Mateus 17:5 - Tradução Bíblica Pacaas Novos

⁵ Tomi' tomi' wet na Pedro ma', hwet qui' ac ne na tajain nanawin ca toc meremem tamana. Tatep pa' ac tococwa na. Taraju ac cacain na ca tomi' wa ma', ca maqui' nain nanawin ma'. Mon cwa' panxita' co om noc camain' ta' cwa'. Hohot tamana napa' ta. Taraju wet jun ta na.

Mateus 17:5 Iomraidhean Croise

Mateus 12:18

Noro jun wari' ne co tora' ta' cwa', co taramaja mi' napa' cwa'. Om ca noc ton. Hohot tamana napa'. Mi' ton pain Tamatara. Pijim' totoron oro wari' pain oro xijein macan'. Oro wari' co om judeu nana ma', tomi' hwet pan ac tococwa tara pain ca ara xo' ne ca', pain ca main wap ton toton oro wari' co pan teretem nana ma'.

Mateus 17:6

Taraju iri nanain ca tomi' nucun Iri' Jam ne, jin' tamana ac caca na. Camara' tucu hwet mi' ac cacain na macan'.

Mateus 3:17

Tomi' pan ac con na Iri' Jam. Maqui' nain pawin ca tomi' nucun. Mon cwa' panxita' co om noc camain' ta' cwa'. Hohot tamana napa' ta na ca tomi' con ma'.

Marcos 1:11

Tomi' pan ac con na Iri' Jam. Maqui' nain pawin ca tomi' nucun. Panxita' inem ta arain non. Om ca noc camain' xim. Hohot tamana mapa' ta na ca tomi' con ma'.

Marcos 9:7

Hwet qui' ac ne na tajain nanawin. Tatep pa' ac tococwa na. Taraju ac cacain na ca tomi' wa ma', ca maqui' nain nanawin ma'. Mon cwa' Panxita' co om noc camain' ta' cwa'. Taraju wet jun ta na ca tomi' nucun.

Lucas 3:22

Quiji' hwet ac con na Tamataracon Iri' Jam. Ac xucu' na cwerein. Tomi' pan ac con na Iri' Jam. Maqui' nain pawin ca tomi' nucun. Panxita' inem ta arain non. Om ca noc camain' xim. Hohot tamana mapa' ta na ca tomi' con ma'.

João 3:16

Xi noc cuhu' Te Iri' Jam ta ac con na. Om ca noc camain' cuhu' pain ca wari' nuhu' ma'. Je ca tomi' ca' cuhu' pata': Mi' xuhu' con Panxita' co xica' xat cwa'. Ma' ta om mama' cacain cote ne xe oro wari' co howa nonon ta nuhu' pata'. Ma' ta e' cara caca nuhu', ma' ta to ho' to ho' xam' cacapa' ta nuhu'.

João 3:35

Iri' Jam ma', om ca noc con Panxica. Wum co iri' Taramaxicon ta non. Taramaxicon pe ho' rain oro carawa cocon oro wari' quem ta non.

João 5:37

Te ma', co hwet roron oro wari' ta napa' pane, tomi' hwet pan napa' pahu' quem. Om ca taraju camain' hwein iri' ca tomi' nucun, om ca querec pin' hun quem.

Atos 1:9

Tomi' pin iri nain i ma' ne, an piri' mao ac tocwa na. Querec nana co taxipa' ca pain ca an piri' mao tocwa ma'. Piri' piri' tatep pa' ac con na tajain nanawin. Querec querec om pin ac cocon na.

Atos 7:37

Wirico Moisés co tomi' nonon oro hwanana nexi' pain ca wari' nein Israel iri' quem. Tomi' ca' nonon pane: Main mi' turuhu' con profeta Iri' Jam ma'. An xiho' tarapa' pain ca profeta ta' ca'. Iri' win ma' nuhu' tara ta nonon.

Efésios 1:6

Je ta tomi' querec te xun pain ca quep xiho' tamana capari' ta. Xi xiram pa' pan ara capari' pain ca mi' e' capari' pain ca win cwere pin xun Cristo co om noc ca ma'.

Colossenses 1:13

Xi wirico ara ca co to' witan ca' napari' con Caxicon Jam ma', co taramaxicon pe nain ca jitacat nein xim ma'. To' witan ca' napari' con, an to pin ac capari' na pain ca taramaxicon pe ca Panxica co om noc ca ma'.

Hebreus 5:9

Pi' pin iri na ca taramaja nucun ca ara ra con Cote ca ne, pain ca hohot pin mapa' ta con ma', ha' pin ac con na pain ca to' witan cara tococwa oro co tomi' ha' nonon.

Apocalipse 1:7

Noro je! Maqui' tara pain tajain nanawin Jeju. Querec querec pi' pin totoron oro wari'. Oro wari' co xucun' pa' nonon quem, querec querec pi' pin totoron. Awaran awaran pi' pin ac caca tara con oro xucucun wari' pain oro xijein macan'. Amém, iri'o' na ca tomi' ne ta.

Apocalipse 14:14

Querec ac tain na tajain nanawin ca towo'. Ma' na co xao pe pe nain quem. Ac Iri' Wari' na. Pe nain winacon caji waji' nucun taramaxicon ma', ca mam' quep xine pain ouro ma'. An na pain micon caji quit ca wara xa ma', ca mam' wawac wa caramaji xitot ma' quem.