Mateus 18:10 - Tradução Bíblica Pacaas Novos

¹⁰ Ma' tara xumuhu' me ac caparut na. Ta noc camain' huhun oro wari' co an xiho' nonon hwijima' co om hwara' opa nana cwa' me. Je ca tomi' xuhu' ca': Oro jam co taramaja mi' nonon Iri' Jam ma', co querec wet taxipa' nonon ma', tama' to ho' nonon Te co pe pawin cain.

Mateus 18:10 Iomraidhean Croise

Mateus 1:20

Pain ca coromicat coromicat wet cain i ma' ne, tohwein' ac con na jam co taramaja mi' non Iri' Jam. Wirico jam co hwet pan non pain ca tohwein' nucun José. José winacon taramaxicon Davi ac con na. Ta hehe ma cam me ta. An ram narima' nem ma', Maria ma'. Je Tamataracon Iri' Jam ca mi' nam pain ca nam' nequem ta na ca tomi' con ma'.

Mateus 12:20

Om ta tomi' mana' cocon co naro nana ma', co an xiho' e' nanain taparain pana ca torotop xat ma', co an xiho' e' nanain naran ca jo' pin ta' ma'. Taramaja ac i ma' tara. Taramaja taramaja maqui' pa' ac con tara xec nein ca to' quiji' pin tain cain oro ca om awi wa.

Mateus 18:14

Ac i ma' na Cotere' co pe pawin quem. Noc nain ca pan' am xica' pe ca wari' co an xiho' non pije' pain ca howa con ma' na ca tomi' caparut ma'.

Mateus 18:6

Wari' co to' caracat non win ma' ca co om hwara' opa ma', co an xiho' non pije' co howa napa' cwa' iri na ne, wap tamana ac con tara Iri' Jam. Mija tara ca jain jain ca con. Mo xi tucu xine iri' cote ne pacun ca mam' ep xine trigo pain paramacon ma', mo xi xin pocom mi' tocwa pain iri' ca xopain ne cote ne com ma', jain jain pije' ac ca xira. Pain ca wap ton con Iri' Jam pain ca to' caracat con wari' co an xiho' non pije' cwa' iri xira ne, mija tamana pan ac ne xira ca jain jain nucun con ta na ca tomi' caparut ma'.

Mateus 2:13

Mama' iri nana caram ma' co noro nonon pijo' ma' ne, tohwein' ac ca na José. Tohwein' non jam co taramaja mi' non Iri' Jam. Tequi' pe ra ta José. An mao ron pije' ma'. An mao ram jicon ma' quem. Jein mama' jein Egito cain. To wet ac hwein i cain tara. Aram aram tomi' ac xuhu' tara, in qui' ac hwe tara. Pirao' ton ara xi' non pije' Herodes ma'. To' pa' pin ton ta na, ac i ma' na ca tomi' con pain ca tohwein' nucun.

Mateus 2:19

Mi' pin iri na Herodes ne, om om, tohwein' ac ca na José. Wirico jam co taramaja mi' non Iri' Jam co hwet non pain ca tohwein' nucun pain ca pe pe wet cain Egito pane.

Mateus 24:31

On mip ac ne tara caji taracom. Tomi' ac toton tara oro jam co taramaja mi' nanapa' ma'. Mama' jein oro xijein macan', cut in cut in xam' jujun oro wari' co tora' ca Iri' Jam ta, cut in qui' jujun pain oro xijein macan' pain pira ta, ac i ma' tara ca tomi' toton ta.

Lucas 1:19

Om na ta Zacarias ac ca na. Gabriel ina. Wata' co xat pe ho' taxipa' non Iri' Jam pain ca taramaja mi' ton ca'. Hwet ron napa' Iri' Jam pum. Tomi' hwet ron pain carawa ca awi ca ara mi' ton ta' ca' napa' pum pain ca pan' qui' ta' ca panxima.

Lucas 10:16

Tomi' ac tococwa na co taxipa' ca ma', co pijim' mama' jein pira ca ma'. Wari' co taraju wet nuhu' pain ca pijim' hun ma', taraju wet napa' quem. Wari' co noc nuhu' pain ca pijim' nuhu' ma', noc napa' quem. Wari' co noc napa' ma', noc non co cwain co hwet ron oro wari' napa' quem na ca tomi' tococwa ma'.

Lucas 16:22

Aram aram maqui' ac ne na xec nein ca mi' pin nucun Lázaro ma'. An mao ac cocon na oro jam co taramaja mi' nonon Iri' Jam. O mi' nonon con Abraão cara pane. Aram aram mi' pin ac ca na co ma' co caramaju ma' quem. An corom pe ac xine na curucun pain manain pacun.

Atos 10:3

Maqui' ac ne na xec pain ca querec ca carawa Cornélio ma'. Piquirim pin na xina ma', pain 3 hora ma', ac ca tohwein' ca na. Querec paxi' na, om ca pi'am ca. Ac ca querec con na jam co taramaja mi' non Iri' Jam. Om ca querec tocohon ne tocon, querec iri'o' non. Ac ca xut hwet con na, Cornélio ac con na.

Atos 12:15

He, tamanain ma ra ac cacam na. Om na, hwet pe na, iri'o' ta ac cama na. Tara. Jam co querec wet non tara ta ac caca na.

Atos 12:23

Wap hap ac con na Herodes jam co taramaja mi' non Taramaxicon nexi' ma'. To' caxi pin non. Xi tomi' in pin tococwa oro wari' pain ca Iri' Jam na co pijim' ma' ta cocon ta. Tomi' in pin xiroron. Om na, wata' cwa' ira, om ca Iri' Jam ta', awi tamana pan na Iri' Jam ta, tomi' in pin ac i ma' xiroron. Je ca wap con jam co taramaja mi' non Taramaxicon nexi' ma'. Cao' pin non caxicon cwam, mi' pin ac ca na.

Atos 27:23

Taxi' ina, xi hwet pa' ara capa' jam co taramaja mi' non Iri' Jam ta. Hwet pa' napa' pain xim cara ne. Wirico Iri' Jam co wari' ne napa' cwa', co pe torotop mi' querec te ta' cwa', wirico co mam' napa' con jam co taramaja mi' non. Tomi' ac capa' na:

Atos 5:19

Tao' to paxi' tata. Ane maqui' cain xim jam co taramaja mi' non Taramaxicon nexi' ne. Pa pin nain oro manain xirinain ca tao' to tao' to to wa ma', o hwerehwet qui' ac tococwa na quem. Tomi' ac tococwa na:

Romanos 14:10

Je ca tomi' xuhu' ca': Wum pain ca om cao' main cwerein carawa ma', para tomi' ximao momon xerem co cao' nanain quem? Wum pain ca cao' main oro cwerein carawa ma' quem, para tomi' ximao momon xerem co om cao' nanain quem? Cain' cain' xihwe quem? Main maqui' ta' ara xi' na xec nein ca coco' quima hwet coco' quima hwet pi' pin xun Iri' Jam ta. Tomi' xo' ac capari' tara pain oro carawa ca ara iri' pain ca to to wet xin macan' ca'.

Romanos 14:21

Mo ta mam' ja' camara' pin xuxun xerexi' pain carawa ca cao' iri' ca', awi na pain ca om cao' xin. Mo ta mam' ja' camara' pin xuxun pain comi uva ca mana' ca toc iri' quem, awi na pain ca om toc xin. Mo ta mam' ja' camara' pin xuxun pain oro carawa ca ara xi' iri' ma' quem, awi na pain ca om ara xin.

Romanos 15:1

Wari' pain ca hwara' opa iri' ca', pain ca howa xun Iri' Jam cwa', na e' na pain ca quep xiho' xuxun oro co om hwara' opa nana pain ca howa nucucun ma'. Xiram pa' xuxun. Om ta ara e' xin ca param nexi'.

1 Coríntios 11:22

Cain' cain' xihwe quem? Om nuhu' xirim ca cao' to hwe ra? Om nuhu' xirim ca toc to hwe ra? Ac ca noc xujuhu' a xira pain ca howa hun Iri' Jam ma', ara wixipa' pin ac hwehwem na co om nanam carawa. Cain' cain' xuhu' quem? Tomi' querec te xuxuhu' pain ra? Om ca tomi' querec te xuhu' pain ta.

1 Coríntios 16:11

Taraju wet jun, ta miri'om hun me ta. Paca' xim iri turuhu' ne, quep xiho' ac hun tara. Ma' ta tomi' querec te ca pain ca in hwet xim capa'. Winim' ton quem. Maqui' wi tara cocon oro xerexi' co in hwet xim nanapa' ma' quem.

1 Coríntios 9:22

Pe ho' iri inonon co om hwara' opa nana pain ca howa nucucun ma' ne, pain ca om taraju pa' caca pain ca ein cacain carawa ma', om ca tomi' mana' toton pain ca om hwara' opa nucucun pain ca om taraju pa' nucucun. An xiho' e' inonon pain ca ein cacain carawa. Ma' ta hwara' opa pin caca pain ca howa nucucun ta inonon. Je cwere mao na cocon oro wari'. An xiho' an xiho' pi' pin inonon. Ma' ta ma' caca oro wari' co witan nana pata' ta ina.

2 Coríntios 10:1

Wata' pain ca Paulo ta' ca', tomi' ca' inuhu' pain ca an xiho' ton Cristo pain ca tomi' wixite nucun, je pain ca tomi' pan hot nucun ma' quem. Tomi' mip ca' inuhu' cocon oro win ma' nuhu' co tomi' ximama' ca' nana pata': Tomi' iri napari' pain ca pe ho' capari' ca' ne, tomi' pan hot e' napari'. Pe ni ca' iri napari' ne, pan to' ac cain na tarajixi', ac i ma' na ca tomi' ximama' caca pata'.

2 Coríntios 10:10

Ma' ara xi' nana oro win ma' nuhu' co coromicat mi' ac i ma' nanapa' ma'. Pan to' e' nain ca taraju wa pain oro ca xirao' nucun, tomi' carapita e' na pain ca hu capari' ta. Hwet iri napari' ne, hehe ac ca na, xi pijim' xo' taxi' capari' ta, ac i ma' na ca tomi' caca ma'.

Gálatas 6:1

Tomi' xim inuhu' pain ca tomi' ha' taxipa' hwein Tamataracon Iri' Jam ma' xere. Mo ta ma' ca win ma' nuhu' co pan' mao pain ca caracat nucun ma', quep xiho' jun. An in jun, ma' ta xut xo' mami' ca. Tomi' xun iri jun ne, tomi' wixite e' jun. Ma' tara xumuhu' quem. Ma' ta om an xiho' hun pain ca caracat nucun.

1 Tessalonicenses 4:8

Je ca tomi' urut pahu' ca': Mo ta tomi' in pin hwein ca xirao' mi' urut pahu' ca', om ca wari' ca co tomi' in pin hwe. Tomi' in pin hun Iri' Jam co mi' nuhu' pain Iri' Tamataracon ca ara awi e' ma'.

1 Timóteo 4:12

Xo' hwara' paxi' ma. Ane om na ne pain ca tomi' napat quequem co howa nana ma' ne. Om ca na ne pain ca tomi' napat quequem pain ca xo' hwara' nem ma'. Na e' na pain ca win ca ne quequem pain ca querec pin' quequem pain ca tomi' xo' nem ma', je pain ca xut xo' nem ma' quem. Na e' na pain ca win ca ne quequem pain ca om noc momon oro wari', je pain ca howa mon Iri' Jam ma', je pain ca miri'om main oro ca caracat wa ma' quem.

Hebreus 1:14

Cain' cain' caca oro jam co taramaja mi' nonon quem? Om ca tomi' ha' tomi' ha' pi' pin cocon Iri' Jam pain ca quep xiho' jujun oro wari' co to' witan xuxun ta tococwa ra? Je i ma' ca taramaja nucucun ma' ira!

Hebreus 9:24

Je ca tomi' xuhu' con Cristo cwa'. Om ca corom hwet con Iri' Jam pain Iri' Maxicon pain xirim ca quep pan caca wari' pane, ca an xiho' e' nain iri' xiricon pain pawin cain, om na. Corom hwet non pain pawin cain. Je ca pe pan ca pain xocori ca'. Pe ho' non Iri' Jam, tomi' mi' napari' con.

Apocalipse 8:2

Querec ac toton na oro jam co taramaja mi' nonon Iri' Jam ma', pain ca coco' quima hwet cocon ma'. Ma' 7 nana. Mi' mi' xam' ac tococwa na pain caji taracom.