Mateus 17:7 - Tradução Bíblica Pacaas Novos

⁷ Xut hwet ac tococwa na, quep ac tococwa na. Tequi' to je. Ta jin' hwe me ta tata.

Mateus 17:7 Iomraidhean Croise

Mateus 14:27

Ane tomi' hap caparut Jeju ne. Om na, ta jin' mahu' me ta, wata' ta. Quereme je ta naparut.

Mateus 17:6

Taraju iri nanain ca tomi' nucun Iri' Jam ne, jin' tamana ac caca na. Camara' tucu hwet mi' ac cacain na macan'.

Mateus 17:8

Noro pawin iri nana ne, wara om pin na Moisés con Elias. Om ca querec mami' tococwa. Querec xica' pe e' nonon Jeju.

Lucas 24:5

Jin' tamana ac cacama na. Pe torotop to nana, noro quiji' mama' nanain macan' ma' quem. Tomi' ac cacam na wari' ma': Para pirao' pe hun pain manain pacun co e' mami' quem? Xi pe xica' pe ara cain i ca' wari' co mi' pin ta. Om ca pe cain i ca' wari' co e'.

Atos 9:6

Tequi' pe ra ta ac con na. Mo hwet rain cidade ma'. Tomi' xo' ac quem tara wari' pain carawa ca ara ra xim ca'. Ac i ma' na ca tomi' con Saulo ca tomi' wa ca taraju ca ma'.

Apocalipse 1:17

Querec iri inon ne, pan' hwet ac ton na pain caximacon. Ac wari' co mi' pin ma' ina pain ca pan' hwet ton pain caximacon. Quep ac capa' na pain micon ma', pain iri' curucun ma'. Tomi' ac capa' na: Ta jin' mapa' me ta. Wata' co ma' cain' pane, pain ca om om wet ne oro carawa pane. Wata' co ma' cara ta' ma' quem, pain ca win pi' pin ta' ne oro carawa quem.