Mateus 18:12 - Tradução Bíblica Pacaas Novos

¹² Tomi' xun wari' co ma' 100 non ovelha ma' ac caparut na. Xut ximao xica' pe ac ne na. Cain' cain' ta' ca quem? Om ta pirao' tain ca ra? Pirao' tain tara. Paca' tarain oro wirain ma', ca ma' 99 nein ma', pain ca cao' to nein tononoin pain ca tamaja pan ne pacun ma'. Mo pirao' tain e' ac cain tara ca xut ximao ma'.

Mateus 18:12 Iomraidhean Croise

Mateus 12:11

Tomi' ac tococwa na: Am ma' ca win ma' nuhu' co wina nain ovelha ma'. Cain' cain' ta' ca pain ca pan' mao nein man ovelha nucun pain sábado ma' quem? Om ta taramaja ca ra? Om ta an hwet tain cain ra?

Mateus 18:13

Mam' pin iri tarain ne, tomi' querec te tamana ac cain tara. Tomi' querec te paxi' nain oro wirain ma', ca ma' 99 nein ca om xuruxut ximama' ma'. Ane tomi' querec te tamana pan tain cain ca xica' pe nein ca pan' am ma' ne, pain ca mam' pin cain ma', tomi' iri'o' inuhu' ta.

Mateus 21:28

Pijim' hwet xuhu' cocon mana panxica wari' ac tococwa na. Ma' 2 nana. Pijim' hwet xuhu' cocon, tomi' hwet ac mahu' tara pain ca taraju pa' nuhu' quem tata. Ma ac caca na. Ma' na wari' pane ac tococwa na. Ma' 2 nana mana panxica. Tomi' ac con na co pan' cain' ma': Taramaja rain totaxi' pain xec ca' arain non.

Mateus 22:42

Cain' cain' ne ca coromicat nuhu' con Cristo quem? Ma' co hwanana ne ca quem tata. Hwanana ne non taramaxicon Davi cara pane ac cocon na.

1 Coríntios 10:15

Win ne ca coromicat xo' urut ta hwe ma'. Je ca tomi' ac i ma' xuhu' ca'. Cain' ca coromicat mi' mahu' pain ca tomi' xuhu' ca'? Am iri'o' na ta mahu' pain ca xirao' ne ca', am om iri'o' na ta mahu' pain.

1Pedro 2:25

An xiho' paxi' hwein ovelha ca xuruxut ximama' pane, ane cwirin' pin hwe ne. Coco' tucu in hwet hun co ma' co querec wet nuhu' ma', co narain ho' taxi' nuhu' pain oro ca om awi wa ma'.