat wa wari' co querec wet nonon co howa nana ma', mo ta ma' xica' pe ca co tomi' em' non ma', co querec inon pain ca caracat ca ta non ma'. Ta howa hap mon me. Mo ta ma' 2 caca, mo ta ma' 3 caca co querec urut con pain ca caracat ca ma' cocon ma', howa ac momon tara.

Hebreus 10:28

Noro jun wari' co om tomi' ha' ra na nain ca xirao' nucun Moisés pain cara pane. Ma' 2 iri nana wari' co querec urut con nonon pain ca caracat nucun ne, am ma' 3 caca co querec urut con ta nonon ma', to' pa' pin ac tocwa na. Om ca xiram pa' camain' tocwa.

Apocalipse 11:3

Ma' 2 tatara wari' ne co pijim' xin nanain capija ca iri'o'. To totoron caxicon wom, ma' ta querec pin' cacapari' pain ca tomi' xaxa' nexi' pain ca caracat nucucun oro wari' ta tatara. Pijim' hwet ac cacain tara capija. Ma' 1.260 tara xec pain ca pijim' nucucun. Ac i ma' na ca tomi' capa' ma'.