Mateus 17:3 - Tradução Bíblica Pacaas Novos

³ Hwerehwet qui' ho' ac caca na Moisés con Elias cara pane. Pijim' nonon Jeju quem.

Mateus 17:3 Iomraidhean Croise

Mateus 17:2

Ca noro noro cocon Jeju ma', jimao pin ac ne na tocon. Toc meremem pin na con, an xiho' non xina. Towo' tamana pin na womicon quem. An xiho' nain naran ca toha mip ma'.

Mateus 17:4

Tomi' ac con na Jeju Pedro: Awi na pain ca to xin i ca' quem Taramaxicon ne. Mo ta param mapa' pain ca quep mi' xuhu' pain wijimain xirim, quep 3 ac tain tara. Mene rain wirain, mene tarain wirain Moisés ma', mene tarain wirain Elias ma' quem na ca tomi' nucun.

Marcos 9:4

Hwerehwet qui' ac caca na Elias con Moisés cara pane. Pijim' nonon Jeju quem.

Lucas 1:17

Wirico tara panxima co wara o ta' na con Iri' Taramaxicon co wara tomi' pe ca Iri' Jam pane. Pijim' hwara' opa tamana tara, win ca profeta Elias cara pane, an xiho' toron Elias pain ca pijim' hwara' opa nucun. To' om pin tarain ca mana' caracan xucucun mana cote caca cocon mana panxicaca, tomi' querec te pin mami' ac xucucun tara. To' coromicat xo' pin ac cocon tara oro wari' co ari nonon Iri' Jam ma', aram aram coromicat an xiho' pin ac cocon tara co tomi' ha' nana ma' quem. Tomi' tomi' wara awori xo' totoron oro wari', ma' ta winim' xo' cocon Iri' Taramaxicon pain ca aram aram maqui' nucun. Ac i ma' na ca tomi' con Zacarias jam co taramaja mi' non Iri' Jam pane.

Lucas 16:16

Tomi' ac tococwa na: Oro co pijim' hwet nanain ca xirao' nucun Moisés pain oro ca xirao' nucucun oro profeta pane, pijim' pijim' ca' nanain, aram aram maqui' ac ne na xec nein ca ja' taxipa' com João pane ta nonon. Mi' pin iri na João ne, pijim' hwet pan ac tain na capijacon Iri' Jam pain ca taramaxicon pe ho' toton cocon oro wari' quem. Jain jain jain jain pi' pin nana oro wari' pain ca taramaxicon pe ho' xirapari' na cocon quem.

Lucas 24:27

Tomi' xo' ac tococwa na pain capijacon Iri' Jam ca tomi' mi' pan non ma', je pain ca xirao' pe nucun Moisés, je pain oro ca xirao' to nucucun oro profeta cara pane, tomi' xo' tomi' xo' pi' pin ac tococwa na pain oro ca xirao' pe xine capijacon Iri' Jam ca tomi' mi' non quem.

Lucas 24:44

Je ca tomi' xuhu' pain ca pe ho' pe ho' wet xuhu' pane ac tococwa na. Na e' na pain ca hwet pin ne oro capijacon Iri' Jam pata'. Oro ca xirao' nucun Moisés cocon oro profeta, je pain Oro Tamara' quem, na e' na pain ca hwet hwet pi' pin ne pata' ac tococwa na.

Lucas 9:33

In mama' xi' iri nana ne, tomi' ac con na Jeju Pedro. Awi na pain ca to xin i ca' quem Taramaxicon co ca' na taxipa' capijacon Iri' Jam. Quep 3 xut pain wijimain xirim. Mene rain wirain. Mene tarain wirain Moisés ma'. Mene tarain wirain Elias ma' quem na ca tomi' nucun. (Tomi' ximao na Pedro, xi coromicat xo' ca ta.)

João 1:17

Moisés cara pane, tomi' hwet napari' pain oro ca tomi' ha' je capari' Iri' Jam. Jeju Cristo ma' iri na ne, an hwet mi' napari' pain ca xiram pa' capari' Iri' Jam. Mi' napari' pain ca querec pin' xin oro ca iri'o' wa con Iri' Jam quem.