Mateus 17:9 - Tradução Bíblica Pacaas Novos

⁹ Quiji' mama' ac cacain na pacun. Pain ca xuruxut xuruxut wet nucucun ma', tomi' ac tococwa na: Ta tomi' hwet huhun oro wari' pain ca querec hwe pata' me. To' e' mami' cain' tarapa' Te ta. Wata' pain ca Iri' Wari' ta' ca', to' e' mami' cain' tarapa' Te. Tomi' hwet ac huhun pain tara ca querec hwe pata' ta na ca tomi' tococwa ma'.

Mateus 17:9 Iomraidhean Croise

Mateus 12:16

Tomi' mip ac tococwa na: Ta tomi' hwet mahu' cocon oro wari' me ta tata.

Mateus 17:12

Ac i ma' paxi' na ca tomi' caca pane, ane tomi' pan xuhu' pain i ca' ne: Wara in qui' paxi' na Elias cara pane, ane om querec pin' cocon oro taramaxicon ne. Quep em' nonon, om ca xiram pa' camain' cocon. Ac i ma' tatarapa' pain ca Iri' Wari' ta' ca' quem. Quep em' tatarapa' quem na ca tomi' tococwa ma'.

Mateus 17:20

Xi howa homa mahu' ta ac caparut na. Je ca tomi' xuhu' ca', tomi' iri'o' inuhu': Noro jein wijimain tocwi mostarda ma'. Iri' wijimain na. Iri' wijimain ac i ma' paxi' tara ca howa nuhu' quem. Je i ma' ira, mo ta howa wijimain e' mahu', ha' ac cuhu' tara pain ca tomi' ca' hwein cote ne pacun ca': Ju in mao rain i cain, ac i ma' tara ca tomi' hwein. Ju in mao ac nein i cain tara quem. Mo ta howa ac i ma' mahu', ha' ha' xam' turuhu' oro carawa ta na ca tomi' caparut ma'.

Mateus 17:22

Cut in iri xujuxut pain Galileia ne, tomi' ac caparut na Jeju: Iri' Wari' paxi' ina, ane ma' ca wari' co tomi' mi' xim napa' cocon oro co noc nanapa' ne. O mi' ac cacapa' tara cocon oro co to' pa' pin xun nanapa' ma'.

Mateus 17:23

To' pa' pin ac cacapa' tara quem. Ma' 3 pin iri tarapa' xec pain ca mi' pin ne ne, to' e' mami' ac capa' tara Iri' Jam ta na ca tomi' caparut. Tomi' xaxa' tamana ac urut na quem.

Mateus 17:8

Noro pawin iri nana ne, wara om pin na Moisés con Elias. Om ca querec mami' tococwa. Querec xica' pe e' nonon Jeju.

Mateus 8:20

Tomi' ac con na Jeju: Noro rain oro carawa pain mi ma'. Ma' ma' xam' nain ca pi'am to nein. Noro rain oro me ma' quem. Ma' ma' xam' nain xirinain quem. Wata' iri na ne, pain ca Iri' Wari' ta' ca', om napa' xirim ca pe xo' ta' ca' na ca tomi' con ma'.

Mateus 8:4

Tomi' ac con na Jeju: Taraju wet ne e'. Ta tomi' hwet momon oro wari' pain ca quep xio xim ca' me ta non. Hwet e' ron sacerdote co taramaja pe nain cote ne xiricon Iri' Jam ac con na. Noro rain cwere pain ca xio pin ta' ca' ac mon tara, mi' ac mon tara pain carawa ca tomi' capari' Moisés pain cara pane, pain ca tomi' xo' capari' con wari' co xio pin pain caji nan. Mi' ron pain, tom mi' ron pain Iri' Jam me ac mon tara. Tom tain' iri tarain ne, querec pin' ac quequem tara oro wari' pain ca xio nem ma', je pain ca querec hohot pin quem Iri' Jam ma' quem na ca tomi' con ma'.

Marcos 8:30

Tomi' mip ac tococwa na: Ta tomi' hwet mahu' cocon oro wari' pain xocori ca' me, ta tomi' hwet huhun pain ca Cristo ta' ca' me tata.

Lucas 8:56

Wa wa na cote ca cam jicam ma'. Ane tomi' tacacama ne: Ta tomi' hwet huhun pain oro wari' me ta, ta tomi' hwet huhun pain ca to' e' mami' tam ta tata.

Lucas 9:36

Tomi' ac i ma' iri na Iri' Jam ne, ma' xica' pe pin ac ca na Jeju. Co taxipa' ca ma', pain ca querec cacain i ma' con Jeju con Moisés con Elias ma', om ca ji'am pin cacain. Tama' coromicat e' nanain. Om ca tomi' hwet cocon pain oro wari'.