Mateus 18:11 - Tradução Bíblica Pacaas Novos

¹¹ Je ca maqui' ta' ca' ac ca na. Wata' pain ca Iri' Wari' ta' ca', maqui' ina, ma' ta to' witan toton inonon oro wari' co pan' ara'am nana ta naparut.

Mateus 18:11 Iomraidhean Croise

Mateus 10:6

Pirao' e' jujun oro wari' nein Israel ma', co an xiho' nanain ovelha ca pan' ara'am ma'.

Mateus 15:24

Om ca hwet roron co om judeu nana ta capa' Iri' Jam quem ac caparut na. Hwet e' roron oro judeu co an xiho' nanain ovelha ca pan' ara'am ca' non waximain napa' ta na ca tomi' caparut ma'.

Mateus 18:12

Tomi' xun wari' co ma' 100 non ovelha ma' ac caparut na. Xut ximao xica' pe ac ne na. Cain' cain' ta' ca quem? Om ta pirao' tain ca ra? Pirao' tain tara. Paca' tarain oro wirain ma', ca ma' 99 nein ma', pain ca cao' to nein tononoin pain ca tamaja pan ne pacun ma'. Mo pirao' tain e' ac cain tara ca xut ximao ma'.

Mateus 9:12

Taraju nonon Jeju ma' quem. Tomi' ac cocon na: Om ca cwirin' je toton oro wari' co awi urut xi' ma nana ma'. Cwirin' je e' inonon co querec pin' pan xucucun pain ca caracat nucucun. Win ne ca om aramao xio tococwa oro wari' co om caxi nana ma'. Aramao xio e' tata co caxi nana ma'.

Lucas 15:24

Xi in qui' ara ca panxita' cwa' ta. Ac ca mi' pin ca paxi' na ira, ac ca e' mami' ca na pain xocori ca'. Ac ca pan' am ca paxi' na, ane mam' ton ne na cote ca. Tomi' querec te xi', xi om ne ca in hwet ara capa' ta na.

Lucas 15:32

Na e' na pain ca an hwet xin ca tomi' querec te nexi' pain ca cao' querec te nexi' ca'. Xi in qui' ara ca coxa' ma cwa'. Mi' pin tara paxi' urun pane. Ane in qui' ca ne. Ac ca e' mami' ca na. Pan' am tara paxi' urun pane quem. Ane in hwet capari' ne. Ac ca mam' xun na ta na ca tomi' con panxica ma'. Ac i ma' na ca pijim' tococwa pane.

Lucas 19:10

Je ca maqui' ta' ca' ac ca na. Wata' pain ca Iri' Wari' ta' ca', hwet inonon oro wari' co an xiho' nonon Zaqueu cwa', co ac ca pan' ara'am caca na pain ca to ni ca' cocon Iri' Jam. Ma' ta pirao' toton, ma' ta to' witan toton ta inonon na ca tomi' tococwa ma'.

Lucas 9:56

Xuruxut mama' ac cacain na xijein ca paric to ne xirim quem.

João 10:10

Caxicon wari' ma', om ca maqui' ximao ca. Maqui' e' na pain ca an noc xa tain cain oro ovelha. Maqui' e' na pain ca to' pa' pin tain cain. Maqui' e' na pain ca to' om pin tain cain quem. Ac i ma' nana co pijim' ni ca' nonon pain capijacon Iri' Jam oro wari' ne quem. Wata' iri na ne, maqui' ina, ma' ta e' cara caca oro wari' ne pain pawin ta inonon. Maqui' ina, ma' ta ma' ma' xam' cocon oro carawa ca mi' toton ta' pain ca to' e' cara toton quem inonon.

João 12:47

Mo ta om tomi' ha' capa' wari' co taraju napa' pain ca tomi' hwet tain capijacon Te ca'. Om paxi' na ca wata' ne co tomi' em' non pain ca caracat nucun. Xi maqui' ta' pain ca tomi' em' toton ta' oro wari' ta. Maqui' ina, ma' ta to' witan toton oro wari' ta ina.

João 3:17

Hwet roron oro wari' ta ara xi' napa' Te pahu' pane. Ma' ta to' witan momon napa' pahu'. Om ca tomi' ca' capa': Hwet roron, ac juiz ra cocon, em' hwe, xi om ne ca caracat nuhu' ta roron, om ca tomi' ac i ma' capa' pahu', om na. To' witan roron ta napa' pahu'. Je ca hwet roron capa' pahu' pane.

1 Timóteo 1:15

Maqui' iri nain macan' Cristo Jeju pane ne, to' witan toton oro caracat ta ac ca na. Iri'o' na ca tomi' ne ca'. Na e' na pain ca howa howa pi' pin xin ca tomi' ne ca'. Wata' co iri' caracat ta. Om na xucun wari' co an xiho' napa' pain ca caracat ne ta.